मोटरसाईकल चोरी गर्दा गर्दै सशस्त्र प्रहरी बलका परिचर सहितका व्यक्ति पक्राउ

  २०६९/५/१७ गते साँझ पोखरा १७ बस्ने कृष्ण गुरुङ्गले ऐ. स्थित डेमसाईटमा पार्किङ्ग गरी राखेको ग.३.प. ३६९१ नं. को करिज्मा मो टर साईकल चोरी भएको भन्ने उजुरीको आधारमा वडा प्रहरी कार्यालय बैदामबाट खटिएको प्रहरी टोलीले खोजतलास गर्दे जाँदा पोखरा १७ विरौटामा लुकाई छिपाई नम्बर प्लेट परिवर्तन गर्न लागि रहेको अवस्थामा जि. धादिङ्ग सुनौला बजार ५ घर बताउने वर्ष २१ को रवि राना मगर र ऐ.ऐ. घर बताउने वर्ष १९ को जगत राना मगरलाई उक्त मोटरसाईकल सहित पक्राउ गरी सोधपुछको क्रममा निज रवि राना मगर सशस्त्र प्रहरी बल तालिम महाविद्यालय लामापाटनमा परिचर पदमा कार्यरत रहेको भनि खुल्न आएको र निजहरु उपर चोरी मुद्धामा अनुसन्धान कारवाही भईरहेको ।

मोवाईल चोरी गर्दा गर्दै प्रहरी जवान पक्राउ

२०६९।०५।१९ गते बिहान ०५:०० बजेको समयमा पोखरा ४ गैहपाटन स्थित फिष्टेल अस्पतालमा बिरामी कुरुवाहरुको मोवाईल चोरी गरेको भन्ने सूचनाको आधारमा जिल्ला प्रहरी कार्यालय कास्कीबाट

खटिएको प्रहरी टोलीले जि. तनहुँ वरभन्ज्याङ्ग २ स्थायी भएका रतन खडकालाई पक्राउ गरी ल्याईएको, निजलाई सोधपुछका क्रममा नेपाल प्रहरीको सशस्त्र प्रहरी गण मुख्यालय पोखरामा कार्यरत रहेको प्रहरी जवान भएको भन्ने खुल्न आएकोले निज विरुद्ध चोरी मुद्धामा अनुसन्धान कारवाही भईरहेको, निजको साथबाट विभिन्न कम्पनीका ४ वटा मोवाईल सेटहरु बरामद भएको ।

Man arrested with Yarcha gumba-यार्सागुम्बा सहित मानिस पक्राउ

 मिति २०६९/०५/१८ गते जि।कास्की पोखरा ९ चिप्लेडुगा स्थित होटल देउरालीमा जि।कास्की ल्वाङघलेल
गा।वि।स वडा न। ९ सिदीङ बस्ने बर्ष २० को शिब अधिकारी ,एै एै बस्ने बर्ष १९ को सन्तोष गौतम ,एै एै बस्ने बर्ष २२ कोहरि गौतमले उक्त होटलमा यार्सागुम्बा लुकाई छिपाई राखेका छन् भन्ने बिशेष सुराकीको आधारमा यस कार्यालयबाट प्रहरी टोली खटी गई निजहरु बसेको होटल देउरालीको कोठा न। ४ तलासी गर्दा जि।कास्की ल्वाङघलेल गा.वि.स वडा न.९ सिदीङ बस्ने बर्ष २० को शिब अधिकारी ,एै एै बस्ने बर्ष १९ को सन्तोष गौतम ,एै एै बस्ने बर्ष २२ को हरि गौतमको साथबाट ५०० ग्राम यार्सागुम्बा र जि।कास्की अर्मला ३ बस्ने बर्ष ४० को लिला शर्माले छुट्टा छुटै प्लाष्टिक र बट्टामा राखेको ११५ ग्राम गरी जम्मा ६१५ ग्राम यार्सागुम्बा र मानिस सहित पक्राउ गरी अनुसन्धानको लागी यस वडा प्रहरी कार्यालय बगरमा राखीएको छ ।

HSEB Grade 12 Results 2069/2012 Published (Management, Humanities, Education Stream ONLY) - updated

Finally, the Higher Secondary Education Board (HSEB) has announced the result of +2  Management, Humanities, Education  stream, and as usual other streams including Management has been delayed. The published results of HSEB grade XII Management, Humanities, Education stream can be viewed online from NTC website at http://hseb.ntc.net.np/ or IVR at 1601.

How to check result of HSEB 2069 (+2Management, Humanities, Education )

1.From Online.

Click here to check result online with mark sheet.

2.From PSTN/CDMA Landline and Mobile

Dial 1601 and follow the instructions clearly.

HSEB Grade 12 Results 2069 Published (Management, Humanities, Education Stream ONLY)

नक्कली प्रहरी बनी रकम असुल्ने प्रहरी खोरमा

        पोखरा ११ फुलवारी वस्ने वर्ष २५ को शंकर नेपाली र सोही ठाउँ वस्ने वर्ष २५ को पप्पु भन्ने टप वहादुर नेपालीले नक्कली प्रहरी बनी रकम असुल गरिरहेको अवस्थामा प्रहरी चौकी नौडाडावाट खटिएको प्रहरी टोलीले  पक्राउ गरी आवश्यक अनुसन्धान एवम् कार्वाहीको लागि यस कार्यालयमा ल्याइएको छ ।
    अनुसन्धानको क्रममा निजहरुले विगत ६/७ महिना पहिला देखि उक्त कार्य गर्न शुरु गरेको वताएका छन् । निजहरु अनैतिक एंवम गैह्रकानुनी कार्य गर्ने व्यक्तीहरुलाई हामी शादा पोशाकका -CID POLICE_प्रहरीहरु हौ भन्दै नियन्त्रणमा लिने र रकम असुल गरी छाड्ने गरेको वुझिएको छ । उनीहरुले पोखरा–११ फुलवारीको मणिपाल शिक्षण अस्पताल पछाडीबाट ३ दिन पहिला मात्र एक जोडी संग रु.२५०।– र एक जना वुढा मान्छे संग रु १०००।–, भलाम जाने बाटोबाट दुई जोडी संँग क्रमश रु १०००।– र रु १८००।– असुलेको वताएका छन् । २ महिना पहिला १ थान Sony Erission मोवाईल र ३ हप्ता अगाडी L.G मोवाईल फेला पारी रु ३५००।– र रु २५००।– मा महेन्द्रपुलको बावुदाई भन्नेको मोबाइल पसलमा वेचेको स्वीकारेका छन् ।

पसगाउँमा शहादत प्राप्त शहिदको स्मृतिमा एनेकपामाओवादी कास्कीको सभा

बिस २०६० भदौ १६ गते लमजुङ्गको पसगाउँमा तत्कालिन शाही सेनाद्धारा हत्या गरिएका शहिद हेममणी सिंखडा अंकित ११ जनाको स्मृतिमा एकिकृत नेकपा माओवादी कास्कीले शनिबार पोखरामा १० औ स्मृति सभाको आयोजना ग¥यो । सभामा बोल्दै प्रमुख अतिथी एकिकृत नेकपा माओवादी महाधीवेशन आयोजक समितिका सदस्य एवं कास्की जिल्ला सम्मेलन आयोजक समितिका संयोजक झलकपाणी तिवारीले “सहिदका सपना अझै पुरा हुन नसकेका हुदा अझ हामी एकताबद्ध भएर त्याग र समर्पपणको भावले अगाडी बढ्नु पर्छ” भन्नुभयो ।

गांजा फंडानी कार्यक्रमको प्रतिवेदनः

सर्व प्रथमत लागुऔषध नियन्त्रण गर्ने अभियान अन्र्तगत हेम्जा गाविसको ९ वटै वडाहरुमा लगाईएको गांजा खेति नष्ट गर्ने कार्यक्रमको लागि मलाई संयोजकको जिम्मेवारी दिनुहुने कार्यसमिति मित्रहरु प्रति हार्दिक आभार प्रकट गर्दछु ।

संस्थाको नवौं बार्षिक साधारणसभा तथा पांचौ अधिबेशन कार्यक्रमको प्रतिवेदनः

सामुदायिक सेवा केन्द्र एवम् सामुदायिक प्रहरी सेवा पोखरा १ बगरको नवौ बार्षिक साधारण सभा तथा पांचौ अधिबेशनले सर्व सम्मत रुपमा पुनः पुरुषोत्तम श्रेष्ठको अध्यक्षतामा आगामी दुई बर्षे कार्यकालका लागि नयां कार्य समिति चयन गरेको छ । समितिको नि.व. अध्यक्षमा सीता गुरुङ्ग, प्रथम उपाध्यक्षमा ध्रुव प्रसाद पराजुली, द्धि.उपाध्यक्षमा जीवन अधिकारी, सचिवमा गिरी प्रसाद गुरुङ्ग, सह–सचिवमा रामभुषण पराजुली, कोषाध्यक्षमा कृष्ण पौडेल तथा सदस्यहरुमा बिष्णु बहादुर खड्गी, बिजया गुरुङ्ग, होम बहादुर बस्नेत, रामप्रसाद अधिकारी, बिभिषण तिमिल्सिना, प्रेमदेवी परियार, रुद्र प्रसाद सुवेदी (च्वाई), युवराज आचार्य चयन भएका छन ।

सामुदायिक सेवा केन्द्र बगरको अन्तरक्रिया कार्यक्रम सम्पन्न

सामुदायिक सेवा केन्द्र एवम् सामुदायिक प्रहरी सेवा पोखरा १ बगरको आयोजना, शान्तिदिप समाज पोखरा १६ को व्यवस्थापनमा पोखरा १६ शान्तिदिपमा रहेको शान्तिदिप समाज घरमा लागु औषध तथा नागरिक सुरक्षा सम्बन्धि नागरिक प्रहरी अन्तरक्रिया कार्यक्रम सम्पन्न गरियो ।

सामुदायिक सेवा केन्द्र बगरका सचिव श्री गिरी प्रसाद गुरुङ्गको संयोजकत्व, शान्तिदिप समाज पोखरा १६ का अध्यक्ष श्री क्या. तेज बहादुर गुरुङ्गको अध्यक्षता, सामुदायिक सेवा केन्द्र बगरका अध्यक्ष श्री पुरुषोत्तम श्रेष्ठ र सामुदायिक सेवा जिल्ला समन्वय समिति कास्कीका नि.व. अध्यक्ष श्री सीता गुरुङ्गको बिशेष आतिथ्यता र वडा प्रहरी कार्यालय बगरका कार्यालय प्रमुख प्र.नि. श्री भुवनेश्वर तिवारीको प्रमुख आतिथ्यतामा भएको कार्यक्रममा नजिकिंदै आईरहेको चाडपर्व हरुको अवसरमा शान्त र स्वच्छ समाजलाई आवश्यक पर्ने सामाजिक सुरक्षा, व्यक्तिगत सुरक्षा, दुव्र्यसनमुक्त समाज, चोरी ठगीबाटबच्ने उपायहरु, सवारी अनुशासन, अपहरणकारीबाट जोगिने उपायहरु, पर्यटकको सुरक्षा, चाडपर्वहरुलाई तडक भडक रहित बनाउने प्रतिबद्धता, चाडपर्वमा सुरक्षा निकायको सुरक्षा योजना लगाएतका बिषयहरुमा  शान्तिदिप टोल बिकास संस्थाका अध्यक्ष मिन बहादुर गुरुङ्ग, मनोज परियार लगाएतका सहभागिहरुले आ–आफ्ना जिज्ञांसाहरु राख्नुभएको थियो भने सामुदायिक सेवा केन्द्र बगरका अध्यक्ष श्री पुरुषोत्तम श्रेष्ठ, सामुदायिक सेवा जिल्ला समन्वय समिति कास्कीका नि.व. अध्यक्ष एव्म बगरका संस्थापक अध्यक्ष श्री सीता गुरुङ्ग र वडा प्रहरी कार्यालय बगरका कार्यालय प्रमुख प्र.नि. श्री भुवनेश्वर तिवारीले सहभागिले राखेको जिंज्ञासांको जवाफ दिंदै भावि सुरक्षा योजना एवम् बिकृति बिसंगतिमुक्त चाडपर्व मनाउनको लागि राखिएका भावि कार्यक्रमहरुको वारेमा जानकारी दिनुभएको थियो ।

शान्तिदिप समाज पोखरा १६ का सचिव सु. श्री बिर बहादुर गुरुङ्गले संचालन गर्नुभएको कार्यक्रममा ९५ जनाको सहभागिता रहेको थियो ।

Vehicle Accident in Hemja, Kaski,Nepal सवारी दुर्घटना

Vehicle Accident in Pokhara,Hemja

Vehicle Accident in Pokhara,Hemja

कास्की हेम्जा ६ सुईखेत फाँट स्थित म्याग्दी चोकमा फेदीबाट पोखरा तर्फ आउने क्रममा ग.१.ख. २२७२ नं. को बसले बाटो काटन लाग्दा पैदल यात्री म्याग्दी म¥याङ्ग – ५ घर भई हाल कास्की हेम्जा ७ बस्ने वर्ष अं. ८० कि स्वस्तिका जुगजालीलाई ठक्कर दिंदा घाईते भई तत्काल प.क्षे. अस्पताल पोखरामा ल्याई उपचारको क्रममा ऐ. ११:३० बजेको समयमा मृत्यु भएको, उक्त बसले महिलालाई ठक्कर दिए पश्चात अनियन्त्रित भई ग.१.त. ७८३ नं. को ट्याक्टरलाई ठक्कर दिंदा बसमा सवार ४ जना मध्ये कास्की हेम्जा– ५ याम्दी बस्ने अं. वर्ष २० को विनोद पाण्डेको उपचारको क्रममा १२:०० बजे मणिपाल अस्पतालमा मृत्यु भएको र अन्य ३ जना सोही अस्पतालमा उपचार भईरहेको, निजहरुको अवस्थामा मध्यम रहेको र ट्याक्टर चालक कास्की हेम्जा ४ बस्ने अं. वर्ष ४७ को गोविन्द त्रिपाठी पनि घाईते भई मणिपाल अस्पतालमा लगि उपचार भईरहेको, निजको अवस्था सामान्य, सवारी चालक प्रहरी नियन्त्रणमा रहेको र बस र टयाक्टर घट्नास्थलमा रहेको ।
जिल्ला प्रहरी कार्यालय, कास्की

तरकारी फलफूल ढुवानी इकाईको अध्यक्षमा टिकाराम

 नेपाल यातायात स्वतन्त्र मजदुर संगठन तरकारी फलफुल ढुवानी इकाई समितिको विशेष भेला आईतबार सम्पन्न भयो ।उक्त भेलाको प्रमुख अतिथि केन्द्रिय महासचिव रुद्र बहादुर खत्री ले मजदुरहरु संगठनमा एकता बद्ध भई लाग्न आव्हान गर्नु भयो । कार्यक्रममा केन्द्रिय सदस्य तथा अंचल इन्चार्ज कर्ण सिँ गुरुङ्ग , नेपाल टे«ड यूनियन महा संघ जिफण्ट जिल्ला अध्यक्ष लिला बहादुर कार्की र केन्द्रिय शिक्ष विभाग सदस्य तुलसी दाहाल लगाएतका अतिथिहरुले मन्तव्य दिनु भयो ।
उक्त भेलाले टिकाराम अधिकारी को अध्यक्षतामा ७ सदस्यीय कमिटि गठन ग¥यो । जसमा सचिवमा मुक्त बहादुर राई, सहसचिवमा चेतनाथ अर्याल, कोषाध्यक्षमा राजु अधिकारी, सदस्यहरुमा क्रमश: अनिल परियार, मन बहादुर दर्जी र अर्जुन भुजेल रहनु भएको छ ।
नन्दलाल घर्ती को अध्यक्षतामा भएको उक्त कार्यक्रम संचालन सचिव टिकाराम अधिकार ले गर्नु भयो । स्वागत मन्तव्य सहसचिव चेतनाथ अर्यालले गर्नु भएको कार्यक्रममा ढुवानी इकाईका सम्पूण मजदुरहरुको उपस्थिती रहेको थियो ।

Marijuana Stops programme completed-गांजा फंडानी कार्यक्रम सम्पन्न

Marijuana Stops programme completed-गांजा फंडानी कार्यक्रम सम्पन्न

Marijuana Stops programme completed-गांजा फंडानी कार्यक्रम सम्पन्न

Marijuana Stops programme completed-गांजा फंडानी कार्यक्रम सम्पन्न

 मिति २०६९ साल श्रावण २३ गते मंगलवारका दिन यस सामुदायिक सेवा केन्द्र एवम् सामुदायिक प्रहरी सेवा पोखरा १ बगरको आयोजना, जिल्ला प्रहरी कार्यालय कास्की, कास्की जिल्लामा क्रियाशिल रहेका सामुदायिक प्रहरी सेवा केन्दहरु, पृथ्वीचोक, बैदाम, माटेपानी, लेखनाथ, वडा प्रहरी कार्यालय बगर कास्की, लागु औषध नियन्त्रण आमा समुह पोखरा, पोखरा उप–महानगरपालीका १ मा रहेका सहारा, नमुना, हरिचोक, शिद्धार्थ, शंकरटोल, रत्ना आमा समुह, परियार सेवा समाज, मनकामना सहकारी महिला समुह, जागरुक युवा क्लव पोखरा १ कस्सेरी, हेम्जा गाविसको कार्यालय, हेम्जा गाविसमा क्रियाशिल रहेका आमा समुहहरु रामजनकी, नमुना, देउराली, ईन्द्रणी, राधाकृष्ण, कमलजैसी, देविस्थान, कालिका, डहरेदेउराली, तिब्रीकोट, गौरीशंकर, हेम्जा, सृजनशिल आमा समुह, बैदेशिक सामुदायिक अध्ययन केन्द्र (PLC), बैदेशिक सामाजिक संस्था (MSDO) लगाएतका कार्यालय संघ÷संस्थाहरुको सहभागितामा कास्की जिल्लाको हेम्जा गा.वि.स.को ९ वटै वडाहरुमा लगाईएको गांजा खेति फंडानी गरियो ।
साथै फंडानी गरिएको अं.३ ट्रक गांजा वडा प्रहरी कार्यालय बगर परिसरमा ल्याई संकलन गरिएकोले पुनः एक कार्यक्रमका बिच जलाई नष्ट गर्ने कार्यक्रम रहेको ।

Second days also Cleaning Environment program held in pokhara-दोस्रो दिन पनि पोखरा सरसफाई जारी

        रोट¥याक्ट क्लव अफ अन्नपुर्ण, रोटरी क्लव अफ पोखरा अन्नपुर्ण र हेरालो प्रतिष्ठानको संयुक्त आयोजनामा शुरु भएको सरसफाई कार्यक्रम अन्तर्गत शनिवार पृथ्वीचोकदेखि जिरो कि.मीसम्मको सरसफाई कार्यक्रम हेरालो प्रतिष्ठान पोखराका अध्यक्ष रोश गुरङको अगुवाइमा सम्पन्न भएको छ । पोखरा उपमहानगरपालिकाका फोहोरमैला विभाग व्यवस्थापन प्रमुखको उपस्थिति रहेको उक्त सरसफाई कार्यक्रममा पद्य नर्सिङ्ग होम, सि.वि.सी पोखरा, पृथ्वी खुकुरी क्लव, पृथ्वी होटेल संघ, प्रगतिशील नारी समुह, नयाँवजार युवा क्लव, दरवारथोक युवाक्लव, शान्ति दर्शन टोल विकास समिति, सामुदायिक सेवा केन्द्र पृथ्वीचोक ससस्त्र प्रहरीवल कालीका गण, सिन्जो कलेज साउथ कोरीया लगायतको सहभागीता रहेको कुरा  रोट¥याक्ट क्लव अफ अन्नपुर्णका अध्यक्ष रोट¥याक्टर विवेक घिमीरेले वताउनु भयो ।

Cleaning Envirement program held in pokhara-पोखरामा सरसफाई कार्यक्रम

 रोट¥याक्ट क्लव अफ अन्नपुर्ण, रोटरी क्लव अफ पोखरा अन्नपुर्ण र हेरालो प्रतिष्ठानको संयुक्त आयोजनामा आजदेखी पोखराको पृथ्वी चोक आसपासको क्षेत्रमा दोस्रो चरणको सरसफाई कार्यक्रम हेरालो प्रतिष्ठान पोखराका अध्यक्ष रोश गुरङको अगुवाइमा सुरु गरीयो ।

रोटरी इन्टरनेसनल डिष्टीक ३२९२ को रोट¥याक्ट डिष्टीक कमिटि चेयर रोटरीयन किरण लाल श्रेष्ठले कोरीयन स्वयम सेवकलाई कुचो र सावेल प्रदान गरेर उद्घाटन गरीएको सो सरसफाई कार्यक्रम साउन २० गते पृथ्वी चोकदेखी जिरो किलोमीटर सम्म, साउन २१ गते पृथ्वी चोकदेखी नयाबजार हुदै पुरानो कर कार्यलय सम्म, साउन २२ गते पृथ्वी चोकदेखी नागढुङ्गा सम्म हुने कुरा रोटरी क्लव अफ पोखरा अन्नपुर्णका अध्यक्ष रोटरीयन डिल्ली प्रसाद शर्माले बताउनु भयो ।

सो सरसफाई कार्यक्रममा पद्यम नर्सीङ्ग होम, सि.वि.सी पोखरा, पृथ्वी खुकुरी क्लव, पृथ्वी होटेल संघ, प्रगतिसील नारी समुह, नयावजार युवा क्लव, दरवारथोक युवाक्लव, शान्ति दर्शन टोल विकास समिति, सामुदायिक सेवा केन्द्र पृथ्वीचोक ससस्त्र प्रहरीवल कालीका गण, सिन्जो कलेज साउथ कोरीया लगायतको सहभागीता रहेको कुरा  रोट¥याक्ट क्लव अफ अन्नपुर्णका अध्यक्ष रोट¥याक्टर विवेक घिमीरेले वताउनु भयो ।

प्रगतिशील उपयोग तत्व उच्चतम दर्शन

      वर्तमान विश्व परिवेशमा आनन्द मूर्तिद्वारा प्रतिपादित प्रगतिशील उपयोग तत्वसम्बन्धी दर्शन राज्य संचालनका लागि उच्चतम शासन व्यवस्था हुन सक्ने बुधबार पोखरामा आयोजित एक कार्यक्रमका वक्ताहरुले औंल्याएका छन् ।
      प्रगतिशील उपयोग तत्वसम्बन्धी दर्शन राजनीतिक व्यवस्थाको उच्चतम विकल्प हुने र यसले राजनीतिक, आर्थिक तथा सामाजिक क्षेत्रको विकासमा कायापलट नै ल्याउने उनीहरुको ठम्याई छ ।
      आनन्द मार्ग प्रचारक संघ नेपाल कास्कीद्वारा आयोजित प्रगतिशील उपयोग तत्व दर्शनसम्बन्धी चारदिने कार्यशाला गोष्ठीमा बोल्ने वक्ताहरुले साम्यवादी तथा पुँजीवादी दुवै शासनव्यवस्था मानिसको बौद्धिक तथा आध्यात्मिक उन्नति गर्न असफल भएकाले प्रगतिशील उपयोग तत्वसम्बन्धी दर्शनको विश्व समुदायमा आवश्यकता र महत्व दर्शिएको विचार व्यक्त गरे ।
      कार्यक्रममा बोल्दै आचार्य पुण्यासनन्दले हाल विश्वसमुदायमा व्याप्त राजनीतिक, आर्थिक तथा सामाजिक उथलपुथलको सही समाधान उपयोग तत्व सम्बन्धी दर्शनले दिने बताउनुभयो । वहाँले साम्यवादी शासनको पतन तथा पुँजीवादी शासन व्यवस्था समेत धर्मराउन थालेको वर्तमान विश्वजगतमा प्रगतिशील उपयोग सम्बन्धी दर्शन नै सर्वोत्तम शासन व्यवस्था हुने जिकिर गर्नुभयो ।
      आचार्य बशिष्ट द्विवेदीले समृद्ध र सभ्य समाजको स्थापना नै आनन्द मार्गको लक्ष्य रहेको बताउँदै दानवीय, विचार शुन्य तथा नैतिक संकटले व्याप्त मानव समुदायलाई आनन्द मार्गको पथले मात्र सत्मार्गमा डो¥याउने बताउनुभयो । आनन्द मार्ग प्रचारक संघ नेपालका केन्द्रीय अध्यक्ष मानबहादुर रानाभाट तथा कास्कीका अध्यक्ष विष्णु प्रसाद बरालले विश्व समुदायमा व्याप्त अराजकता र अस्थिरताको अन्त्यका लागि उपयोग तत्व कोशेढुङ्गा सावित हुने बताउनुभयो ।
      पोखराको मासबारस्थित आनन्द मार्ग जागृत भवनमा आयोजित गोष्ठीमा नेपाल र भारतका पचासजना विद्वान तथा आचार्यहरुको सहभागिता छ । चारदिनसम्म संचालन हुने गोष्ठीमा आचार्यद्वय पुण्यासनन्द एवं बशिष्ट द्विवेदीले विभिन्न विषयमा वैचारिक प्रशिक्षण दिइरहनुभएको छ ।

Crime News फरार अभियुतहरु पक्राउ

  मिति २०६९।३।२२ गते साँझ अं. ७:३० बजेको समयमा जि. कास्की पोखरा उप.म.न.पा. वडा नं. ९ नयांबजार बस्ने अन्जना श्रेष्ठको छोरा वर्ष १६ को मनिष श्रेष्ठलाई ऐ. बस्ने ७÷८ जना व्यक्तिहरुले खुकुरी, रड लगायत अन्य हातहतियार द्धारा मरणासन्न हुने गरी कुटपिट गरी घाईते तुल्याई फरार रहेका घट्नामा संलग्न व्यक्तिहरुलाई खोजतलास गर्ने क्रममा मिति २०६९।३।२७ गते फरार मध्येका अनिल घिमिरे पक्राउ परी निजले खुलाए अनुसार निम्न लिखित व्यक्तिहरुलाई यस कार्यालयबाट खटिएको प्रहरी टोलीले चितवन जिल्ला स्थित नारायणगढ बजारबाट मिति २०६९।३।२८ गते पक्राउ गरी यस कार्यालयमा ल्याई ज्यान मार्ने उद्योग शिर्षकमा मुद्धा दर्ता गरी मिति २०६९।३।२८ गते देखि नै लागू हुने गरी सम्मानित कास्की जिल्ला अदालतबाट म्याद थप अनुमति लिई अनुसन्धान कार्य भईरहेकोमा आज मिति २०६९।४।१५ गते तेश्रो पटक म्याद थप गरी अनुसन्धान भईरहेको ।

निम्न :

1.  जि. कास्की पोखरा ९ नयाँबजार बस्ने वर्ष १८ को प्रजल थापा ।
2.  जि. कास्की पोखरा ९ नयाँबजार बस्ने वर्ष १८ को दोर्जे लामा ।
3.  जि. कास्की पोखरा ९ नयाँबजार बस्ने शिव गुरुङ्ग ।
4. जि. कास्की पोखरा ८ न्यूरोड बस्ने वर्ष १८ को अनिल घिमिरे ।  

• District Police Office Kaski

A blind Person dies in a vehicle Accident.-सवारी दुर्घटनामा दृष्टिविहिनको मृत्यु

 आज मिति २०६९।४।१५ गते बिहान ०९:४५ बजेको समयमा मदरल्याण्ड उ.मा.वि. को ना.अ.जे. ७७५३ नं. को बसले जिल्ला गुल्मी बलेटक्सार घर भई हाल पोखरा – ५ डेरा गरी बस्ने वर्ष २६ कि दृष्टिविहिन युवती अनिता ज्ञवालीलाई पश्र्याङ्ग चोकमा ठक्कर दिंदा गम्भिर घाईते भएकोमा उपचारको लागि चरक अस्पतालमा लैजादै गर्दा मृत्यु भएको, घट्नामा संलग्न उक्त सवारी साधनका चालक मदन रानालाई पक्राउ गरी थप अनुसन्धान कार्य भईरहेको छ ।

Falicitation, on the occasion of Janmasthami -जन्माष्टमीमा अभिनन्दन गरिने

जन्माष्टमी महोत्सव मूल समारोह समिति पोखराले धर्म संस्कृतिको क्षेत्रमा विशेष योगदान पु¥याउने संघसंस्था एवं विभिन्न महानुभावहरुलाई जन्माष्टमी शोभायात्रा कार्यक्रममा अभिनन्दन गर्ने भएको छ ।  अभिनन्दित हुने संघसंस्थामा बौद्ध अर्घौ सदन रामघाट र श्री गणेश गुठी सेवा समिति गणेशटोल रहेको छ । यस्तै आत्मज्ञान प्रचार संघका जवाहरलाल श्रेष्ठ, श्यामाश्याम सत्संग समितिका उपाध्यक्ष टेकन गिरी, सुखावती गुम्बाका सल्लाहकार क्या.पूर्णबहादुर गुरुङ, सिद्धाश्रम शक्ति केन्द्रका मिरा तुलाचन तालबाराही मन्दिर संरक्षण समितिका अध्यक्ष हिम्मत कुँवर र सुरथेश्वर शिवालय संरक्षण समितिका अध्यक्ष मदनबहादुर खत्री क्षत्री हुनुहुन्छ ।  शोभायात्रा कार्यक्रममा पोखराका प्रमुख धार्मिक संघसंस्था, जातीय संघसंस्था, आमा समूह, भजन टोली र विद्यालय गरी ५० भन्दा बढी समूह झाँकी सहित सहभागी हुन इच्छुक रहेको र कार्यक्रममा प्रमुख अतिथिको रुपमा राष्ट्रगुरु महन्त चन्दननाथले धार्मिक प्रवचन दिनुहुने समितिका सचिव विष्णुप्रसाद श्रेष्ठले जानकारी दिनुभयो ।

The gatheration(conference)of Nepal gold and silver dealers Association of Western region Nepal will be held on Butwal.-नेपाल सुनचाँदी व्यवसायी संघको पश्चिमाञ्चल भेला बुटवलमा सम्पन्न

The gatheration(conference)of Nepal gold and silver dealers Association of Western region Nepal will be held on Butwal

नेपाल सुनचाँदी व्यवसायी संघको पश्चिमाञ्चल भेला बुटवलमा सम्पन्न पोखरा, १५ साउन । नेपाल सुनचाँदी व्यवसायी संघ पश्चिमाञ्चल क्षेत्रीय भेला रुपन्देही शाखाको आतिथ्यतामा बुटबलमा सम्पन्न भयो । भेला पश्चिमाञ्चल उपाध्यक्ष मोहन कुमार वि.क.को सभापतित्व र केन्द्रीय अध्यक्ष तेजरत्न शाक्यको प्रमुख आतिथ्यतामा भएको थियो ।  सुनचाँदी व्यवसाय र यसमा हुने विविध समस्याहरुका बारेमा वक्ताहरुले बोल्नुभएको थियो । विशिष्ट अतिथि पूर्व कृषि तथा सहकारी मन्त्री छविलाल विश्वकर्माले समस्या सबै व्यवसायमा छन् तर सुनचाँदी व्यवसायमा भएका समस्या अझ जटिल भएको र यस पेशालाई सुदृढ गर्न स्वयं व्यवसायी सकृय भएकोमा खुसी व्यक्त गर्दै आयात निर्यातमा सरकारले अहम भूमिका खेल्नुपर्छ तबमात्र हाम्रा सीपकलाको विकास हुन्छ भन्नुभयो ।     

Distribution of Food and Education Materials in Pokhara-शैक्षिक तथा खाद्य सामग्री वितरण

Distribution of Food and Education Materials in Pokhara

Distribution of Food and Education Materials in Pokhara

      रोटरी क्लव अफ पोखरा अन्नपूर्ण, रोट¥याक्ट क्लव अफ अन्नपूर्ण र इनरह्वील क्लव अफ अन्नपूर्णको संयुक्त आयोजनामा लामाचौरस्थित एक आश्रममा शैक्षिक तथा खाद्य सामग्री वितरण कार्यक्रम सम्पन्न भयो ।
      रोटरी क्लव अफ पोखरा अन्नपूर्णका अध्यक्ष रोटरीयन डिल्लीप्रसाद शर्माको अध्यक्षतामा सम्पन्न सो कार्यक्रममा ओम शिवशक्ति कल्याणी केन्द्रमा बस्दै आएका अभिभावक गुमाएका बालबालिकाहरुलाई आवश्यक शैक्षिक तथा खाद्य सामग्री कार्यक्रमका प्रमुख अतिथि तथा रोटरी डिष्ट्रिक ३२९२ का असिष्टेन्ट गभरनर रोटरीयन ऋषिराम सापकोटाले वितरण गर्नुभएको थियो ।
      रोट¥याक्ट क्लव अफ अन्नपूर्णका अध्यक्ष रोट¥याक्टर विवेक घिमिरे, इनरह्वील क्लव अफ अन्नपूर्णका अध्यक्ष इनरह्वील जोसना प्रजु, रोटरी क्लव अफ पोखरा अन्नपूर्णका आगामी वर्षका अध्यक्ष रोटरीयन रोश गुरुङ्ग, ओम शिवशक्ति कल्याणी केन्द्रका अध्यक्ष पुष्पा के.सी. भण्डारी लगायतले मन्तव्य राख्नुभएको सो कार्यक्रममा प्रमुख अतिथि रोटरीयन ऋषिराम सापकोटाले यस्ता कार्यक्रमले साँच्चै नै लक्षित वर्गलाई प्रत्यक्ष रुपमा लाभ मिल्ने बताउनुभएको थियो ।
      रोटरी क्लव अफ पोखरा अन्नपूर्णका कोषाध्यक्ष भुपेन्द्रमान श्रेष्ठको संयोजकत्वमा सम्पन्न सो कार्यक्रम रोटरी क्लव अफ पोखरा अन्नपूर्णका सचिव रोटरीयन कल्याण कर्माचार्यले संचालन गर्नुभएको थियो ।

Different Crime News in Nepal

1. जवरजस्ती करणी गर्ने ७५ वर्ष को वृद्ध पक्राउ:

–  मिति २०६९।४।१३ गते जिल्ला कास्की बस्ने वर्ष १३ कि बालिका S1 2069 (हाल नाम परिवर्तित) लाई निजकै घरमा कोही नभएको समय पारी  वर्ष ७५ का टंक बहादुर थापाले ललाई फकाई जवरजस्ती करणी गरेको भन्ने खवर प्राप्त हुनासाथ प्रहरी चौकी सराङ्गकोटबाट खटिई गएको प्रहरी टोलीले निज टंक बहादुर थापालाई पक्राउ गरी जवरजस्ती करणी मुद्धामा मुद्धा दर्ता गरी थप अनुसन्धान कार्य भईरहेको ।

2.  आफनै सासु र सालीलाई ज्यान मार्न खोज्ने पक्राउ:

– जिल्ला ललितपुर गोदामचौर गा.वि.स. १ घर भई पोखरा ६ लेकसाईड वाराहीचोक स्थित आफनै डेरा कोठामा बस्ने वर्ष २७ को शक्तिध्वज भन्ने शिव सरण कार्कीले आफनै सासु वर्ष ३७ कि सपना थापा र आफ्नै साली वर्ष १५ कि हिरा थापालाई ज्यान मार्ने उद्धेश्यले फलामको हेम्मरले प्रहार गरी गम्भिर घाईते बनाई भागी फरार भएकोमा निजलाई खोजतलासको क्रममा मिति २०६९।४।१२ गते रुपन्देही जिल्लाको भैरहवाबाट पक्राउ गरी यस कार्यालयमा ल्याई ज्यान मार्ने उद्योग मुद्धामा म्याद थप अनुमति लिइ थप अनुसन्धान कार्य भईरहेको । निजले मिति २०६९।४।१० गते राती अं. ११:५० बजेको समयमा सुतिरहेको अवस्थामा सासु र सालीलाई हेम्मर प्रहार गरेका थिए ।

3.  जवरजस्ती रकम असुली गर्ने पक्राउ:

(क) मिति २०६९।४।७ गते  ५:०० बजेको समयमा पोखरा १३ काहुँखोलामा आर्वाविजय गा.वि.स. वडा नं. ४ बस्ने वर्ष २२ को अनिल गुरुङ्ग, गोरे गुरुङ्ग, भिम गुरुङ्ग र विनोद गुरुङ्ग समेत मिली पोखरा १३ स्थित उद्योगमा जवरजस्ती धम्क्याई रु. ५० हजार असुल गरेको भन्ने गोप्य सूचनाको आधारमा वडा प्रहरी कार्यालय रामबजारबाट खटिएको प्रहरी टोलीले अनिल गुरुङ्गलाई पक्राउ गरी केही सार्वजनिक अपराध शिषर्कमा मुद्धा दर्ता गरी जिल्ला प्रशासन कार्यालय कास्कीबाट म्याद थप भई अनुसन्धान कार्य भईरहेको ।

(ख)  मिति २०६९।४।१० गते राती १०:०० बजेको समयमा पोखरा बाग्लुङ्ग सडकखण्डको हेम्जा स्थित हनुमानचोक भन्ने स्थानमा पोखरा बाट बाग्लुङ्ग चल्ने सवारी साधनहरुलाई जवरजस्ती रोकी पैसा असुल गरेको अवस्थामा जि. कास्की हेम्जा ५ बस्ने वर्ष २३ को प्रेम नेपाली, ऐ.ऐ. बस्ने वर्ष १८ को शिव नेपाली र ऐ.ऐ. बस्ने वर्ष २६ को सुरेश नेपालीलाई वडा प्रहरी कार्यालय बगर कास्कीबाट खटिएको प्रहरी टोलीले पक्राउ गरी केही सार्वजनिक अपराध शिषर्कमा मुद्धा दर्ता गरी जिल्ला प्रशासन कार्यालय कास्कीबाट म्याद थप भई अनुसन्धान कार्य भईरहेको ।

District Police Office Kaski