Education Festival in Pokhara

कस्तो कलेजमा पढ्ने ? कुन विषय छनौट गर्ने ? अब चिन्ता लिनु
पर्दैन ?
आज अन्तिम दिन, पोखरा प्रदर्शनी केन्द्रमा आयोजित शैक्षिक मेलामा जाऔं

भर्खरैं एसएलसी उत्तीर्ण गरेका तथा प्लस टु सकेर बसेका विद्यार्थीहरुलाई कुन कलेजमा पढ्ने र कुन विषय लिने भन्ने चिन्ता हुन सक्छ ? अब पीर नमान्नुहोस्, तपाईको चिन्ता र समस्या समाधान गर्न पोखरामा पहिलोपटक वृहत शैक्षिक मेलाको आयोजना गरिएको छ । पोखराको प्रदर्शनी केन्द्रमा आयोजना गरिएको शैक्षिक मेलामा जाऔं र उच्च शिक्षा सम्बन्धि यस्तै यस्तै अनेकन् समस्याहरुको हल गरौं । आज अन्तिम दिन कतै तपाई छुट्नु होला नी फेरि ? ढिलो नगरी जानुहोस् र शैक्षिक मेलाको भरपुर फाईदा उठाउनुहोस् । पोखरामा पहिलोपटक एकै ठाउँमा धेरै विद्यालयहरुले संयुक्तरुपमा आयोजना गरेको शैक्षिक मेला आजबाट सकिदैं छ । एसएलसी तथा प्लस टुका विद्यार्थीहरुका लागि एकपटक जानै पर्ने सो मेलामा विभिन्न शैक्षिक जिज्ञासाहरुको सम्बन्धित क्याम्पस तथा संस्थाका प्रमुखहरुसँग प्रत्यक्ष जानकारी हासिल गर्न पाईने जमर्को आयोजकहरुले मिलाएका छन् ।पोखराको नयाँबजारस्थित प्रदर्शनी केन्द्रमा सो मेलाको आयोजना भईरहेको छ । रिपब्लिका दैनिक र डिरेक्सन नेपालको संयुक्त आयोजनामा स्वदेश तथा विदेशमा अध्ययन गर्न चाहने विद्यार्थीहरुका लागि विभिन्न क्याम्पसहरुको जानकारी तथा त्यससँग सम्बन्धित सम्पूर्ण प्रक्रियाहरुका बारेमा सजिलै जानकारी हासिल गर्नका लागि सफ्टवरीका कलेज अफ आईटी एण्ड ई–कमर्शले ‘१० औं हाईएर एजुकेशन एण्ड करियर फेयर–२०१२ को आयोजना गरेको हो । उक्त मेलामा काठमाडौं र पोखराका गरी झण्डै ५५ वटा कलेजहरुको सहभागिता रहेको छ । मेलामा सि.ए., होटल म्यानेजमेण्ट, फेसन डिजाईनिङ्ग, सूचना तथा सञ्चार, नर्सिङ्ग, मेडिकल, इञ्जिनियरिङ्ग, एयर होस्टेज र टुरिजम लगायतका प्राविधिक विषयहरुमा सजिलै सम्पूर्ण जानकारी प्रत्यक्ष रुपमा दिने व्यवस्था आयोजकहरुले मिलाएका छन् । मेलामा विभिन्न कलेज, शैक्षिक परामर्श,ल्याङ्गवेज लागयतका विषय र कलेजहरुको र सम्बन्धित संस्थाहरुसँग प्रत्यक्ष विद्यार्थीहरुले आफ्ना जिज्ञासाहरु आदान–प्रदान गर्न सक्नेछन् ।

केफमा हिज्जे प्रतियोगिता सम्पन्न

पोखराको बगर स्थित केफ उच्च माध्यमिक विद्यालयमा विद्यालयको सह–क्रियाकलाप अन्तर्गत शुक्रबार अन्तर सदनात्मक हिज्जे प्रतियोगिता सम्पन्न भयो ।

हरियो, निलो, रातो र सेतो सदनको सहाभागिता रहेको कार्यक्रममा हरियो सदनका नम्रता पराजुली, श्रीराम पौडेल, नवीन पौडेलको समूह प्रथम, निलो सदनका प्रतिमा लामिछाने, विजय अधिकारी र कृतिका भण्डारीको समूह द्वितीय, रातो सदनका सम्राट सुवेदी ,विनिता पराजुली र अजय अधिकारी तृतीय तथा सेतो सदनका सौरभ भट्टराई , दिपेश कुँवर , अनमोल गुरुङ सान्वना भएका छन् ।

विद्यालयका सहायक प्राचार्य भानुभक्त पोख्र्रेल, शिक्षक गिरधारी अधिकारी, रेशमप्रसाद ढकाल निर्णायकमा रहेका थिए भने अङ्क टिपोटमा शिक्षक बाबुराम पौडेल रहेका थिए । समय सूचकमा शिक्षिका केशरी सुवेदी रहेकी थिईन्् । विशिष्ठ अतिथि प्राचार्य डिल्लीराम अधिकारीले अविर लगाएर बिजयी विद्यार्थीहरुलाई हौसला प्रदान गरेका थिए । विजयी विद्यार्थीहरुको पुरस्कार प्रथम त्रैमासिक परिक्षाको नतिजा प्रकाशनको दिनमा गरिने जानकारी सह–क्रियाकलाप संयोजक रेशम प्रसाद ढकालले दिए ।

महिला शेयर सदस्यहरुबीच सहकारी शिक्षा प्रशिक्षण

समबृद्धि बचत तथा ऋण सहकारी संस्था लि. पोखरा–८ पृथ्वीचोकको आयोजनामा शनिवार सहकारीमा आवद्ध महिला शेयर सदस्यहरुबीच सहकारीमा महिला सदस्यहरुको भूमिका र सहकारी शिक्षा विषयक एकदिने प्रशिक्षण सम्पन्न भएको छ ।
सहकारीमा आवद्ध ४७ जना महिला शेयर सदस्यहरुको उपस्थितिमा भएको उक्त प्रशिक्षणमा कास्की जिल्ला सहकारी संघका अध्यक्ष तथा राष्ट्रिय सहकारी संघका केन्द्रीय सदस्य प्रभा कोइराला र समबृद्धि सहकारीका सल्लाहकार ईश्वरप्रसाद सुवेदीले सहकारी संस्थामा महिला सदस्यहरुको भूमिका, महिला सहभागिता तथा साना व्यवसाय प्रवद्र्धन र महिलाहरुको आयआर्जनमा सहकारीको आवश्यकता एवं महत्वको बारेमा प्रशिक्षण दिनुभएको थियो ।
प्रशिक्षणपश्चात शेयर सदस्यबीच आफूले कर्जा उपयोग गरेको व्यवसाय प्रवद्र्धन र आयआर्जनको बारेमा अनुभव आदानप्रदान एवं अन्तरक्रिया गरिएको थियो भने अन्तरक्रियाको संंयोजन कोषाध्यक्ष लक्ष्मणप्रसाद कोइरालाले गर्नुभएको थियो ।
प्रशिक्षणको उद्देश्यमाथि शिक्षा समिति संयोजक प्रेमप्रसाद पौडेलले प्रकाश पार्नुभएको थियो । सहकारीका अध्यक्ष बुद्धिसागर खनालको सभापतित्वमा भएको उक्त कार्यक्रममा स्वागत उपाध्यक्ष राजुप्रसाद सुवेदी र कार्यक्रमको संचालन सदस्य रत्ना गुरुङ्गले गर्नुभएको थियो ।
प्रशिक्षण कार्यक्रममा संचालक समिति, सल्लाहकारहरु र अन्य उपसमितिहरुको समेत सहभागिता रहेको थियो । 

साइनिङ्ग स्टारमा कक्षागत शैक्षिक प्रदर्शनी

 पोखरा–६, लेकसाइडस्थित साइनिङ्ग स्टार आवासीय मा.वि.मा कक्षागत शैक्षिक प्रदर्शनी सम्पन्न भएको छ । उक्त कार्यक्रम प्रा.वि.तह कक्षा ३–५ तथा मा.वि.तह कक्षा ६–१० गरी उत्कृष्ट हुने दुई कक्षालाई पुरस्कृत समेत गरिएको थियो ।
प्राचार्य नारायणप्रसाद पाण्डेको अध्यक्षतामा सम्पन्न उक्त कार्यक्रममा निर्णायकको भूमिका व्यवस्थापन समिति सदस्य विष्णुहरि अधिकारी तथा बरिष्ठ शिक्षक नर्भु यल्मोले गर्नुभएको थियो ।
विद्यालयका सहप्राचार्य अर्जुन प्रसाद पाण्डेले संचालन गर्नुभएको उक्त कार्यक्रममा शुभकामना मन्तव्य संस्थापक रामराज पहारीले गर्नुभएको थियो ।
उक्त अवसरमा उत्कृष्ट कक्षाहरुलाई संयोजक केवी रसाइलीले रनिङ्ग शिल्ड प्रदान गर्नुभएको थियो ।

नेपाली भाषा,साहित्य,कला र संस्कृतिको जगेर्ना गरौ

जिल्लामा साहित्यका गतिबिधी बढाउने उद्देश्यका साथ साहित्य संगमद्धारा सञ्चालित मासिक काव्य चौतारीको ४७ औं श्रृङ्खला श्री नमूना आवासीय मा.वि.को सभाहलमा सम्पन्न भयो । नेपाली भाषा,साहित्य,कला र संस्कृतिको जगेर्ना गरांैभन्ने मूल नारालाई गाउँ गाउँसम्म पुर्याउन सो कार्यक्रमको आयोजना गरिएको हो ।
              जिल्ला भरका नयाँ पुराना प्रतिभालाई समेट्दै आएको पर्वत साहित्य संगमले सो कार्यक्रमला पुन अघि बढाउँदै यस पटकदेखि जिल्लाका हरेक विद्यालय,उच्च मा.वि., क्याम्पसहरुमा पुगी सोही कार्यक्रममा वाचित र संकलित रचनाहरुलाई  सोही संस्थाको सहयोगमा विशेषांकका रुपमा प्रकाशित गर्ने र यसबाट हुने आयबाट जिल्लामा एक साहित्यिक पुरस्कार कोष स्थापना गरीने लक्ष्य सहित कार्यक्रम शुरु गरिएको