Global Peace Foundation Nepal-मलेसियाको राजधानी क्वालालाम्पुरमा हुने विश्व शान्ति महासम्मेलन

डिसेम्वर ५ देखि ८ सम्म मलेसियाको राजधानी क्वालालाम्पुरमा हुने विश्व शान्ति महासम्मेलन
(Global Peace Convention) मा भाग लिन १२ सदस्यीय नेपाली प्रतिनिधि मण्डल आज मलेसिया प्रस्थान गरेको छ । ग्लोबल पिस फाउण्डेसनका अध्यक्ष ई.रामरोहण पन्तको नेतृत्वमा नेपाली प्रतिनिधिमण्डलमा पूर्व विज्ञान तथा बातावरण मन्त्री गणेश शाह, नेपाल विद्यार्थी संघका पूर्वअध्यक्ष प्रदीप पौडेल, ग्लोबल पिस वुमनकी कार्यक्रम संयोजक बाम्बी पन्त लगायत विभिन्न संघ संस्थाका प्रतिनिधिहरु त्यस तर्फ प्रस्थान गरेका हुन् । महासम्मेलनमा ४५ देशका आठ सय भन्दा बढी प्रतिनिधि सहभागी हुनेछन् । त्यहाँ विभिन्न देशको साँस्कृतिक, आर्थिक र सामाजिक विकासक्रमका बारेमा अनुभव आदानप्रदान हुनेछन् । हरेक वर्ष हुने सम्मेलन ग्लोवल पिस फाउन्डेसन, मलाया युनिभर्सिटी र राष्ट्रिय एकता तथा समायोजन विभाग मलेसियाको संयुक्त आयोजनामा हुन लागेको हो । विस्तृत विवरण www.globalpeace.org मा उपलब्ध छ ।

मानव वेचविखन,अवैध यौन,सरप्राईज चेकिङ्गबाट कारवाही पोखरामा-District Police Office Kaski,Pokhara

• मानव वेचविखन गर्ने पक्राउ

मकवानपुर तर्फ घर भएका २ जना युवतीलाई ललाई फकाई आफनो होटलमा काम दिन्छु, धेरै तलव दिन्छु भनि प्रलोभनमा पारी जवरजस्ती यौनजन्य कार्य गर्न लगाउन खोज्ने चितवन जगतपुर ४ घर भई पोखरा ८ सिमलचौर स्थित बुद्ध खाजा घरका संचालन सुवोध साँखीलाई मिति २०७०।८।१८ गते पक्राउ गरी मानव वेचविखन तथा ओसारपसारमा मुद्धा दर्ता गरी अनुसन्धान भईरहेको छ ।

• अवैध यौन क्रियाकलापमा संलग्न पक्राउ

पोखरामा रहेका होटलहरुमा अवैध यौन क्रियाकलाप हुन सक्ने भन्ने सूचनाको आधारमा यस कार्यालयबाट खटिएको प्रहरी टोलीले पोखरामा रहेका विभिन्न होटल, रेष्टुरेण्ट तथा लजहरुमा चेकजाँच गर्ने क्रममा आपतीजनक अवस्थामा रहेका  ५ युवती र ४ केटा गरी जम्मा ९ जनालाई पक्राउ गरी के.सा.अ. मुद्धामा अनुसन्धान कारवाही भईरहेको छ । यस्ता सामाजिक विकृति विसंगतिहरुको नियन्त्रणको लागि प्रहरीले विशेष टोली बनाई परिचालन गरेको छ ।

• सरप्राईज चेकिङ्गबाट गरिएको कारवाही बिवरण

पोखरा तथा लेखनाथ नगरपालिका र राजमार्गहरुमा विशेष अभियानका साथ संचालन गरिएको सरप्राईज चेकिङ्गको क्रममा मिति २०७०।८।१२ देखि २०७०।८।१९ गते सम्म निम्नानुसारको कारवाही गरिएको छ ।
कारवाही बिवरण : सवारी नियम उल्लंघन गर्नेको संख्या
–    ट्रक                        १२२
–    बस                        १८४
–    जिपकार                २६४
–    ट्याक्टर                 ५२
–    मोटरसाईकल        ६६९
–    जम्मा: १२९१ सवारी साधनलाई सवारी नियम बमोजिम कारवाही गरि रु. १,८०,३००।– राजस्व संकलन गरिएको छ ।
–    मा.प.से. सेवन गरी सवारी साधन चलाउने विरुद्ध मा.प.से. चेकिङ्गलाई तिव्र पारी  विशेष अभियान संचालन गरिएको छ । पोखरा तथा लेखनाथ नगर क्षेत्रका विभिन्न स्थानहरुको पहिचान गरी ति स्थानहरुमा मा.प.से. चेकिङ्गलाई  तिव्रता दिईएको छ । यस अभियान अन्र्तगत गत एक हप्तामा मा.प.से. गरि सवारी साधन चलाउने २६ जनालाई कारवाही गरि रु. २६,०००।– राजस्व संकलन गरिएको छ ।
District Police Office Kaski

जिल्ला प्रहरी कार्यालय कास्की
मिति  २०७०।८।१९ गते ।                      

घार्मीमा पनि सद्बीज छरियो,

पोखरा, १७ मंसिर
 कास्कीको लामाचौर गाविस स्थित धार्मिक तथा पर्यटकीय क्षेत्र घार्मीमा यस वर्ष पनि बालाचर्तुदशी पर्वका अवसरमा सद्वीज छर्ने कार्य सम्पन्न भएको छ ।
 स्थानीय ओमकारेश्वर महादेव मन्दिर व्यवस्थापन समितिले आयोजना गरेको कार्यक्रममा त्यस क्षेत्रका भक्तजन तथा छिमेकी गाविस अर्मला, पुरञ्चौर, भलाम, सार्दीखोला, हेम्जा र पोखराका विभिन्न क्षेत्रबाट पुगेका भक्तालुहरुले आफ्ना पितृको सम्झना गरी मन्दिर परिसरमा सद्वीज छरेका थिए ।
भजन किर्तन र बाजागाजा सहित आयोजना गरिएको कार्यक्रममा समाजसेवी टासी लामाले मन्दिर व्यवस्थापनका लागी १० हजार रुपयाँ र ओम साइराम लामाचौरका प्रमुख इश्वर वैद्यले जीन्सी सहित २ हजार ५ सय सहयोग हस्तान्तरण गर्नुभएको समाजसेवी नन्दराज दाहालले जानकारी दिनुभयो ।साँझ सम्म पनि मन्दिरमा पूजा गर्ने र सदविज छर्न मन्दिर परिसरमा भत्तालुहरुको घुईँचो लागेको थियो ।साईराम र स्थानिय भजन मण्डलीले दिनभर जसो भजन किर्तन गरेका थिए ।त्यस क्षेत्रमा पुगेका भतmजनहरुले घार्मीलाई धार्मिक पर्यटकिय क्षेत्रको रुपमा विकास गर्न स्थानिय वासिन्दालाई सुझाव दिएका छन ।
पोखरा उपमाहनगर पालिका संगै जोडिएको घार्मिमा पछिल्ला दिनमा दृश्य अवलोकनका लागी स्वदेशि तथा विदेशी पर्यटकहरु पुग्ने गर्दछन ।बाला चर्तुदशि पर्व र सिव रात्रीमा त्यस क्षेत्रमा धार्मिक मेलानै लाग्ने गरेको छ ।

Cancer Awareness Free Cancer Detection & Screening Camp-निुःशुल्क क्यान्सर परिक्षण तथा अभिमुखीकरण कार्यक्रम

 मंशिर,१६, ग्लोवल पिस फाउन्डेसन नेपाल र नेपाल क्यान्सर सहयोग समुहको संयुक्त आयोजनामा १ दिवसिय निुःशुल्क क्यान्सर परिक्षण तथा अभिमुखीकरण कार्यक्रम शनिवार सम्पन्न भएको छ । काठमाण्डौको सुदुर गाउँको रुपमा परिचित छैमले स्थित श्री पञ्चकन्या माध्यमिक विद्यालय भण्डारखर्क ४ मा आयोजना गरिएको शिविरमा एक सय जना महिलाहरुले आफनो स्तन र पाठेघरको परिक्षण गरेका थिए । परीक्षणको प्रतिवेदन ल्यावमा परिक्षण पश्चात केही दिनपछि मात्र प्राप्त हुनेछ । २३ जना विशेषज्ञ चिकित्सकको समुहले परिक्षण गरेको शिविरमा क्यान्सर रोगको बारेमा बुझन तिन सय भन्दा बढि व्यक्तिहरु उपस्थित थिए । पुरुषहरुले समेत क्यान्सरको बारेमा चासोपूर्वक जानकारी लिएका थिए ।  शारीरिक श्रम बढि गर्नुपर्ने र पौष्टिक आहारको कमी हुने महिलामा अन्यको तुलनामा यो रोग बढि लाग्ने गरेको नेपाल क्यान्सर सहयोग समुहका महासचिव डा. शंशाक शर्माले बताउनु भयो । क्यान्सरको पहिचान सुरुवाती अवस्थामा हुन सके यसको पूर्ण उपचार सम्भव भएकोले मानिसहरुमा जनचेतनाको कार्यक्रम गरेको नेपाल क्यान्सर सहयोग समुहका अध्यक्ष डा. सुदिप श्रेष्ठले बताउनु भयो । स्वास्थ्य नै सवैभन्दा ठूलो धन भएकोले सवै व्यक्तिहरुले वर्ष दिनमा आफनो नियमित स्वास्थ्य परिक्षण गनुपर्ने श्रेष्ठको भनाई थियो । ३ वर्षयता छैमलेको स्वास्थ्य, शिक्षा, पुस्तकालयको क्षेत्रमा ग्लोवल पिस फाउन्डेसनले विभिन्न कामहरु गर्दै आइरहेको छ । धुवाँको कारण महिला तथा बालबालिकाको स्वास्थ्यमा गम्भिर प्रकृतिका स्वास प्रश्वास रोगीहरुको संख्या बढेकोले छैमलेलाई धुवाँरहित गाविस बनाउने उदेश्य सहित सुधारिएको चुलो निमार्णको कार्यलाई तिव्रता दिइएको छ ।
काठमाण्डौ जिल्लाको सुदुर गाउँको रुपमा परिचित छैमले रत्नपार्कबाट ३५ किलोमिटर टाढा पर्दछ । मकवानपुर र ललितपुर जिल्लाको सिमानामा रहेको यस गाविसमा ५० प्रतिशत भन्दा बढि तामाङ समुदायको बाहुल्यता रहेको छ । ४० प्रतिशत भन्दा बढि निरक्षर रहेको यस समुदायका वासिन्दाको प्रमुख आयको पेशा तरकारी खेती र खाद्यान्न वाली नै हो । कुल ४ हजार ७ सय ८७ जनसंख्या रहेको छैमले चिसो हावापानी भएको क्षेत्रभित्र पर्दछ ।

वेवारिसे शव फेला परेको-Dead bodies Found

मिति २०७०/०८/१२ गते दिउसो जि.कास्की पोखरा उ.म.न.पा.वडा नं.-६ बंगलादी स्थित फेवातालमा कपडा नलगाएको दाह्री जुंगा पातलो लामो रहेको, कपाल केही फुलेकोमा रगं लगाए जस्तो देखिने अ. ३५/४० बर्षको पातलो शरिर भएको कल्साउंदो बर्णको पुरुष ब्यक्तिको शव फेला परेको ।
माथी उल्लेखित शवहरुको हाल सम्म पनी आफन्त कोही सम्पर्कमा नआई सनाखत हुंन नसकेको हुंदा उक्त शवहरुको सनाखत एवं पहिचान गर्नमा सहयोग पु-याउनको निमित्त नि:सुल्क प्रचार प्रसार गरी दिनु हुन सम्पुर्ण संचार माध्यमहरुलाई अनुरोध गरिएको छ ।
जिल्ला प्रहरी कार्यालय कास्की ।
District Police Office Kaski, Pokhara