लागु औषध सहित पक्राउ- Man Arrested with Drugs

            जिल्ला कास्की घान्द्रुक गा.वि.स.वडा नं. २ बस्ने बर्ष ६८ की जित कुमारी वि.क.र ऐ ऐ वस्ने बर्ष ५५ को सोम बहादुर बि.क.ले लागु औषध चरेश विक्री वितरण गर्दछन भन्ने गोप्य सुचना अनुशार यस कार्यालयको विशेष प्रहरी टोलीले निजहरु दुबैजनाको  निग्रानी गरी रहेकोमा निजहरुलाई लाई लागु औषध चरेश १ के.जी २५० ग्राम सहित पक्राउ गरी लागु औषध मुद्वामा म्याद थप गरी अनुशन्धान भईरहेको छ ।
        यसै गरी लागु औषध नियन्त्रण व्यूरो पोखराबाट खटिएको प्रहरी टोलीले जिल्ला बारा बिश्रामपुर गा.बि.स.वडा नं. १ बस्ने लालबाबु महत्तोलाई आज मिति २०७०/१०/१४ गते दिउसो पोखरा उ.म.न.पा.वडा नं. १० रंगशाला नजिक संकास्पद अवस्थामा हिडिरहेको भेटी निजलाई नियन्त्रणमा लिई शरिर तलासी गर्दा निजले लगाएको खैरो ज्याकेटको खल्तीमा कालो प्लाष्टीक भित्र लुकाई छिपाई राखेको अवस्थामा लागु औषध बुप्रिनर्फिन (३० र डाईजापाम थान (३० सहित पक्राउ गरी थप अनुसन्धान आवस्यक कारबाही भई रहेको छ  ।

District Police Office Kaski
जिल्ला प्रहरी कार्यालय कास्की

मानव बेचबिखनमा संलग्न पक्राउ

         विभिन्न  कारणले पोखरामा आएका सोझा सादा महिलाहरुलाई अनेक थरीका प्रलोभन देखाई जबर्जस्ती यौन कृयाकलापमा लगाएको सुचनाको आधारमा जिल्ला प्रहरी कार्यालय कास्कीबाट खटिएको  विशेष प्रहरी टोलीले निम्न मानिसहरुलाई पक्राउ गरेको छ । प्रारम्भिक अनुशन्धानको क्रममा निजहरुले पटक पटक सोझा सिधा युवतीहरुलाई बिभिन्न प्रकारका जागिर लगाई दिने,काम गरे वापत प्रशस्त पैसा कमाउन सकिने जस्ता प्रलोभन देखाई जबर्जस्ती होटलमा आएका ग्राहकसंग अनुचित कृयाकलाप गर्न बाध्य गराउने गरेको पाईएकोले निजहरुलाई मानव वेचविखन तथा ओसार पसार मुद्वामा म्याद थप गरी अनुसन्धान भई रहेको छ ।
निम्न : १.   जिल्ला सप्तरी पन्सेरा – ३ घर भई हाल पोखरा-८ सिमलचौर स्थित फेमिलि रेष्टुरेण्टकी संचालक अन्जु चौधरी  ।
२.  जिल्ला मुस्ताङ जोमसोम घर भई हाल पोखरा – ९ नया बजार स्थित मुस्ताङ रेष्टुरेण्टकी संचालक लक्ष्मी गुरुङ ।
  मिति २०७०/१०/१५ गते ।                                 

 जिल्ला प्रहरी कार्यालय कास्की ।

बलात्कार बिरुद्वको राष्ट्रिय अभियान

लैगिक हिंसा बिरुद्वको १६ दिने अन्तर्राष्ट्रिय अभियानको अन्तिम दिन आज मिति २०७०।०८।२८ गते महिला मानब अधिकार रक्षक संजाल कास्कीको आयोजना र जिल्ला प्रहरी कार्यालय कास्कीको समन्वयमा यस कार्यालयको सभाहलमा बिषेश कार्यक्रमको आयोजना गरियो । सो कार्यक्रममा महिला मानब अधिकार रक्षक संजाल कास्कीका अध्यक्ष सरला पाण्डेले कार्यपत्र प्रस्तुत गर्नु हुंदै नेपालमा लैगिक हिंसा र बलात्कार जन्य घट्नाहरुबाट समाजलाई मुक्त गर्न सरकारी तथा गैह्रसरकारी संघ सस्थाहरु जिम्मेवारीका साथ लाग्नु पर्ने मन्तब्य राख्नु भएको सो कार्यक्रममा प्रमुख अतिथिको आसनबाट बोल्नु हुंदै जिल्ला प्रहरी कार्यालय कास्कीका निमित्त कार्यालय प्रमुख प्र।ना।उ। राजेशनाथ बास्तोलाले महिला तथा बालबालिका बिरुद्व हुने हिसा रोक्नको लागी नागरिक र प्रहरी बिच सहकार्यमा जोड दिनु हुंदै समाजमा हुंने यस्ता खालका अपराधलाई नियन्त्रण गर्न सवैले सहयोग गर्नु पर्ने मन्तब्य राख्नु भएको थियो । उक्त कार्यक्रममा बिभिन्न सरकारी, गैह्रसरकारी संघ सस्थाका प्रतिनिधी, ने।क।पा। एमालेका प्रतिनिधी र जिल्ला प्रहरी कार्यालय कास्की तथा मातहत प्रहरी ईकाईमा कार्यरत प्रहरी अधिकृत तथा जवानहरुको उपस्थिती रहेको थियो ।

मिति २०७०।०८।२८ गते ।                     

District Police Office Kaski
जिल्ला प्रहरी कार्यालय कास्की

महिला हिंसा न्यूनीकरणको लागि एक दिवसिय प्रशिक्षण कार्यक्रम

 मंशिर २९, पोखरा ।
सामुदायिक सेवा एवं सामुदायिक प्रहरी सेवा जिल्ला समन्वय समिति कास्कीको आयोजनामा संस्थाको सभाहलमा महिला हिंसाको बिद्यमान अवस्था र महिला हिंसा न्यूनिकरणका लागि चाल्नु पर्ने कदम विषयक एक दिवसिय प्रशिक्षण कार्यक्रम सम्पन्न भयो ।
वडा प्रहरी कार्यालय बैदाममा हालै मात्र सरुवा भई आउनुभएको प्रहरी निरीक्षक सुन्दर तिवारीको स्वागत समेत गरिएको उक्त कार्यक्रममा बोल्दै कार्यक्रमका प्रमुख अतिथि जिल्ला प्रहरी कार्यालय कास्कीका निमित्त कार्यालय प्रमुख प्रहरी नायव उपरीक्षक राजेश नाथ बास्तोलाले सामुदायिक प्रहरीको एक महत्वपूर्ण कार्य मध्येको कार्य हो महिला हिंसा न्यूनिकरणको लागि गरिने कार्यक्रमहरु भन्दै सिकेको कुरालाई व्यवहारमा उतारी घर घरबाट महिला हिंसाको लागि हामी सबै सहकार्य गर्नुपर्ने बताउनुभयो । महिला हिंसा न्यूनीकरणको लागि नेपाल प्रहरी सदै दृढ रहेको बताउदै यस्ता कार्यक्रमहरु गाउ गाउमा पुरयाउन जरुरी भएको बताउनुभयो ।
प्रहरी नायव निरीक्षक रेशम लाल पौडेलले श्रव्य र दृश्यको माध्यमबाट हाल विद्यमान महिला हिंसाको प्रकार कानूनी प्रावधान तथा महिला हिंसा न्यूनिकरणको लागि चाल्नु पर्ने कदमहरुको बारेमा प्रशिक्षण दिएको थिए ।
अध्यक्ष लालबहादुर श्रेष्ठको अध्यक्षतामा भएको कार्यक्रममा प्रहरी निरीक्षक तिवारीलाई कास्की जिल्लामा क्रियाशिल सामुदायिक सेवा केन्द्रहरुका पदाधिकारीहरु तथा कार्यरत प्रहरी कर्मचारीहरुले समेत फूलमाला अविर लगाई स्वागत गरेका थिए । संस्थाका महासचिव विमलबहादुर कार्कीले संचालन गरेको कार्यक्रममा संस्थाका उपाध्यक्ष विष्णुबहादुर भट्टराईले स्वागत तथा पृथ्वीचोक केन्द्रका अध्यक्ष चिरन्जिीवि श्रेष्ठ, संस्थापक अध्यक्ष मंगल नेपाली, सदस्य दूर्गादेवी पहारी समेतले बोलेका थिए ।

Man Arrested with Drugs in Kaski -चेकिङ्गको क्रममा लागू औषध सहित मानिस पक्राउ

पोखरा तथा लेखनाथ नगरपालिका र राजमार्गहरुमा हुने अपराध नियन्त्रण तथा रोकथामको लागि यस कार्यालयबाट संचालन गरिएको विशेष अभियान अन्र्तगत मिति २०७०/८/१९ गते ९:४५ बजेको समयमा ले.न.पा. सैनिक वस्तीमा आकस्मिक चेकजाँच गर्ने क्रममा ग.१.ज. ३७५५ नम्बरको भाडाकारलाई चेकजाँच गर्दा निम्न परिमाणमा लागू औषध सहित ४ जना मानिसहरुलाई पक्राउ गरि अन्य अनुसन्धान कारवाही भईरहेको छ ।
बरामद लागु औषध :
–    डाईजापाम ईन्जेक्सन २३ थान , ४ थान सिरिन्ज
–    नर्फिन ईन्जेक्सन २० थान
–    फेनेरागन २० वटा
पक्राउमा  परको व्यक्तिहरु:
१)    जि. तनहुँ दुलेगौडा ३ हलेदी बस्ने वर्ष २६ को हेमन बहादुर सिंह तामाङ्ग
२)    जि. कास्की पोखरा उप.म.न.पा. वडा नं. ८ न्यूरोड बस्ने वर्ष २६ को आस बहादुर गुरुङ्ग
३)    जि. तनहुँ ढोरफिदी घर भई दुलेगौडा ३ बस्ने कुल बहादुर श्रेष्ठ
४)    लम्जुङ्ग घर भई पोखरा रामबजार बस्ने वर्ष २५ को राम गुरुङ्ग
मिति २०७०/८/२० गते ।

District Police Office Kaski
जिल्ला प्रहरी कार्यालय कास्की