नेपाल ट्रेड युनियन कांग्रेस कास्कीद्वारा स्वास्थ्य सुरक्षा सामाग्री (पिपिई) सहयोग

नेपाल ट्रेड युनियन कांग्र्रेस कास्कीद्वारा पोखरा स्वास्थ्य विज्ञान प्रतिष्ठानलाई आईतबार स्वास्थ्य सुरक्षा सामाग्री (पिपिई) हस्तान्तरण गरेको छ।
पोखरा स्वास्थ्य विज्ञान प्रतिष्ठान, पश्चिमाञ्चल क्षेत्रीय हस्पिटलका निर्देशक स.प्रा.डा. अर्जुन आचार्यको प्रमुख आतिथ्यतामा सम्पन्न भएको छ।  कार्यक्रममा बोल्दै आचार्यले नेपाल ट्रेड युनियन कांग्रेस कास्कीको सहयोगबाट स्वास्थ्यकर्मी र कर्मचारीको मनोवललाई उच्च बनाएको जनाएका थिए। गण्डकी प्रदेशकै मुख्य कारोना अस्पताल स्वास्थ्य विज्ञान प्रतिष्ठानले संक्रमितहरुको उपचारमा कुनै कसुर नराखी काम गर्ने समेत बताएका थिए।
नेपाल ट्रेड युनियन कांग्रेस कास्कीका अध्यक्ष विजयराज भण्डारीले कोभिड–१९ का संक्रमितहरुलाई स्वास्थ्यलाभको कामना गर्दै गण्डकी प्रदेशकै एकमात्र ठूलो अस्पताललाई कोरोना अस्पताल बनाइदा दैनिकी १ सय १० जना भन्दा बढी मृगौला पीडित रोगीहरु र सयौं संख्यामा प्रसुतिको सेवा लिने महिला, न्यून आय भएका गरिब परिवारहरुलाई उपचारको समस्या आएको जनाएका थिए।
कार्यक्रमका विशिष्ट अतिथि नेपाल ट्रेड युनियन कांग्रेस गण्डकी प्रदेशका अध्यक्ष मुरारी शर्माले स्वास्थ्य क्षेत्रमा सहयोग गर्नु नै अहिलेको प्रमुख आवश्यक रहेको र अन्य सहयोगी मनहरुले समेत स्वास्थ्य क्षेत्रमा आफुले सक्दो सहयोग गर्नुहुन अनुरोध गरेका थिए।
नेपाल ट्रेड युनियन कांग्रेस राष्ट्रिय समिति सदस्य जीतबहादुर गुरुङले स्वास्थ्य क्षेत्रमा काम गर्ने स्वास्थ्यकर्मीहरुले आफ्नो उच्च मनोवलका साथ काम गर्न र कुनै समस्या आएमा हामी आफ्नो क्षेत्रबाट सहयोग गर्न तत्पर रहेको जनाएका थिए।
नेपाल ट्रेड युनियन कांग्रेस कास्कीका अध्यक्ष विजयराज भण्डारीको अध्यक्षतामा सम्पन्न उक्त कार्यक्रम सचिव रुद्र तिमिल्सिनाले सञ्चालन गरेका थिए भने विशेष अतिथि नेपाल स्वास्थ्यकर्मी संघ गण्डकीका अध्यक्ष नारायण बराल, अतिथि नेपाल स्वास्थ्य कर्मी संघ कास्कीका अध्यक्ष उदयकान्त तिवारी,नेपाल ट्रेड युनियन कांग्र्रेस कास्कीका उपाध्यक्ष पदम श्रेष्ठ, कोषाध्यक्ष शंकर बहादुर खत्री, नेपाल छापाखाना तथा सम्बद्ध श्रमिक संघ गण्डकी प्रदेशका अध्यक्ष निर्दोस डुम्रे लगायतको उपस्थिति रहेको थियो।
कोभिड–१९ (कोरोना) भाइरसले विश्वमा महामारीको रुपमा फैलिरहदाँ फ्रन्ट लाईनमा काम गर्ने स्वास्थ्यकर्मीलाई अत्याधिक जोखिम रहेको छ। कोभिड–१९ बाट गण्डकी प्रदेशमा मात्रै ८ सय ९६ जना संक्रमित भइसकेका छन्। प्रदेशमै स्वास्थ्यकर्मीलाई समेत कोभिड–१९ का विरामी देखिएका छन्।

समाजवादीका बाबुराम र धर्मराज बेग्लाबेग्दै घरदैलोमा

 पोखरा, ९ मंसिर
वडा नम्बर १६ अर्मला समाजवादी पार्टीका उम्मेदवार धर्मराज गुरुङको जन्मगाउँ हो । कास्की क्षेत्र नम्बर २ को उम्मेदवार बनेर अर्मला घरदैलोमा पुग्दा गाउँले उत्साहित भए । अर्मलाको माटोले जन्माएको व्यक्ति अहिले चुनावमा उम्मेदवार भएकोमा खुसी हुँदै जोगीमणी र अर्मला गाउँका मतदाताले इन्जिनियर धर्मराजलाई शुभकामना दिए, ‘चुनाव जित्नु र विकास गर्नु ।’
देशविदेशको अनुभवलाई राजनीतिमार्फत संसद पुगेर आफ्नै देशमा लगाउने बताएपछि स्थानीयले बधाइ दिए । ज्येष्ठ नागरिक गमा गुरुङले आशिष दिँदै भनिन्, ‘जाउ बाबु, देश बनाउ । जनतालाई सुख दिने बाटो गर ।’
उम्मेदवार गुरुङले एक मौका दिए काम गरेर देखाउने गाउँलेलाई बताए । अर्मलाको माटोमा जन्मिएको धर्मराजले जालझेल र झुटको राजनीति कहिल्यै नगर्ने उनले प्रतिवद्धता गरे । ‘म भ्रष्टाचार गर्न जान्दिन । यो देशमा असल व्यक्ति अब राजनीतिमा आउनु पर्छ,’ धर्मराजले भने, ‘तपाईंहरुले पहिलेपहिले अरुलाई जिताउनु भयो । गाउँको छोरोलाई भोट हाल्नुस् ।’
पोखरामा आइतबार चुनावी सभामार्फत गरेर शक्तिप्रदर्शनपछि समाजवादीका उम्मेदवार वडा नम्बर १६ तिर घरदैलोमा पुगेका हुन् । व्यक्तिलाई गाली गर्नुभन्दा राजनीतिलाई सफा गराउने काम जनताले नै गर्नुपर्ने धर्मराजको भनाइ थियो ।
‘व्यक्ति आफैंमा खराब हुँदैन । राजनीति आफैमा गलत होइन । तर, यहाँ राजनीति गर्ने मान्छेको प्रवृत गलत भयो,’ धर्मराजले भने, ‘तीनै गलत कुरा फेरिनुपर्छ । देशमा सुशासनको सिस्टम बस्नुपर्छ भन्ने मानयता राख्छु ।’ पछि पछुताउनुभन्दा राम्रो उम्मेदवार छानेर मात्र भोट हाल्न उनले आग्रह गरेका छन् । नेतालाई मात्र गाली गर्नुको सट्टा आफैंले गतिलो नेता छान्ने जनताको अवसर नै चुनाव भएकाले त्यसको सदुपयोग गर्न धर्मराजले मतदातालाई अनुरोध गरे ।
चुनावी सभालाई सम्बोधन गर्न आइतबार पोखरा आएका समाजवादी पार्टीका संघीय परिषद अध्यक्ष डा. बाबुराम भट्टराई पनि धर्मराजलाई भोट माग्न घरदैलो पुगेका छन् । धर्मराज जन्मगाउँतिर घरदैलोमा पुगे भने डा. भट्टराई वडा नम्बर १५ र १७ मा घरदैलो गरेका थिए ।
डा. भट्टराईले धर्मराजजस्तो सक्षम व्यक्ति पोखराको माटोले पाएको बताउँदै समुपयोग गर्न आग्रह गरेका थिए । देशमा पुराना पार्टीले पटक पटक जितेर पनि उही पुरातन सोचबाट बाहिर ननिस्किएका कारण समाजवादी पाटीे वैकल्पिक राजनीतिमा आएको भट्टराईले बताए । पोखराबाट धर्मराजलाई जिताएर देशका निम्ति नयाँ सन्देश दिन भट्टराई आग्रह गरेका थिए ।
समाजवादी पार्टीले घरदैलो कार्यक्रमलाई अन्तिम चरणमा पु¥याएको प्रदेश संयोजक गणेशमान गुरुङले जानकारी दिए ।

धर्मराजको धमकेदार घरदैलो

पोखरा
उपनिर्वाचनको मिति नजिकिदै गर्दा समाजबादी पार्टीले चुनावी प्रचार अभियानले तिव्रता पाएको छ । अर्को  कुलमान बन्ने  भन्दै चुनावी प्रचारमा हिडेका समाजबादी पार्टीका उम्मेदवार धर्मराज गुरुङ्गको घरदैलो यतिबेला कास्कीमा चर्चाको विषय बनेको छ ।
समाजबादी पार्टीको घरदैलोमा उम्मेदवारलाई माला र खादा लगाउनेहरुको घुईचो नै छ । सोमबार अर्मलामा भएको घरदैलो र मंगलबार भलाममा भएको घरदैलोमा उनलाई सम्मान गर्नेहरुको भिड बढेको देख्न सकिन्छ ।
लामोसमय युएनमा काम गरेका धर्मराज जिताउनको लागि भन्दै उनका गुरुङ्ग समुदायको ठुलो पङ्ती लागेको देखिन्छ । उनको चुनावी सभा हुँदै घरदैलो कार्यक्रमसम्मलाई नजिकबाट नियाल्ने हो भन्ने उनको जुलुस र घरदैलोमा परिपक्क  नेता कार्यकर्ताको उपस्थिति देखिन्छ ।
सपना अब नेताको होईन जनताको पुरा गर्नुपर्छ भन्दै घरदैलो हिडेका गुरुङ्गलाई अर्को कुलमान भएर काम गरेर देखाउने ठुलो धोको छ । घुमाएर र मिलाएर बोल्न नजान्ने गुरुङ भलाममा भएको घरदैलोमा  भन्छन्–‘ म काम गर्न आको छ । गफ गर्नेहरुले देश बिगारे अव काम गर्नेलाई जिताउनुहोस ।’

सप्तरंग–२ अमरसिंहमा भोलि-Saptarang Season 2 in Pokhara Nepal

मंसिर ३, पोखरा
ग्रिस्मा ब्रोडकास्टिङको आयोजनामा बुधबार पोखरा अमरसिंह चोकमा सप्तरंग सांगीतिक कार्यक्रम हुने भएको छ । पर्यटन प्रवर्धन र समुन्नति नारा सहित कार्यक्रममा महानायक राजेश हमाल, नेपाल आइडलका विजेता रवि ओड, मेलिना राई, हास्य कलाकार जितु नेपाल, हिमाल सागर, सुगम पोखरेल र प्रकाश सपुतको प्रस्तुति रहने छ ।
कार्यक्रमको स्थानीय आयोजक बार्दली मिडियाका मन क्षेत्रीका अनुसार सप्तरंग सांगीतिक कार्यक्रम देशका अन्य ६ प्रदेशमा भएपछि पोखरा हुन लागेको हो । ‘सुरुमा प्रदेश १ गतेबाट सुरु भएको यो कार्यक्रम प्रदेश नम्बर ५ सुर्खेत पछि गण्डकी प्रदेशमा समापन हुन लागेको हो,’ उनले भने, ‘गत वर्ष पनि पहिलो संस्करणको कार्यक्रम गरेका थियौं । त्यति बेला पनि कार्यक्रममा दर्शकको राम्रो सहभागी थियो ।’
कार्यक्रम बुधबार पोखरा अमरसिंह चौरमा साँझ ४ बजेपछि सुरु हुनेछ । प्रवेश निशुल्क गरिएको कार्यक्रममा नेपाल पुलिस क्लब, बिटुडी डान्स स्कुलको समेत प्रस्तुति रहने क्षेत्रीले जानकारी दिए । अघिल्लो संस्करणमा रामकृष्ण ढकाल, पशुपति शर्मा, प्रमोद खरेल, इन्दिरी जोशी, सन्दीप क्षेत्री, दीपक विष्ट र अञ्जली अधिकारीको प्रस्तुति रहेको थियो ।

वडाध्यक्षद्वारा घार्मी सडकको निरीक्षण

शिशिर
पोखरा ०२ मंसिर
तिव्र रुपमा निर्माण कार्य भैरहेको अमला विसौंनी घार्मी आलेवारी अम्वरेश्वर ग्रामिण सडकको पोखरा १९का वडाध्यक्ष शोभामोहन पौडेल सहितको टोलीले निरीक्षण गरेको छ ।

पोखरा महानगर पालिका वडा नं. १६ र १९ लाई समेटेर निर्माण भैरहेको करिव १२ किलोमिटर सडक अन्र्तगत हाल ४ किलोमिटर सडक खण्डमा ठेकेदार कम्पनी जि एस आर निर्माण सेवाले सडक निर्माणलाई तिव्रता दिएको छ । भौतिक योजना तथा पुर्वाधार मन्त्रालय गण्डकी प्रदेश सरकारको आयोजना अन्र्तगत कुल ७ करोड ८२ लाखमा ठेक्का लिएको कम्पनीले सडक चक्ल्याउने, नाला निर्माण र रिटेलिङ्ग वालको निर्माण सम्पन्न गरेको छ भने गा्रभेल राख्ने काम शुरु भएको उपभोक्ता समितिका सचिव डिल्लीराम पौडेलले जानकारी दिनुभयो । निरीक्षणका क्रममा वडाध्यक्ष पौडेलले सडकका सुपरभाइजर राजु गुरुङसँग निर्माणका विविध पक्षका विषयमा जानकारी लिनुभएको थियो ।

त्यस अवसरमा उहाँले सडक गुणस्तरयुक्त हुनुपर्नेमा जोड दिदै, कुनै किसिमको हेलचक््रयाई नगर्न सुझाव दिनुभयो । वडाध्यक्ष पौडेलले भैरहेको काम सन्तोषजनक रहेको वताउदै तिव्र रुपले काम भैरहेकाले यसले छिट्टै पुर्णता पाउने विश्वास व्यक्त गर्नुभयो । पौडेलले यस सडक निर्माणमा जनताको अधिक पसिना  वगेको स्मरण गर्दै छिट्टो काम सम्पन्न गर्न पनि निर्देशन दिए । पछिल्लो समय वडाभित्र भैरहेका विकास निर्माणका कामको अनुगमनमा सक्रिय वन्नुभएका वडाध्यक्ष पौडेलले वस्ती वचाएर सडक निर्माण गर्नु चुनौतीपुर्ण रहेको भएपनि स्थानियको सहयोगले कठिन काम पनि पुरा भएको वताउनुभयो । निरीक्षण टोलीमा वडाध्यक्ष पौडेल सहित नेकपाका वडा सचिव निर्मल वास्तोला र उपभोक्ता समितिका सचिव डिल्लीराम पौडेल सहभागी हुनुहुन्थ्यो ।

उक्त सडकलाई राष्टिय योजनामा पार्न हाल गण्डकी प्रदेशका सासंद रहेका तत्कालिन मन्त्री कुमार खड्काले भुमिका खेल्नु भएको थियो । यसैविच सडक निर्माणसँगसगै अवरुद्घ वनेको यातायात सेवा छिट्टै संचालनमा ल्याउने समितिले जनाएको छ ।यस्तै लामाचौरकै गौरवको रुपमा रहेको लिफ्टीङ्ग खानेपानी आयोजनाको काम पनि भैरहेको छ । आयोजना अन्र्तगत घार्मीमा टंकी निर्माणको काम अन्तिम चरणमा पुगेको र टंकी निर्माणको काम सम्पन्न भएपछि लाईन वितरणको काम शुरु गरिने वडाध्यक्ष पौडेलले जानकारी दिनुभयो । हाल वडा नम्वर १९ भित्र विकास निर्माणका विभिन्न कार्यले तिव्रता पाएका छन् ।

मौजाका विद्यार्थीलाई सेनिटरी प्याड तथा शैक्षिक सामग्री वितरण Pokhara News

पोखरा, ७ माघ ।

रोटरी क्लब अफ पोखरा न्युरोडले पोखरा–२० मौजाका विद्यार्थीलाई सेनिटरी प्याड तथा शैक्षिक सामग्री वितरण गरेको छ । रोटरी मोडल भिलेज अभियान अन्तर्गत क्लबले सोमबार मौजाको हिमालय माविका छात्रालाई पुनःप्रयोग गर्न मिल्ने सेनिटरी प्याड वितरण गरको हो ।

बाबा फाउन्डेसनसँगको सहकार्यमा क्लबले सेनिटरी प्याड, कापी, कलम लगायत सामग्री विद्यालयलाई हस्तान्तरण गरेको छ । प्रिमियर इन्स्योरेन्सको सहयोगमा क्लबले हाइजिन किट समेत सहयोग ग¥यो । रोटरी क्लबकै पहलमा उत्कृष्ट सय गन्तब्यभित्र परेको मौजालाई चार वर्षभित्र मोडल भिलेज बनाउने क्लबको योजना छ । क्लबले आधारभूत शिक्षा तथा साक्षरता, शुद्ध पिउने पानी तथा सरसफाइ, रोग निवारण, शान्ति तथा द्वन्द्व व्यवस्थापन, मातृ शिशु स्वास्थ्य र आर्थिक तथा सामुदायिक विकासको अवधारणा अघि सारेको छ । गत जेठदेखि क्लबले उक्त अवधारणामा विविध कार्यक्रम गर्दै आएको छ ।

क्लबका तर्फबाट मोडल भिलेज कार्यक्रमका संयोजक सुवास सिग्देलले नमूना गाउँ बन्न आवश्यक विद्यार्थीको स्वास्थ्य तथा सरसफाइलाई मध्यनजर गर्दै क्लबले उक्त सामग्री प्रदान गरेको बताए । ‘महिनावारी हुँदा कतिपय विद्यार्थी लाजले विद्यालय नै नआउने अवस्था छ,’ सहयोग हस्तान्तरण कार्यक्रममा उनले भने, ‘यो लाजको विषय होइन भन्नका लागि विद्यालयबाटै सेनिटरी प्याड उपलब्ध होस् भनेर सहयोग गरेका हौं ।’ उनले पुनःप्रयोग गर्न मिल्ने सेनिटरी प्याडले वातावरण समेत दुषित नबनाउने उल्लेख गरे ।

क्लबका अध्यक्ष पुष्पकमल पौडेलले चार वर्षभित्र मोडल भिलेज घोषणा गर्न विद्यार्थीको उल्लेख्य भूमिका हुने बताए । ‘गाउँमा युवा र विद्यार्थीको सक्रिएता भएमात्रै हाम्रो अभियानले सफलता पाउँछ,’ उनले भने, ‘विद्यार्थीको आवश्यकताअनुसार स्टेसनरी र पोशाक पनि उपलब्ध गराउँछौं ।’ उनले मोडल भिलेजका लागि आवश्यक अन्य पूर्वाधार चार वर्षभित्र पुरा गर्ने जनाए । 

विद्यालयका प्रधानाध्यापक मणिराज परियारले छात्रालाई अत्यावश्यक रहेको सेनिटरी प्याड सहयोग गरेकोमा क्लबलाई धन्यवाद व्यक्त गरे । शैक्षिक सामग्रीको सहयोगले विद्यार्थीको सिर्जनशिलता बृद्धि हुने उनले अपेक्षा गरे । उक्त अवसरमा विद्यार्थीले मौजा होमस्टे सम्बन्धि गीत गाएर सुनाएका थिए । विद्यालयकी छात्रा एवं मोहरिया बाल क्लबकी अध्यक्ष प्रकृति परियारले सेनिटरी प्याड विद्यालयमा सहजै उपलब्ध हुँदा विद्यार्थीको उपस्थिति बढ्ने बताइन् । क्लबले बाबा फाउन्डेसनसँगको सहकार्यमा विभिन्न शिक्षा तथा वातावरणको क्षेत्रमा सहयोग पु¥याउँदै आएको छ ।

समुदाय-प्रहरी साझेदारी अन्तर्गत अन्तरक्रिया कार्यक्रम सम्पन्न -Pokhara News

पोखरा, ७ माघ
समुदाय प्रहरी साझेदारी कार्यक्रम अन्तर्गत यही माघ -७ गते जिल्ला प्रहरी कार्यालय कास्कीको आयोजनामा शान्तिपूर्ण एंव सुरक्षित समाज निर्माणका लागि सरोकारवाला निकायहरु संग आगामी रणनीति कार्ययोजनाका विषयमा छलफल तथा अन्तर्क्रिया कार्यक्रम सम्पन्न भएको छ ।
 उद्योग वाणिज्य संघ कास्कीको सभाहलमा सम्पन्न उक्त कार्यक्रममा जिल्ला स्थित विभिन्न सरोकारवाला निकायका प्रमुख एवं प्रतीनिधीको उपस्थिती रहेको थियो ।

कार्यक्रममा बोल्दै ४ नं. प्रदेश प्रहरी कार्यालयका प्रहरी नायव उपरिक्षक गोविन्द पुरीले समग्र ४ नं. प्रदेशमा समुदाय प्रहरी साझेदारी अवधारणा अन्तर्गत सम्पन्न भईरहेका र आगामी दिनमा गरिने विभिन्न गतिविधिहरुको विषयमा प्रष्ट पार्दै यसबाट हमाज अब दिनानुदिन सचेतनाको मार्गमा लम्किरहेको समेत बताउनु भएको छ ।

कार्यक्रमका अन्य सहाभागिहरुले कसरी उक्त अवधारणा अन्तर्गत कास्की जिल्लामा सवै सरोकारवाला निकायहरुलाई साथमा लिई  थप प्रभावकारी ढङगले जनमुखि गतिविधिहरु गर्न सकिन्छ भन्ने विषयमा आ-आफ्नो धारणा व्यक्त गर्नु भएको थियो ।
 कार्यक्रममा कास्कीका प्रहरी प्रमुख प्रहरी उपरीक्षक ओम राना लगायत जिल्ला स्थित कार्यरत अन्य प्रहरी ईकाईका प्रमुख ,उधोग वाणिज्य संघ पोखराका प्रमुख दामु अधिकारी ,सामुदायिक प्रहही सेवा केन्द्रका प्रमुख एवं प्रतिनिधि , नागरिक समाजका प्रतिनिधी लगायतको उपस्थिती रहेको थियो ।

अन्तरक्रिया कार्यक्रम सम्पन्न -Pokhara News

पोखरा, ७ माघ

४ नं. प्रदेश प्रहरी प्रमुख प्रहरी नायव महानिरीक्षक दान सिंह बोहराले प्रदेश अन्तर्गत आम नागरिकहरु संग हातेमालो गर्दै समाजमा शान्ति सुरक्षा कायम गरी अपराध रहित समाज र सु-व्यवस्था स्थापित गर्न नेपाल प्रहरी दिनप्रतिदिन सफल हुँदै गइरहेको बताउनुभएको छ । प्रेस क्लब पोखराले आज पोखराको नँयाबजारमा आयोजना गरेको शान्ति सुरक्षा विषयक एक अन्तरक्रिया कार्यक्रमलाई सम्बोधन गर्दै उँहाले यस्तो बताउनु भएको हो ।

साथै नेपाल प्रहरी संगठनले अंगिकार गरेका विभिन्न अवधारणाहरुले समाजसंग नेपाल प्रहरी बढी भन्दा बढी घुलमिल हुँदै गएको र जनताको प्रहरी प्रतिको विश्वासमा समेत वृद्धि भएकाले अब समाजमा गलत गर्नेहरु लुकेर बस्न नसक्ने बताउनुभएको हो । 

उपस्थित नागरिक तथा पत्रकारहरुले राखेका जिज्ञासाहरुलाई सम्बोधन गर्दै उँहाले पछिल्लो समय युवायुवतिहरु बढ्दो विकृती विसंगतिहरुको शिकार बन्दै गइरहेको बताँउदै अब सबै अभिभावकहरु जिम्मेवार र चनाखो रहनुपर्ने बताउनुभयो ।

उक्त कर्यक्रममा संघिय प्रहरी ईकाई कार्यालय पोखराका प्रमुख प्रहरी वरिष्ठ उपरीक्षक राजेन्द्र प्रसाद चौधरी, नागरिक समाज कास्कीका अध्यक्ष राम बहादुर पौडेल, सरोकारवाला निकायका प्रतिनिधिहरु, आम नागरिक, पत्रकार लगायतको उपस्थिति रहेको थियो ।

पोखराको वडा ८ बाट पनि राजस्व संकलन सुरु -Tax News Pokhara

पोखरा  १४ असोज  

 पोखरा महानगरपालिकाले वडा नम्बर ८ ले पनि राजस्व  संकलन कार्य सुरु गरेको छ । वडाबाटै घर जग्गा, सम्पत्ति कर तथा नक्सापास सेवाको शुभारम्भ महानगरका कार्यबाहक प्रमुख मञ्जुदेवी गुरुङले गर्नुभयो ।  

आइतबार वडा कार्यालय पुगेका पहिलो करदाता पोखरा-५ का लक्ष्मी कौशले तिरेको करको रसिद हस्तान्तरण गदै शुभारम्भ गरिएको हो । कार्यक्रममा बोल्दै कार्यबाहक प्रमुख गुरुङले जनतालाई सहज र सरल रुपमा सेवा प्रवाह गर्न वडाबाटै कर संलकन सुरु गरिएको बताउनुभयो् । ‘वडा आफैमा सरकार हो, त्यसलाई पुष्टि गर्न अधिकार प्रत्योजना सहित जनतालाई घरदैलोबाटै सेवा प्रवाह गर्न वडाबाटै सेवा प्रवाह सुरु गरेका छौ ।’ काबा प्रमुख गुरुङले कर तिर्न आउनेहरुलाई राम्रो ब्यवहार गर्नुपर्ने बताउदै नागरिकले कर छल्ने प्रबृत्तिको अन्त्य गदै कर तिरेर सभ्य नागरिकको परिचय दिनुपर्ने बताउनुभयो । 

उहाँले कर बृद्धि गरेको गुनासो गरिएको भएपनि महानगरमा कसैले उजुरी नदिएको बताउदै महानगरले नागरिकको गुनासो सम्वोधन गदै कर छुट १० प्रतिशत बृद्धि गरि २० प्रतिशत पुर्याएको बताउनुभयो ।  उहाँले महानगरले पुस मसान्त सम्म सम्पत्ति करमा २० प्रतिशत र असार सम्म १० प्रतिशत छुट दिने बताउनुभयो  । महानगरले प्रविधिमैत्री सेवा प्रवाहलाई प्राथमिकता दिएर ३३ वटै वडाबाट राजश्व र कर संकलनको लागि काम थालनी गरेको बताउनुभयो । प्रविधिको कारणले आफूसँग भएको सम्पत्ति कति छ ?जहाँबाट पनि हेरेर कर तिर्ने व्यवस्था महानगरले मिलाएको उहाँको भनाइ छ । महानगरले कर बढाएको नभइ मालपोत कार्यालयले सम्पत्तिको मूल्यांकन बढाएकाले विगत भन्दा केही बढी कर तिर्नुपरेको उहाँले स्पस्ट पार्नुभयो  । 

पोखरा महानगरपालिकाका प्रमुख प्रशासकीय अधिकृत शेषनारायण पौडेल नगरबासीलाई महानगर कार्यालय आउन नपरोस भनेर वडाबाटै कर संकलनको काम थालिएको बताउनुभयो । उहाँले महानगरलाई भिडभाड मुक्त बनाउदै नागरिकलाई सहज रुपमा सेवा प्रवाहको ब्यवस्था मिलाइएको बताउनुभयो । महानगरमा धेरै भिडभाड भयो,‘सानासाना काम महानगरले हेर्दा नीति निर्माण र योजना बनाउन सकिएन भनेर अधिकार वडामा प्रत्यायोजन गरिएको छ । उहाँले भने अव कर संकलन, तिन तला सम्मको घरनक्सा पास, १५ लाख सम्मका योजनाको सम्झौता लगायतका काम वडाबाटै हुने ब्यवस्था गरिएको र यसले नागरिकलाई सहज हुने बताउनुभयो । उहाँले महानगरका ३३ वटै वडाबाट कर संकलन गरिने बताउनुभयो । उहाँले महानगरका जुनसुकै वडाबाट पनि महानगरबासीले कर तिर्ने ब्यवस्था गरिएको समेत जानकारी दिनुभयो । 

वडा नम्बर ८ का वडाध्यक्ष रुद्रनाथ बरालको अध्यक्षतामा भएके कार्यक्रममा वडा नम्वर ६ का अध्यक्ष जगत पहारी, नेकपा वडा नम्वर ८ का संयोजक राजकुमार गिरी, काँग्रेसका वडा सभापति सुभाष सिग्देल, वडा नम्वर ८ का सदस्य कृष्णमान ठुसाजु लगायतले बोल्नु भएको थियो  । वडाबाट एकीकृत सम्पत्ति कर, घरनक्साको राजश्व लगायत सबै कर वडा कार्यालयबाटै तिर्न सकिने छ । कुन वडामा कति राजश्व र कर संकलन भयो त्यो महानगरको राजश्व शाखामा हेर्न सकिने प्रविधि जडान गरिएको छ । 

पोखरा : जिल्ला प्रहरी प्रमुखहरुसंग अन्तरक्रिया कार्यक्रम सम्पन्न Nepal Police Program

४ नं. प्रदेश प्रहरी कार्यालय पोखराको आयोजनामा यही असोज ७ गते प्रदेश अन्तर्गतका जिल्ला प्रहरी प्रमुखहरु संग जिल्लाको शान्ति सुरक्षा, अपराध अनुसन्धान र प्रहरी गतिविधिको अवस्था साथै आशन्न चाडपर्वहरुलाई मध्यनजर गरी एक रणनीतिक कार्ययोजना तय गर्ने उदेश्यले अन्तरक्रिया कार्यक्रम सम्पन्न भएको छ । 

४ नं। प्रदेश प्रहरी प्रमुख प्रहरी नायव महानिरीक्षक दान सिंह बोहराको प्रमुख आथित्यतामा सम्पन्न उक्त कार्यक्रममा जिल्ला प्रहरी कार्यालय प्रमुखहरुले आ-आफ्नो जिल्लाको शान्ति सुरक्षाको अवस्था, अपराधको अवस्था, प्रहरी परिचालन लगायत प्रहरी सेवा प्रवाहका विषयमा प्रस्तुतिकरण गर्नुभएको थियो ।

साथै सहभागी जिल्ला प्रहरी प्रमुखहरुले चाडपर्वहरुको समयमा कुनै पनि अप्रिय घटना हुन नदिन जिल्लामा विशेषरुपले प्रहरी परिचालन गरिने कुरा प्रदेश प्रहरी प्रमुख समक्ष जानकारी गराउनुभएको थियो । 

सहभागि जिल्ला प्रहरी प्रमुखहरुलाई निर्देशन सम्बोधन गर्नुहुँदै प्रदेश प्रहरी प्रमुख प्रहरी नायव महानिरीक्षक दान सिंह बोहराले चाडपर्वहरु नजिकिए सँगै कानून विपरितका विभिन्न क्रियाकलापहरु हुन सक्ने बताउदै प्रहरी रचनात्कम ढंगले परिचालन हुनुपर्ने बताउनुभयो ।

साथै आम नागरिकलाई प्रत्यक्ष रुपमा अनुभुति हुनेगरी प्रहरी सेवा प्रवाह गर्न र प्रहरी प्रतिको विश्वसनियता साथै अपनत्व बढ्ने गरी कार्य सम्पादन गर्न गराउन सहभागी जिल्ला प्रहरी प्रमुखहरुलाई निर्देशन दिनुभएको छ । 

उक्त कार्यक्रममा संघिय ईकाई प्रहरी कार्यालय पोखराका प्रमुख प्रहरी वरिष्ठ उपरीक्षक राजेन्द्र प्रसाद चौधरी, पश्चिम क्षेत्रीय शसस्त्र प्रहरी गणका प्रमुख, प्रदेश अन्तर्गतका जिल्ला प्रहरी प्रमुख लगायत अन्य प्रहरी अधिकृतहरुको उपस्थिति रहेको थियो ।

रेडियो पश्चिम पोखराको आयोजनामा वातावरणमैत्री खुल्ला तिज गीत प्रतियोगिता भदौ २२ गते

पोखरा, १ भदौ । 

नेपाली नारीहरुको महान पर्व हरितालिका तीजको अवसरमा रेडियो पश्चिम पोखराले वातावरणमैत्री खुल्ला तीज गीत प्रतियोगिता एवं शुभकामना आदान–प्रदान कार्यक्रम गर्ने भएको छ । 

अघिल्ला वर्षहरुमा वातावरण सम्बन्धी सचेतना दिने उद्धेश्यले सडक नाटक मन्चन तथा रेडियोबाट विभिन्न वातावरणमैत्री कार्यक्रम प्रशारण गरेको रेडियोले यस पटक तिजको अवसरमा वातावरणमैत्री तिज गीत प्रतियोगिताको आयोजना गरेको हो ।

सिटीपोखरा डट कम अनलाइन पार्टनर रहेको प्रतियोगिताका लागि कर्मचार्य वेक्स एण्ड फुट्स प्रा.लि.को एक उत्कृष्ट उत्पादन कर्मचार्य डाईजेष्टिक विस्कुट्सले मुख्य प्रायोजन गरेको छ ।

आगामी भदौ २२ गते शुक्रवार हुने प्रतियोगिताको तयारीलाई तीव्र पारिएको रेडियोका सञ्चालक मोतिसागर अधिकारीले जानकारी दिए । उनका अनुसार प्रतियोगिताका लागि आवेदन खुल्ला भइसकेको र आवेदन फाराम रेडियोको कार्यालयमा प्राप्त गर्न सकिनेछ भने फोनबाट पनि नाम दर्ता गराउन सकिनेछ । आवेदन भदौ २२ गते बिहान १० बजे सम्म भर्न सकिनेछ ।

गीतको माध्यमबाट समाजमा वातावरण सम्वन्धी सचेतना जगाउने उद्देश्यले वातावरणमैत्री तिज गित प्रतियोगिताको आयोजना गरिएको अधिकारीले जनाए । प्रतियोगितामा प्रथम हुनेले ११ हजार १ सय ११, द्वितीय हुनेले ७ हजार १ सय ११, तृतीयले ४ हजार १ सय ११ र सान्त्वना हुनेले २ हजार १ सय ११ रुपैयाँ नगद पुरस्कार सहित प्रमाणपत्र प्राप्त गर्नेछन् । उत्कृष्ट नृत्य र भेषभूषालाई आकर्षक पुरस्कारसहित प्रमाणपत्र प्रदान गरिनेछ । उक्त कार्यक्रममा  तारापति सुवेदी, जीवन दाहाल, लक्ष्मी नेपाली साथै अन्य स्थानीय कलाकारहरुको प्रस्तुति रहने रेडियोले जनाएको छ ।

कार्यक्रममा पोखराका उद्योग, व्यवसायी, संघ–संस्था, आमा समुह, राजनीतिज्ञ, कला, साहित्य, सांस्कृतिक, शिक्षा लगायत विभिन्न क्षेत्रमा क्रियाशील महिलाहरुको सहभागिता रहने  अधिकारीले जानकारी दिए । उनका अनुसार उक्त अवसरमा सामुहिक दर खुवाउने कार्यक्रम समेत रहेको छ ।

नेपाली लोक संस्कृतिको संरक्षण र संवद्र्धन गर्नका साथे वातावरण सफा राखौें भन्ने सन्देश दिनका लागि प्रतियोगिता आयोजना गरिएको र प्रतियोगितामा गाउने गीतहरु पनि सोही अनुरुप, समय सान्दर्भिक हुनुपर्ने रेडियोका कार्यक्रम संयोजक अमृता अधिकारीले जानकारी दिईन् । उनका अनुसार प्रतियोगीहरुले राजनीति र कोही कसैमाथि आक्षेप लगाउने खालको गीत गाउन पाउने छैनन् र एक टिममा नृत्य सहित ७ जना सम्म रहन पाउनेछन् । प्रतियोगिताको रेडियो पश्चिम पोखराले प्रत्यक्ष प्रशारण गर्नेछ । प्रतियोगितामा करिब २५ टिमको सहभागीता रहने रेडियोको अपेक्षा छ । 

यसै गरी सहप्रायोजकमा हेमजा आधुनिक सुपर मार्केट र कर्मचार्य ग्रुपको उत्कृष्ट उत्पादन कोसेली शुद्ध तोरीको तेल रहेका छन् भने प्रवद्र्धकमा पोखरा महानगरपालिका रहेको छ । कार्यक्रमको प्रायोजकहरूमा सुजल डेरी प्रालिको उत्पादन सफल दूध, नारायण प्लाई उद्योग लेखनाथ, पञ्च आयुर्वेद बुद्धचोक, हङकङ व्युटी इन्स्टिच्यूट कलेज  महेन्द्रपुल, हेमजा निर्माण कन्ट्रक्सन,  हेमजा आरएमसी प्रालि हेमजा, हेमजा हस्पिटल रिसर्च सेन्टर प्रालि, विजी हस्पिटल प्रालि माटेपानी, एक्सपर्ट एजुकेशनल भिषा एण्ड सर्भिसेस सिद्धार्थचोक, एस स्याङजा सुन चाँदी पसल विन्दवासिनी, रूपाकोट ज्योती सुनचाँदी पसल, गुरूङ व्युटी पार्लर, वेकन प्रिमियर एजुकेशन सिद्धार्थ चोक, मैला घडी मर्मत सेण्टर बगर, कैलाश विकास बैैक हेमजा शाखा, ईआईए सिएकलेज सिर्जनाचोक, स्याङजा ज्वेलर्स सुनचाँदी पसल मोहोरिया टोल, दलबहादुर सुनचाँदी पसल रामबजार र शाखा सिर्जनाचोक, शुभकामना सुनचाँदी पसल चिप्लेढुङगा, हिमालयन कलेज हस्पिटालिटी म्यानेजमेन्ट महेन्द्रपुल, अन्नपुर्ण सुपर मार्केट महेन्द्रपुल, बस्ताकोटी रिसोलिङ टायर, दि युनाईटेड गोल्ड मार्ट चिप्लेढुङ्गा र आविष्कार क्लिनिक वुद्धचोक लगायतका रहेका छन् ।

नेपाल फिजिकल ट्रेनिङ एशोसियसन क्षेत्रिय समिती पोखराको रक्तदानमा १ सय ६० युनिट रगत संकलन Blood Donation Pokhara

पोखरा ३२ साउन 

 नेपाल फिजिकल ट्रेनिङ एशोसियसन क्षेत्रिय समिती पोखराले आयोजना गरेको रक्तदानमा १ सय ६० युनिट रगत संकलन भएको छ । क्षेत्रिय रक्त सञ्चार केन्द्र पोखराको प्राविधीक सहयोगमा समितीद्धारा पोखरा रंगशालामा आयोजित रक्तदान कार्यक्रममा एशोसियसनमा आवद्ध सदस्य तालिम केन्द्रमा प्रशिक्षणरत प्रशिक्षार्थीहरुले रक्तदान गरेका थिए । पश्चिमाञ्चल स्वास्थ्य विज्ञान प्रतिष्ठानका उपकुलपति प्रोफेसर डाक्टर बुद्धि बहादुर थापाले पहिलो रक्तदाता राजु थापालाई ब्लड ब्याग हस्तान्तरण गरी सुरु भएको रक्तदान कार्यक्रममा १ सय ६० युनिट रगत संकलन भएको हो । 

सो अवसरमा वोल्दै पश्चिमाञ्चल स्वास्थ्य विज्ञान प्रतिष्ठानका उपकुलपति प्रोफेसर डाक्टर बुद्धि बहादुर थापाले खेर जाने रगतलाई रक्तदान गरी अर्काको जीवन जोगाउनका लागी महत्वपूर्ण भुमिका खेल्ने वताए । रक्तदानमा युवाहरुको उल्लेख्य सहभागीताले अन्य युवाहरुलाई पनि रक्तदान प्रति अभिप्रेरित गराउने भएकाले नेपाल फिजिकल ट्रेनिङ एशोसियसनले आगामी दिनमा पनि यस्ता सामाजिक कामलाई निरन्तरता दिनुपर्नेमा जोड दिए । 

त्यसैगरी भारतिय भुतपुर्व गोर्खा ब्रिगेट नेपालको अध्यक्ष कणेल कमानसिंह गुरुङले नेपाल फिजिकल ट्रेनिङ एशोसियसनले रक्तदान जस्तो काममा एशोसियसनमा आवद्धरत युवाहरुलाई समाहित गराएर सामाजिक काममा अग्रसरता देखाएकोमा खुसी ब्यक्त गरे । नेपाल फिजिकल ट्रेनिङ एशोसियसन नेपालका प्रमुख संरक्षक क्याप्टेन राम प्रसाद गुरुङले एशोसियसनले विगत तीन बर्षदेखी एशोसियसनले रक्तदान जस्तो सामाजिक काम गर्दै अगाडी वढिरहदा आगामी दिनमा पनि यस्ता सामाजिक कामलाई निरन्तरता दिनुपर्नेमा जोड दिए । 

नेपाल फिजिकल ट्रेनिङ एशोसियसन क्षेत्रिय समिती पोखराका अध्यक्ष गज बहादुर गुरुङको अध्यक्षतामा सम्पन्न कार्यक्रममा समितीका उपाध्यक्ष सुवेदार केहरसिंह गुरुङले स्वागत मन्तब्य राखेका थिएभने समितीका सचिव सुवेदार जीत बहादुर गुरुङले कार्यक्रमको सञ्चालन गरेका थिए । 

लायन्स क्लव अफ पोखरा युनाइटेड चौतारी र पोखरा सप्तगण्डकीद्धारा गण्डकी हस्पिटल परिसरमा वृक्षारोपण-Lions Club of Pokhara United Chautari

 पोखरा ३२ असार ।

 लायन्स क्लव अफ पोखरा युनाइटेड चौतारी र लायन्स क्लव अफ पोखरा सप्तगण्डकीले पश्चिमाञ्चल स्वास्थ्य विज्ञान प्रतिष्ठान (गण्डकी हस्पिटल) परिसरमा वृक्षारोण गरेको छ । दुई वटा लायन्स क्लवहरुको साझेदारीमा पोखरा स्वास्थ्य विज्ञान प्रतिष्ठान ( गण्डकी ) हस्पिटल परिसरमा कपुर, अशोका, धुपी लगायतका ४८ वटा विरुवाहरु रोपेको हो । 

बृक्षारोपण कार्यक्रमको सुरुवात गर्दै पोखरा स्वास्थ्य विज्ञान प्रतिष्ठानका डीन डाक्टर नरेन्द्र बिक्रम गुरुङले लायन्स क्लवहरुले पश्चिमाञ्चल स्वास्थ्य विज्ञान प्रतिष्ठानमा वृक्षारोपण गरेर आफ्नो संस्थामा खाली रहेको जग्गामा हरियाली बनाउने काममा सहयोग गरेकोमा धन्यवाद ब्यक्त गरे । स्वास्थ्य संस्था वरपर वृक्षारोपण गरी लायन्स क्लवहरुले सामाजिक काममा अगाडी वढेकोमा गुरुङले आगामी दिनमा यस्ता क्रियाकलापलाई निरन्तरता दिनुपर्नेमा समेत जोड दिए । 

सो अवसरमा वोल्दै जोन चियर पर्सन चिनु गुरुङले वोटविरुवाहरुको बारेमा जानकारी दिदै वोटविरुवा रोप्नु ठूलो कुरा नभएको यसलाई गोडमेल र हुर्काउनका लागी पनि लायन्स क्लवहरु लागी पर्नुपर्नेमा जोड दिए । लायन्स क्लव अफ पोखरा युनाइटेड चौतारीका अध्यक्ष सुक बहादुर गुरुङको अध्यक्षतामा सम्पन्न कार्यक्रममा लायन्स क्लव अफ पोखरा सप्त गण्डकीका अध्यक्ष सविता श्रेष्ठले स्वागत मन्तब्य ब्यक्त गरेकी थिइनभने कार्यक्रम संयोजक लायन्स संयोजक एम जे एफ लायन कमल बहादुर बस्नेतले धन्यवाद मन्तब्य राखेका थिए ।

लायन्स क्लव अफ पोखरा युनाइटेड चौतारीका सचिव लालकाजी गुरुङले सञ्चालन गरेको कार्यक्रममा लायन्स क्लव ३२५ बी वान का अग्रज लायन्स लिडरहरुको समेत सहभागीता रहेको थियो । 

पोखराका भौतिक संरचना अपाङ्गमैत्री हुनुपर्नेमा जोड-Pokhara News

पोखरा, ३२ असार

पोखराका भौतिक संरचना अपाङ्गमैत्री हुनुपर्नेमा सोमबार पोखरामा आयोजित एक कार्यक्रमका वक्ताहरुले जोड दिएका छन् । टुरिजम ईन्टरप्रेटर वुमन एशोसिएसन अफ नेपाल  टेवानले आयोजना गरेको अशक्त महिला सशक्तिकरणका लागि मेहेन्दी विशेष कार्यक्रममा बोल्ने वक्ताहरुले पर्यटकीय नगरी पोखरामा अशक्त पर्यटकहरुको पनि आगमन हुने भएकोले पोखराका भौतिक संरचनाहरु अपाङ्गमैत्री हुनुपर्नेमा जोड दिएका हुन् । 

नेपाल टुरिजम वोर्ड क्षेत्रिय कार्यालयको प्रवद्र्धन, ईन्डिपेन्डेन्ट लिभिङ सोसाईटी नेपाल र महिला अपाङ्गता सशक्तिकरण कास्कीको सहआयोजनामा भएको कार्यक्रममा बोल्दै कार्यक्रमका प्रमुख अतिथि नेपाल घरेलु तथा साना उद्योग महासंघ नेपालका केन्द्रिय सदस्य तथा गुरुङ ब्युटी पार्लर एकेडेमी प्रा.लि.का प्रबन्ध निर्देशक चिनु गुरुङले अशक्त महिलाहरुको सशक्तिकरणको लागि आफु जहिले पनि सकारात्मक भएको बताउँदै उनीहरुलाई आर्थिक रुपमा बलियो बनाउन उद्यमशिलताको तालिम दिन आफु तयार रहेको बताए । टेवानले आयोजना गरेको मेहन्दी कार्यक्रमले पनि अशक्त महिलाहरुलाई उद्यमशिल बनाउन मद्दत पुग्नेमा गुरुङले विश्वास व्यक्त गरिन् ।

कार्यक्रममा पोखरा पर्यटन परिषद्का अध्यक्ष केदारनाथ शर्मा, नेपाल टुरिजम वोर्ड क्षेत्रिय कार्यालयका अधिकृत प्रदिप गैरे, ईन्डिपेन्डेन्ट लिभिङ सोसाईटी नेपालका अध्यक्ष हेम गुरुङ, महिला अपाङ्गता सशक्तिकरण कास्कीका अध्यक्ष अञ्जना केसी लगायतले अपाङ्गता भएका महिलाहरु पनि सपाङ्गता जसरी उद्यमी गरेर आर्थिक रुपमा सक्षम बन्ने सक्नेमा जोड दिएका थिए । 

मेहेन्दी लगाउन उलेख्य मात्रामा महिलाहरुको सहभागीता रहेको कार्यक्रममा शारीरिक रुपमा अशक्त महिलाहरुले सहभागीलाई मेहेन्दी लगाईदिएका थिए । कार्यक्तम टुरिजम ईन्टरप्रेटर वुमन एशोसिएसन अफ नेपाल टेवानका अध्यक्ष लक्की कार्कीको अध्यक्षतामा भएको थियो ।

रोटरी पोखरा फिस्टेलको १६ औं पदस्थापन -Rotary Club of Pokhara Fishtail

पोखरा, २३ असार । 

रोटरी क्लब अफ पोखरा फिस्टेलको १६ औं र रोट्रयाक्ट क्लब अफ पोखरा फिस्टेलको १२ औं पदस्थापना समारोह सम्पन्न भएको छ ।  

प्रमुख अतिथि डिस्ट्रिक गभर्नर इलेक्ट किरणलाल श्रेष्ठले नवनियुक्त बोर्ड डाइरेक्टरलाई शपथ ग्रहण गराउँदै रोटरी क्लबले हालसम्म गरेका कामबारे प्रकाश पारे । उनले रोटरी पोखरा फिस्टेलले मानवीय सहायतामा आफ्नो कदम अग्रसर गराएको प्रति प्रशंसा गरे । समारोहमा रोटरी पोखरा फिस्टेलका अध्यक्ष लक्ष्मी थापा गिरीले आफ्नो कार्यकाल वर्ष २०१७/०१८ मा गरिएका क्रियाकलापबारे जानकारी गराइन् । यस्तै, नवनियुक्त प्रेसिडेन्ट बाबुराम पाठकले वर्ष २०१८/०१९ मा आफूले गर्ने कार्ययोजना बारे जानकारी दिए । 

क्लबको नवनियुक्त बोर्ड डाइरेक्टरमा प्रेसिडेन्ट इमिडिएट बाबुराम पाठक, निवर्तमान प्रेसिडेन्ट लक्ष्मी थापा गिरी, पे्रसिडेन्ट इलेक्ट अर्जुन थापा, भाइस प्रेसिडेन्ट रमेशप्रसाद कोइराला, सचिव दीपक पोखरेल, कोषाध्यक्ष लक्ष्मी कुवर, सर्जेन्ट एट आर्म पूर्व अध्यक्ष भुवनसिंह गुरुङ, क्लब टे«नर पूर्व अध्यक्ष विनोद कोइराला, क्लब मेन्टर पूर्व अध्यक्ष सुरेशप्रसाद श्रेष्ठ, एड्मिन डाइरेक्टर पूर्व अध्यक्ष नरबहादुर गुरुङ, मेम्बरसीप डाइरेक्टर पूर्व अध्यक्ष रमाकान्त बराल, सर्भिस प्रोजेक्ट डाइरेक्टर पूर्व अध्यक्ष नारायण शर्मा, युथ सर्भिस डाइरेक्टर पूर्व अध्यक्ष जयेन्द्र गौचन र वेवमास्टरमा आदित्य चन्द छन् । चियरमेम्बरमा एड्मिनतर्फ अशोक चालिसे, पब्लिक रिलेसनमा बिमला भण्डारी, मेम्बरसीप चियरमा जगनसुब्बा गुरुङ, सर्भिस प्रोजेक्टमा प्रेमबहादुर थापा, टिआरएफमा वासु त्रिपाठी र युथ सर्भिसमा रञ्जु गुरुङ चयन भए । 

सो अवसरमा रोट्रयाक्ट क्लब अफ पोखरा फिस्टेलको वर्ष २०१७।१८ की अध्यक्ष अमृता पौडेलले वर्ष २०१८।१९ की अध्यक्ष विद्या कोइरालालाई पद हस्तान्तरण गरेकी थिइन् । कार्यक्रममा रोटरियन रोश गुरुङ लगायतले मन्तव्य व्यक्त गरेका थिए । यस्तै, रोटरी पोखरा फिस्टेलको प्रकाशन ‘फिस्टेल’ स्मारिका र रोट्रयाक्ट पोखरा फिस्टेलको प्रकाशन ‘प्रतिबिम्ब’ विमोचन गरिएको थियो ।

पोखराका सम्पूर्ण क्लबका इनकमिङ र आउटगोइङ प्रसिडेन्ट लगायत डिष्ट्रिक अफिसियल मेम्बरको सहभागिता रहेको कार्यक्रममा वर्षभरि उत्कृष्ट कार्य गर्नेलाई अवार्ड प्रदान गरिएको पब्लिक रिलेसन डाईरेक्टर बिमला भण्डारीले जानकारी दिइन् । 

कार्यक्रममा स्वागत रोटरी पोखरा फिस्टेलका पूर्व अध्यक्ष विनोद कोइरालाले गरेका थिए भने सञ्चालन सचिव लक्ष्मी कुँवरले गरेकी थिइन् । 

पृथ्वीरुपा माविको भवन निर्माणमा सहयोग पु¥याएको रोटरी पोखरा फिस्टेल खानेपानी, शिक्षा, छात्रवृत्ति लगायत सामाजिक कार्यमा सक्रिय रहँदैआएको छ ।

म्याग्दीमा बिद्यालयमा तोडफोड-News of Pokhara

lपोखरा, २४ असार  

मिति २०७५/०३/२३ गते रातको समयमा जिल्ला म्याग्दी बेनी नगरपालीका वडा नं.-१अर्जम स्थित रहेको रामचन्द्र मा.वि.को बिद्यालयमा अफिसको पछाडी पट्टिको झ्याल फोडी अफिस भित्र रहेको कंम्प्युटरको ब्याकअप  र टेबल तोडफोड गरेको छ  भन्ने खबर मिति २०७५/०३/२४ गते दिउँसो १३:३० बजे बिद्यालयका प्रधानध्यापकले प्रहरी लाइ खबर प्राप्त हुन साथ तत्कालै प्रहरी टोली खटिई गई बुझ्दा स्कुलको पछाडीको झ्याल तोडी भित्र रहेका  कंम्प्युटरको ब्याकअप  र टेबल बाहिर निकाली तोडफोड सथै आगजनि गरेको छ । उक्त घटनाका विषयमा स्थानिय  रोसन थापा लाई शंका लागी सोधपुछ कार्य भईरहेको छ । तोडफोडबाटअन्दाजी रु.६८,५००।- बराबरको क्षेती भएको छ ।

सरकारले गर्नुपर्नेकाम जनताले गरेको भन्दै स्वास्थ्य राज्यमन्त्री द्धारा प्रसंसा

स्याङजा २३ ,असार ।

   स्याङजाको पर्यटकीय ठाउँ स्वरेकमा एम्वुलेन्स सेवा शुरुभएकोछ । स्वास्थ्य तथा जनसख्या राज्य मन्त्री पद्मा कुमारी अर्यालले एक कार्यक्रमका विच स्वरेक टापु बाट एम्वुलेन्स सेवा शुभारम्भ गर्नुभयो । नमुना स्वरेक सामाजिक कोष कतार र नमुना स्वरेक सहयोगी समाज स्याङजाले संयुक्त रुपमा संचालन गर्ने एम्वुलेन्सको साचो पत्रकार एवं नमुना स्वरेक सहयोगी समाजका अध्यक्ष घनश्याम पाण्डेय लाई मन्त्रीले हस्तान्तरण गर्नुभयो ।

 मन्त्री अर्यालले एम्वुलेन्स खरिद एकताले नै सम्भव भएको भन्दै स्वदेश विदेश बाट  अभियानमा लाग्नेहरु प्रति प्रसंसा गर्नुभयो ।अब  स्वरेकमा विकासको शुरुवात भएको भन्दै वालिङ मिर्दि देखि स्वरेक मैदान बाटो पिचको काम शुरु हुने बताउनु भयो । उहाँले भीरकोट सुन्दर बजार स्वरेक भञ्ज्याङ हुदै मैदान जोडने बाटो पनि पिच गर्न आफुले पहलगर्ने बताउनुभयो ।विकासको लागि सवै संग हातेमालो गर्ने भन्दै मन्त्री अर्यालले स्वरेक लाई पर्यटकीय क्षेत्रको रुपमा विकास गराएर छाड्ने बताउनु भयो । सिदार्थ राजमार्गको छेउमा हुदा पनि आज सम्म विकास नभएको भन्दै मन्त्री अर्यालले अब विकास गरेर छाड्ने प्रतिबद्धता जनाउनुभयो ।उहाँले स्वरेकमा स्थास्थ चौकी निर्माण छिटै हुने पनि बताउनुभयो ।

कार्यक्रममा नेकपाका स्थायि समिति सदस्य एवं साँसद मुकुन्द न्यौपानेले स्वरेकमा एम्वुलेन्स ल्याउनको लागि पहलगर्ने सवै प्रति आभार प्रकट गर्दे एम्बुलेन्स आपतकालिन अबस्थामा साथी भएको बताउनुभयो ।

भीरकोट नगरपालिकाका मेयर छायाराम खनालले एम्बुलेन्स सञ्चालन दिगो बनाउनु पर्नेमा जोड दिदै खनालले ठिक ढंगले विरामीको रेकर्ड राख्न आग्रह गर्नुभयो । कुल खर्चको ५० प्रतिशत खर्च भीरकोट नगरपालिका साझेदार गर्न तयार रहेको खनालले उदघोष गर्नुभयो ।

नेपाल कम्युनिष्ट पार्टी नेकपा नेता चक्र बहादुर पराजुलीले एम्बुलेन्स सेवा सञ्चालन आउनु स्वरेकीहरुको लागि खुशीको खबर भएको बताउनु भयो ।

वालिङ नगरपालिकाका उपमेयर कल्पना तिवारीले एम्वुलेन्स सञ्चालनमा वालिङ नगरपालिकाको पनि साथ रहने बताउनु भयो ।

पर्यटन मन्त्रालयका पुर्व सह सचिव उमाकान्त पराजुलीले आफ्नो जन्मभुमिमा एम्वुलेन्स संचालनमा आएको भन्दै सवै स्वरेकी हर्षित भएको बताउनुभयो ।

पराजुलीले दिगो रुपमा एम्वुलेन्स संचालनको लागि नगरपालिकाले अभिभावको भुमिका निर्वाह गर्नुपर्नेमा जोड दिनुभयो ।

नमुना स्वरेक सहयोगी समाज स्याङजाका अध्यक्ष घनश्याम पाण्डेयले एम्बुलेन्स अभियानमा  स्वतस्फुर्त रुपमा सहयोग आएको भन्दै सहयोगीहरु प्रति धन्बयाद ब्यक्त गर्दे मन भएकाहरुको सहयोगले आफुहरु सफल भएको बताउनु भयो । पाण्डेय १३ लाख संकलन भएकोमा एम्बुलेन्स सञ्चालन सम्म ल्याउदा कुल ११ लाख ५० हजार खर्च भएको बताउनु भयो । स्वरेकमा एम्बुलेन्स मात्रै देखिएको तर एम्बुलेन्स ल्याउन धेरैको धेरै ठाउँमा पसिना बगेको भन्दै विदेशी भुमिमा बगाएको पसिना बाट एम्वुलेन्स आएको भन्दै दिगो रुपमा सञ्चालन गर्न सवै स्वरेकीले साथ दिनुपर्ने बताउनुभयो ।

कार्यक्रममा वालिङ ११ का वडा अध्यक्ष बसन्त मल्ल र र भीरकोट ५का वडा अध्यक्ष यम प्रसाद अधिकारी (लक्ष्मण)ले एम्वुलेन्स सञ्चालनको लागि आफुहरुको सधै साथ रहने बताउनु भयो ।

कार्यक्रममा एम्बुलेन्स अभियानमा सहयोग गर्नेहरु लाई स्वास्थ्य राज्यमन्त्री पद्मा अर्याल , भीरकोटका मेयर छायाराम खनाल, समाजका अध्यक्ष घनश्याम पाण्डेय लगायतले  सम्मान  गर्नुभएको थियो । कार्यक्रममा  एक घर एक आजिवन सदस्यता अभियान अन्तरगत हाल सम्म झण्डै २ सय जना आजिवन सदस्य भएकाहरु लाई पनि प्रमाणपत्र वितरण गरिएको थियो । र्काक्रममा समाजका उपाध्यक्ष यमलाल शर्मा पंगेनी,सचिव इन्द्र प्रसाद पराजुली(नबराज)लगायले बोल्नुभएको थियो ।

नमुना स्वरेक सामाजिक कोष कतार अन्तरगत शुरुमा एम्बुलेन्स अभियानका अभियन्ताहरुमा संयोजक भेषराज पराजुली,सह संयोजक जीवन पौडेल रहुनभएको थियो । सदस्यहरुमा विष्णु पंगेनी,बालकृष्ण पराजुली , गोविन्द पराजुली र इश्वर पराजुली रहुनभएको थियो । नेपाल संयोजक एवं प्रचार प्रसार संयोजक घनश्याम पाण्डेय रहुनभएको थियो ।

निरीक्षण तथा अवलोकन भ्रमण सम्पन्न News of Pokhara

पोखरा, २० असार 

४ नं. प्रदेश प्रहरी प्रमुख प्रहरी नायव महानिरीक्षक दान सिंह बोहराले यही आषाढ २० गते पोखरा स्थित पश्चिम क्षेत्रीय शसस्त्र प्रहरी गणको निरीक्षण तथा अवलोकन गर्नु भई कार्यालयमा कार्यरत प्रहरी कर्मचारीहरुलाई समसामयिक विषयमा निर्देशन सम्बोधन समेत गर्नु भएको छ ।

निरीक्षणका क्रममा क्षेत्रीय प्रहरी गण मुख्यालय पुग्नुभएका प्रहरी प्रमुख बोहरालाई प्रहरीको एक टुकुडीले सम्मान सलामी अर्पण गरेको थियो । निरीक्षणका क्रममा उहांले कार्यालयमा कार्यरत प्रहरी कर्मचारीहरुको निरीक्षण गर्नुभई विभिन्न शाखा, प्रहरी कर्मचारीहरुको मेष, व्यारेक लगायत कार्यालयका भौतिक श्रोतसाधनहरुको समेत निरीक्षण गर्नु भएको छ ।

उक्त निरीक्षणकै क्रममा उहाँले क्षेत्रीय प्रहरी गणको परीसरमा मा रहेको क्षेत्रीय प्रहरी अस्पतालको समेत निरीक्षण एवम अवलोकन गर्नु भएको हो ।

निरीक्षण पश्चात प्रहरी कर्मचारीहरुलाई निर्देशन सम्बोधन गर्ने क्रममा उहाँले देश संघिय संरचनामा गई आम नागरीकले घर-घरमा सरकारको उपस्थिती महसुश गरिरहेको वर्तमान अवस्थामा आम नागरीकको प्रहरी प्रतीको अपेक्षामा समेत वृद्दी भएकाले प्रहरी सदैव नागरीकमैत्री सेवा प्रवाहमा कटिवद्ध रहनुको विकल्प नरहेको बताउनु भएको छ ।

साथै नेपाल प्रहरीको प्रयासले मात्रै समाजमा प्रभावकारी शान्ति सुरक्षा कायम हुन नसक्ने भएकाले प्रहरीले आम नागरीकसंग मिलेर समाजका विकृती विसंगतीहरुको न्यूनिकरणमा जोड दिनुपर्ने बताउनु भएको छ ।

युनाइटेड क्लवद्धारा कालिका पब्लिक कलेजका दुई विद्यार्थीलाई छात्रबृत्ति वितरण-United Club Chhatrabriti Bitaran Pokhara

पोखरा २० असार ।

 सामाजिक क्रियाकलापमा अग्रणी स्थानमा रहेको युनाइटेड क्लवले आफ्नो शैक्षिक कार्यक्रम अन्तर्गत कालिका पब्लिक कलेज रामबजारमा छात्रबृति वितरण गरेको छ । स्थापनाकालदेखी शिक्षा, स्वास्थ्य, खेलकुद, पर्यटन प्रवद्र्धनका लागी पोखरामा नया गन्तब्य चिडियाखाना निर्माणमा जोड दिदै सेती नदी संरक्षणमा अगाडी वढेको क्लवले आफ्नो शैक्षिक कार्यक्रम अन्तर्गत कालिका पब्लिक कलेजमा अध्ययनरत दुइ जना छात्र छात्रालाई छात्रबृत्ति वितरण गरेको हो ।

क्लवले कालिका पब्लिक कलेज मानविकी संकाय स्नातक तह पहिलो वर्षमा अध्ययनरत सुरेन्द्र शाही र ब्यवस्थापन संकाय स्नातक तह पहिलो वर्षमा अध्ययनरत अन्जु गिरीलाई छात्रबृत्ति स्वरुप जनही १५ हजार प्रदान गरिएको हो । छात्रबृत्ति वितरण कार्यक्रममा वोल्दै कलेजका ब्यवस्थापन समिती अध्यक्ष जनकराज बोहोराले युनाइटेड क्लवले नाम अनुसारको उद्देश्य लिएर काम गरेको र सोही अनुसार कालिका माविमा अध्ययनरत विद्यार्थीहरुलाई छात्रवृत्ति प्रदान गरेर आफ्नो विद्यार्थीमाथी ठूलो गुन लगाएको वताए । क्ल

वले पांच वर्ष अगाडी कालिका माविमा अध्ययनरत विद्यार्थीका लागी छुट्टै छात्रबृत्ति कोष स्थापना गरेको भएतापनि यो वर्ष कलेज लेवलमा अध्ययनरत विद्यार्थीहरुलाई छात्रबृत्ति प्रदान गरेकोमा अध्यक्ष बोहोराले खुसी ब्यक्त गरे ।

सो अवसरमा वोल्दै क्लवका संस्थापक अध्यक्ष हिमालय बख्रेलले कालिका पब्लिक कलेजमा अध्ययनरत विद्यार्थीहरुका लागी क्लवले सुरुवातको दिनदेखी काम गर्दै आइरहदा हाल आएर छात्रबृत्ति कोष बाहेक पनि विद्यार्थीहरुलाई छात्रबृत्ति वितरण गर्न पाउदा आफुहरु निकै हर्षित भएको वताए । ८ वर्षको अन्तरालमा युनाइटेड क्लवले शिक्षा, स्वास्थ्य, खेलकुद, पर्यटन प्रवद्र्धनका लागी पोखराको लेखनाथ पचभैया क्षेत्रमा चिडियाखाना निर्माणको काम थालनी गर्न पाउदा निकै खुसी लागेको वताए । पोखरा महोत्सवको आयोजना गरी मनोरन्जन मात्र नभइ महोत्सवमा टिकटमार्फत उठाइएको रकम सामाजिक काम मार्फत जनताको सेवामा खर्चन पाउनु नै क्लवको लागी महत्वपूर्ण काम भएको बख्रेलको भनाइ रहेको छ । 

क्लवका प्रथम उपाध्यक्ष तथा शिक्षा उपसमितीका संयोजक लालाकजी गुरुङले युनाइटेड क्लवले स्थापना कालदेखीनै अति विपन्न विद्यार्थीहरुलाई लक्षित गरी विभिन्न विद्यालयहरुमा छात्रवृत्ति अक्षय कोषहरु स्थापना गर्दै आइरहेको र हाल सम्म कास्की र छिमेकी जिल्लाहरुमा गरी विभिन्न ८ वटा सामुदायिक विद्यालयहरुमा अक्षयकोष स्थापना गरेको वताए । यो वर्ष मात्र कालिका पब्लिक कलेज संगै अन्य विद्यालयहरुमा अध्ययन गर्ने ६ जना विद्यार्थीहरुलाई छात्रवृत्ति वितरण गरेको गुरुङले वताए । क्लवका महासचिव राजु श्रेष्ठले सञ्चालन गरेको कार्यक्रममा क्लवका आजिवन सदस्य तथा शिक्षा उपसमिती सदस्य शिद्धि कुमार श्रेष्ठले स्वागत मन्तब्य ब्यक्त गरेका थिएभने कार्यक्रममा क्लवका द्धितिय उपाध्यक्ष लोक बहादुर थापा, कोषाध्यक्ष गणेश तिमिल्सिना लगायतको सहभागीता रहेको थियो ।  

रामबजारका सुनचाँदी ब्यवशायी र मोवाइल पसलले सिसी क्यामेरा राख्ने-Pokhara-News

पोखरा, २० असार 

पोखराको रामबजारमा रहको सुनचादी ब्यवशायी र मोवाइल पसलेहरुले आफ्नो पसलमा सिसी क्यामेरा राख्ने भएका छन् । आफ्नो पसलको सुरक्षा र समाजमा कुनै घटना भएमा त्यसको पहिचानका लागि सजिलो होस् भनी सुनचांदी ब्यवशायी र मोवाइल पसलेहरुले पसलहरुमा सिसी क्यामेराहरु जडान गर्ने भएका हुन् ।

वडा प्रहरी कार्यालय रामबजारको प्रतिवद्धता अपराध विरुद्धको एकता भन्ने मुल नाराका साथ बुधबार वडा प्रहरी कार्यलय रामबजारले आयोजना गरेको कार्यक्रममा सहभागी ब्यवशायीहरुले आफ्नो ब्यवशायको सुरक्षा र प्रहरीको काम कारवाहीलाई सहजता होस भन्ने उद्देश्यले आगामी दिनमा छिट्टै सिसी क्यामेरा जडान गर्ने वताएका हुन ।

उक्त अवसरमा वोल्दै वडा प्रहरी कार्यालय राम बजारका प्रमुख प्रहरी निरीक्षक दिपक बहादुर केसीले ब्यवशायीहरुले आफ्नो सुरक्षाका लागी सिसी क्यामेरा जडान गर्नु अहिलेको आवश्यक्ता भएको वताए । सानो पसलहरुमा पनि सिसी क्यामेरा जडान गरेको खण्डमा साना तथा ठूला घटना तथा चोरीमा संलग्नहरुलाई खोजी गर्न सजिलो हुने केसीको भनाइ रहेको छ ।

सुनचांदी ब्यवशायी संघ कास्कीका पूर्व अध्यक्ष तथा विश्वकर्मा सुनचांदी पसल रामबजारका संचालक चन्द्रकिशोर गौतमले अहिले सम्म वडा प्रहरी कार्यालयमा आएका प्रहरी प्रमुखहरुले आफुहरुको पसलको सुरक्षाको बारेमा केही छलफल नभइरहदा हाल कार्यरत प्रहरी प्रमुखले आफुहरुको पेशाको बारेमा चासो देखाएकोमा खुसी ब्यक्त गरे ।

गौतमले रामबजार क्षेत्रमा भएका सुनचांदी पसलहरुमा छिट्टै नै सिसी क्यामेरा जडान गर्ने प्रतिवद्धता ब्यक्त गर्दै सिसी क्यामेरा जडानले आफुहरुको पेशामा समेत सुरक्षा हुने र केही घटनाहरु भएमा प्रहरीलाई कारबाही गर्न समेत सजिलो हुने वताए ।

त्यसैगरी रामबजार क्षेत्रमा मोवाइल पसल सञ्चालन गर्दै आएका गनी मियाले आफुहरुले पनि छिट्टै नै मोवाइल पसलहरुमा सिसी क्यामेरा जडान गर्ने प्रतिवद्धता ब्यक्त गरे । उक्त अवसरमा वडा प्रहरी कार्यालय भित्र रहेका सुनचादी तथा मोवाइल पसलका संचालकहरु २६ जनाको सहभागीता रहेको थियो ।