मुलुकलाई दोहोयाउने सद्गुरुको खाँचो

 मंगलबार पोखरामा आयोजित गुरुपूर्णिमा तथा व्यास जयन्ती कार्यक्रममा अधिकांश वक्ताले नेपाललाई असफल राष्ट्रहुनबाट जोगाउने सद्गुरुको खाँचो भएको निष्कर्ष निकालेको छ । श्रीकृष्ण प्रणामी सेवा समिति कास्कीद्वारा आयोजित धार्मिक सभामा सनातन धर्म सेवा समिति कास्कीका अध्यक्ष रवीन्द्र माकाजूले सद्गुरुले हरेक समस्याको समाधान गर्ने भएकाले सनातन धर्ममा बन्दनीय र पूज्य भएको धारणा राख्नुभयो । व्यक्ति उपयोगी र सहयोगी बन्नुपर्ने धारणा राख्दै उहाँले भन्नुभयो–‘अहिलेको आवश्यकता भनेको जातीय र धार्मिक सद्भाव हो, विद्धेष होइन ।’कार्यक्रममा समितिका सल्लाहकार तथा पूर्व अध्यक्ष घनश्याम वानियाले भन्नुभयो,–‘सद्गुरु भनेको ट्राफिक प्रहरी जस्तै हुन् जसले घटना र दुर्घटना हुनबाट रोक्छ ।’ समितिका सह–कोषाध्यक्ष राजन शर्मा तिमिल्सिनाले गुरुलाई वेवास्ता गर्ने परीपाटीले नै समाजमा दुःख र अशान्ति निम्तिएको धारणा राख्नुभयो भने वाइज्यूराज संघका अध्यक्ष श्रीमती जानुका चालिसेले सद्गुरु समयको आवश्यकता हो भन्नुभयो । कार्यक्रममा कृष्ण प्रणाली सेवा समितिका सदस्य भागिरथी बराल, प्रेम साकार लगायतका वक्ताले गुरु महिमा बारे चर्चा गर्नुभएको थियो ।

Man Arrested फरार अभियुक्त पक्राउ

 १) प्रहरी प्रतिबेदन जाहेरीले बादी नेपाल सरकार प्रतिबादी किसन दारे भन्ने अमृत गुरुङ समेत भएको हातहतियार खरखजना मुद्दामा प्रतिबादीको बयान पोलमा परी फरार रहेका प्रतिबादी मध्ये जि.कास्की पोखरा उ.म.न.पा. लालीगुरांशटोल बस्ने र्बष(२९ का महेन्द्र भोटे भन्ने महेन्द्र गुरुङलाई मिति २०६९।०३।१६ गते पक्राउ गरी ऐ. १७ गते जिल्ला प्रशासन र्कायालय कास्कीमा बुझाईएको  ।
 
२) मिति २०६९।३।१७ गते अं. ०१:३० बजे जि.कास्की लामाचौर गा.बि.स.वडा नं.(३ खत्रीडहरमा रहेको सुबेदार रुद्र ब. गुरुङको घरमा डांकाहरुको समुह प्रबेश गरी श्रीमती ठाकुर शोभा गुरुङ र निज रुद्र ब. गुरुङलाई खुकुरी प्रहार गरी घाईते तुल्याई सुनको सिक्री थान(१ अ. तौल ३ तोला डाँका गरी लगेका डाँकाहरुलाई खोजतलास कै क्रममा ऐ. ले.न.पा.वडा नं.(२ बस्ने र्बष(४५ को पृथ्बीमान गुरुङलाई जिल्ला प्रहरी र्कायालय कास्कीबाट खटिएको प्रहरी टोलीले आज मिति २०६९।०३।१८ गते पक्राउ गरिएको । साथै निज अभियुक्तलाई ज्यानर्माने उद्योग तथा डाँकाचोरी मुद्दामा कारबाही चलाउने तयारी भई रहेको ।  सो घट्नामा घर धनी सु. रुद्र ब. गुरुङले प्रतिकार र्गदा निज डाँका पृथ्बीमान गुरुङको हातमा चोट लागी घाईते भएको । घटनामा संलग्न अन्य फरार अभियुक्तहरुको यस र्कायालय तथा मातहत र्कायालयबाट खोजतलास कारबाही जारी रहेको ।

Ashish Shrestha Making Motorbot स्टेप वाई स्टेप उच्च माविका आशिष श्रेष्ठले मोटरबोट बनाए

        स्टेप वाई स्टेप उच्च मा.वि. मासबार पोखरामा कक्षा १० मा पढ्ने आशिष श्रेष्ठले मोटरबोट तयार गरेका छन् । पोखरा पर्यटन परिषद्का अध्यक्ष एवं नेपाल पर्यटन बोर्डका कार्यकारी सदस्य टिकाराम सापकोटाले उक्त मोटरबोटको उद्घाटन गर्नुभएको थियो ।
       फेवातालको तालबाराही घाटमा गरिएको उक्त परीक्षण सफल भएकोमा विद्यार्थी आशिष श्रेष्ठलाई बधाई व्यक्त गरिएको थियो ।
       प्रमुख अतिथि टिकाराम सापकोटाले यस्ता किसिमका मोटरबोटहरु पर्यटकहरुका लागि मनोरञ्जनका साधन हुने भन्दै विद्यालय र विद्यार्थी आशिष श्रेष्ठलाई बधाई व्यक्त गर्नुभएको थियो ।
       उच्च मा.वि.का संस्थापक निर्देशक रमाकान्त बराल, प्रचार्य निर्मला बराल, विज्ञान शिक्षक युवराज लामिछाने, सूर्यप्रसाद लम्साल, सूर्य गुरुङ्ग, पिरामिडका संस्थापक श्रीलाल सुवेदी, पत्रकार लगायत आशिष श्रेष्ठका पिता मनमोहन श्रेष्ठ, उनका माता एवं शुभचिन्तहरु एवं डुङ्गा व्यवसायीहरुको उपस्थिति रहेको उक्त कार्यक्रममा मोटरबोट चलाई सबै उपस्थित महानुभावहरुलाई देखाएका थिए ।
       विद्यार्थी आशिष श्रेष्ठको उमेर १५ वर्ष मात्र रहेको छ । फलामबाट निर्मित उक्त मोटरबोटको लम्बाई ९ फिट रहेको छ ।
       आफ्नो देशमा उत्पादन भएका यस्ता मेधावी विद्यार्थीहरुलाई सरकारले पनि प्रोत्साहन दिनुपर्ने स्टेप बाइ स्टेप उच्च मा.वि.का प्राचार्य निर्मला बराले बताउनुभयो । विद्यालयका संस्थापक निर्देशक रमाकान्त बरालले विद्यार्थी आशिष सानै कक्षादेखि जागरुक, उत्सुक र त्यस्ता कामप्रति बढी चासो राख्ने भएकाले मोटरबोटको सफल परीक्षण भएको धारणा व्यक्त गर्नुभयो ।

अखिल नेपाल किसान महासंघ कास्कीले धान रोपाई महोत्सव गरी असारे पन्ध्रम मनाउने

   विगतका वर्षहरुमा जस्तै यस वर्ष असार १५ को अवसरमा अखिल नेपाल किसान महासंघ  कास्कीले            किसान दिवसको रुपमा धान रोपाइँ गरेर मनाउने भएको छ ।
       अखिल नेपाल किसान महासंघ गण्डकी अञ्चल समन्वय समितिको सहयोग रहने धान रोपाइँ कार्यक्रम पोखरा उपमहानगरपालिका वडा नं.१३ मा पर्ने काहूँखोला तल्लो बउर सिद्धाथान नजिक आयोजना गरिनेछ ।
       स्थापना कालदेखि नै किसानको हक हित र अधिकारका लागि स्थापित यस महासंघ विविध कार्यक्रम गर्दै आएको छ । यस धान रोपाइँ कार्यक्रममा सहभागी भएर सफल पारिदिनु हुन एवं असारे १५ कार्यक्रमलाई महोत्सवका रुपमा मनाउन सम्पूर्ण किसान दाजुभाई दिदीबहिनीहरुमा अखिल नेपाल किसान महासंघ कास्कीले एक प्रेस विज्ञप्ति मार्फत अनुरोध गरेको छ ।

विश्व लागूऔषध ओसारपसार विरुद्धको दिवसको अवसरमा बृहत सचेतना ¥याली सम्पन्न

       विकृति विसंगतिको अन्त्य, सभ्य समाजको परिकल्पना हाम्रो चाहना भन्ने मूल उद्देश्यका साथ स्थापित सामुदायिक सेवा केन्द्र एवं सामुदायिक प्रहरी सेवा बैदामको आयोजनामा २५ औं विश्व लागूऔषध ओसार पसार विरुद्धको अन्तर्राष्ट्रिय दिवसको अवसरमा मंगलबार बृहत सचेतनामूलक ¥याली सम्पन्न भयो ।
       पोखराको शहीदचोकबाट शुरु भएको उक्त ¥याली लेकसाइड हल्लनचोक हुँदै सामुदायिक सेवा केन्द्र बैदामको प्राङ्गणमा पुगी समापन भएको थियो ।
      उक्त ¥यालीमा विभिन्न संघसंस्था, आमा समूह, लेकसाइड क्लव, पर्यटन व्यवायी, बैदामस्थित साइनिङ्ग स्टार आ.मा.वि., फेवा बोर्डिङ्ग स्कूल, पोखरा क्याम्ब्रिज, शुभकामना बोर्डिङ्ग स्कूलका विद्यार्थी तथा शिक्षकहरु, कास्की पोखरा स्थित विभिन्न सामुदायिक सेवा केन्द्रका अध्यक्ष एवं पदाधिकारी, नेपाल प्रहरी, सशस्त्र प्रहरी, नेपाली सेना लगायत स्थानीय व्यक्तिहरुको उल्लेख्य उपस्थिति रहेको थियो ।
       पश्चिम क्षेत्रीय प्रहरी कार्यालयका प्रमुख राजेन्द्र सिंह भण्डारीको प्रमुख अतिथ्यतामा भएको उक्त कार्यक्रम संस्थाका सदस्य हिरु पुनको संयोजकत्वमा भएको थियो भने कार्यक्रममा जगदम्बा आमा समूहका अध्यक्ष दुर्गादेवि पहारी, लेकसाइड क्लवका महासचिव बिमल न्यौपाने लगायतले आ–आफ्नो भनाई राख्नुभएको थियो ।
       संस्थाका अध्यक्ष एकराज न्यौपानेको अध्यक्षतामा भएको उक्त कार्यक्रममा उपाध्यक्ष पम्फा पहारीले स्वागत मन्तव्य तथा सचिव भेषराज अधिकारीले कार्यक्रमको संचालन गर्नुभएको थियो ।