सामुदायिक सेवा केन्द्रको पुनरमिलन तथा महिला हिंसा सम्बन्धी प्रशिक्षण

 भाद्र १७, पोखरा ,सामुदायिक सेवा एवं सामुदायिक प्रहरी सेवा जिल्ला समन्वय समिति कास्कीको आयोजनामा कास्की जिल्लामा क्रियाशिल सामुदायिक सेवा केन्द्र एवं सामुदायिक प्रहरी सेवा केन्द्रका पदाधिकारी तथा सदस्यहरुबीच पुनरमिलन एवं महिला हिंसा सम्बन्धी प्रशिक्षण कार्यक्रम सोमवार सम्पन्न भयो ।
पोखरा ९ शान्तिवन वाटिकामा भएको कार्यक्रममा प्रमुख अतिथि सामुदायिक सेवा एवं सामुदायिक प्रहरी सेवा जिल्ला समन्वय समिति कास्कीका निवर्तमान अध्यक्ष गोमा ढकालले बोल्दै दरको नाममा तारे होटलमा गएर पैसा उठाउदै खाईने भोज तथा तीजको गितको नाममा आएको दोहोरी तथा उश्रृङखल नृत्यले गर्दा नेपाली महिलाहरुको महान पर्वको नाममा महिलानै विवादमा मुछिनुका साथै महिला माथि नै हिंसा भएको बताउनुभयो ।
संस्थाका कोषाध्यक्ष सीता अधिकारीले संचालन गर्नुभएको कार्यक्रममा सामुदायिक सेवा केन्द्र बैदामका उपाध्यक्ष सुशिला सुवेदीले दाजुभाईले दिदीबहिनीलाई माया र स्नेहको प्रतिकको रुपमा ख्वाईने दर आजकल पाचतारे होटलको कमाउने पेशा बनेको र दिदीबहिनीको व्यथा पोखिने तिजको गितमा लाने, ल्याउने, भिनाजु, सालीको नकारात्मक चर्चा परिचर्चा गरिएका संगितले मौलिकता ओझेल परेको बताउनुभयो सदस्य दुर्गा देवी पहारीले स्वागत गरी शुरु भएको कार्यक्रममा अध्यक्ष लालबहादुर श्रेष्ठ र उपाध्यक्ष विष्णुबहादुर भट्टराईले समेत बोलेका थिए ।
संस्थाका अध्यक्ष लालबहादुर श्रेष्ठको अध्यक्षतामा भएको कार्यक्रममा प्रहरी नायव निरीक्षक रेशम पौडेलले महिला हिंसा तथा घरेलु हिंसाको विषयमा सहजिकरण गरेका थिए ।

Regional Coca-Cola Cup Football contest start in Pokhara क्षेत्रिय कोकाकोला फुटबल प्रतियोगिता पोखरामा सुरु

 एन्फा कास्की
पोखरा,१५ भदौ ,यूवा तथा खेलकुद मन्त्रालय तथा राष्ट्रिय खेलकुद परिषद्को कार्यक्रम अन्र्तगत अखिल नेपाल फुटबल संघको आयोजनामा  शनिबार देखि पोखरामा दोस्रो चरणको क्षेत्रिय छनोट कोकाकोला अन्त्तर विद्यालय छात्र/छात्रा फुटबल प्रतियोगिता सुरु भएको छ ।
पश्चिम क्षेत्रीय प्रहरी गण पार्दीको खेल मैदानमा सुरु प्रतियोगिताको उद्घाटन खेलमा न्यू होराईजन रुपन्देहीले एक्स आर्मी स्कुल नवलपरासीलाई ४–१ गोल अन्र्तरले पराजित गदै विजयी सुरुआत गरेको छ । खेलको १० औ मिनेटमा न्यू होराईजनका लागी रोशन गुरुङले गोलको खाता खोले भने १६ औ मिनेटमा एलन थापाले, ३० औ मिनेटमा रोशन गुरुङ र दामोदर थपाले ३४ औ  मिनेटमा गोल गदै क्वाटरफाइलनको यात्रा सुनिश्चित गरे । यता एक्स आर्मीका तर्फबाट शुभम गुरुङले  खेलको २३ औ मिनेटमा एक मात्र सान्त्वना गोल गरे ।
दोस्रो खेलमा भवानी उच्च मावि गोर्खाले शिव उच्च मा.वि.नवलपरासीलाई ३–०गोल अन्र्तरले पराजित गदै क्वाटरफाइनलको यात्रा पक्का गरेको छ । भवानीको जितमा महेश गिरीले ४० औ, आशिष खरेलले ४३ औ र विकास नेपालीले ४६ औ मिनेटमा गोल गदै जित दिलाए ।
तेस्रो खेलमा खैरेनी उच्च मा.वि खैरेनीटारले न्यू होराईजन पाल्पालाई १–० गोलको अन्र्तरले पराजित ग¥यो । निकै प्रतिस्पधात्मक खेलको ५५ औ मिनेटमा खैरेनी उमाविका सिद्धार्थ गुरुङले गरेको गोल नै निर्णायक बनेपछि क्वटारफाइनलको यात्रा तय गर्न सफल भयो । प्रतियोगिता अन्र्तगत आइतबार पनि चार खेल हुने छन् । यसअधि प्रतियोगिताको उद्घाटन अखिल नेपाल फुटबल संघ (एन्फा) केन्द्रीय सदस्य गणेशबहादुर भटराईले गर्नु भएको थियो । उद्घाटनमा बोल्दै भटराईले विद्यलायस्तरमा लुकेर रहेका खेलाडिहरुको प्रतिभाहरुलाई बाहिर ल्याउने अवसर मिल्ने बताउनु भयो । प्रतिभावन खेलाडिले आफनो क्षमता प्रर्दशन गर्न पाउने र एन्फाले पनि क्षमतावान खेलाडि छनोट गर्न पाउने भएकाले यस्ता प्रतियोगिताले खेलकुदको विकासमा सहयोग पुयाउने विश्वास उहाँले ब्यक्त गर्नु भयो ।
एन्फा कास्कीका अध्यक्ष गोपिबहादुर भटराईको अध्यक्षतामा सम्पन्न उद्घाटन कार्यक्रममा उपाध्यक्ष धर्मरबहादुर लामिछाने र सचिव ओम बस्नेतले बोल्नु भएको थियो ।
भदौ १८ गते सम्म संचालन हुने प्रतियोगितामा पश्चिमाञ्चलका नौ जिल्लाका छात्र ११ र छात्रा ४ टिम गरि १५ टिमको सहभागिता रहेको छ । प्रतियोगिता अन्र्तगत छात्रा तर्फको खेल भदौ १७ गतेबाट सुरु हुने एन्फा कास्कीका महासचिव राजन पौडेलले जानकारी दिनु भयो ।
प्रतियोगितामा छात्र तर्फ विजेता र उपविजेता तथा छात्रा तर्फ विजेताले काठमाडौमा हुने सर्वाधिक राशीको कोकाकोला राष्ट्रिय विद्यालय छात्र/छात्रा फुटबल प्रतियोगितामा पश्चिमाञ्चलको प्रतिनिधित्व गर्ने अवसर पाउने छन् । काठमाडौमा हुने अन्तिम प्रतिस्पर्धामा विजेताले चार लाख र उपविजेताले २ लाख रुपैयाँ सहित कप, मेडल र प्रमाणपत्र प्राप्त गर्ने छन् ।

Upload Photo by:Google

नविल बैकको रक्तदानमा ४० यूनिट रगत संकलन

पोखरा, भदौ १५ गते
पोखरामा रगतको अभाव भैरहेको बेला नविल बैकं लिमिटेडको २९ औ बार्षिकोत्सवको अवसरमा शनिबार पोखरामा रक्तादान कार्यक्रम सम्पन्न गरेको छ ।
 नविल बैंक कर्मचारी संघले आयोजना गरेको रक्तदान कार्यक्रममा ४० यूनिट रगत संकलन भएको छ । रक्तदान कार्यक्रमको प्रमुख अतिथि डा भोजराज न्यौपानेले डा.चण्डीका पण्डीतलाई ब्लड ब्याग हस्तान्तरण गरि उद्घाटन गर्नुभएको थियो । कार्यक्रममा प्रमुख अतिथि न्यौपानेले रक्तादन गर्नु शरिरको लागी फाइदाजनक  हुने र खेर जाने रगत दान गरेर अरु कसैको जिवन रक्षा गरे पुण्य कमाउन सकिने बताउनु भयो । नविल बैकं लि.पोखरा शाखाका सहायक शाखा प्रवन्धक सूर्यबहादुर रोकाको सभापतित्वमा सम्पन्न कार्यक्रममा माधव बस्ताकोटीले स्वागत र संचालन कार्यक्रम संयोजक समुन्द्र देवकोटाले गर्नु भएको थियो । रक्तदान कार्यक्रममा पोखरामा रहेका दुवै शाखाका कर्मचारीहरुको सहभागिता रहेको थियो भने रक्त संचार केन्द्रले प्राविधिक रहयोग गरेको थियो ।

पुल बनाउने सामानहरु चोरी गर्ने पक्राउ

 पोखरा, १४ भाद्र ,मिति २०७०/५/९गते राती जि. कास्की पुरन्चौर गा.वि.स. वडा नं. ७ र घाचोक गा.वि.स. वडा नं. १ जोडने सेती नदीको पुल निर्माण गर्ने पुरन्चौर घाचोक माछापुच्छ्रे सडक खण्ड अन्र्तगतको  ट्रष्ट ओभर हेड मोटर व्रिज कन्ट्रक्सनको पम्सेटको ईम्पेलर थान २, सो को टुक्रा ४, मिक्सचरको कुल्लीको डण्डी थान १, सो डण्डीको साचो १ थान, विभिन्न साईजका डण्डीका फलामे रडहरु १९४ थान, २९ थान पाईप, फलामे विल्जा १ र फलामे प्वाल पाईप थान ३४ चोरी भएको घट्ना सम्बन्धमा संलग्न व्यक्तिहरुको खोजतलास भईरहेको अवस्थामा आज मिति २०७०।५।१४ गते जि. कास्की पोखरा ४ गणेशटोल स्थित कवाडी सेन्टरमा विक्री वितरण गर्दा गर्दैको अवस्थामा जि. कास्की पुरन्चौर गा.वि.स. वडा नं. ८ बस्ने वर्ष १९ को देवेन्द्र बि.क.लाई चोरी भएको सामानहरु सहित पक्राउ गरिएको छ । उक्त सामानहरु किन्ने कवाडीको प्रो. हरि शंकर जैसवाललाई समेत पक्राउ गरिएको छ । पक्राउमा परेका व्यक्तिहरुलाई अनुसन्धान एवं कारवाही  भईरहेको छ ।
मिति: २०७०/५/१४ गते 
जिल्ला प्रहरी कार्यालय कास्की
District Police Office Kaski, Pokhara

Zipflyer Nepal Pokhara डेड महिना पछि जिप फ्लाएर सन्चालनमा, पोखरामा पनि बन्जीजम्प

 

सागर राज तिमिल्सिना
Ganthan.com
पोखरा, १४ भाद्र /अफ्सिजन लागेर बन्द भएको पोखरामा जिप फ्लाएर आइतबारबाट सन्चालनमा आउने भएको छ । स्वदेशि तथा विदेशी पर्यटकलाई लक्ष्ति गरेर हाईग्राउण्ड एड्भेन्चर्सले पोखरामा सन्चालनमा ल्याएको जिप फ्लाएर आइतबारबाट सन्चालनमा आउन लागेको कम्पनीका अप्रेसन प्रमुख दिनेश मर्हजनले जानकरी दिए । साउनबाट अफ्सिजन र कर्मचारीको विदाका लागी बन्द गरेको मर्हजनले बताए । मर्हजनले भने चार्ड पर्व र अन्य समयमा कुनै पनि बेला कर्मचारीलाई विदा नहुने हुदा विदाका लागी पनि बन्द गरेको हो ।

उनले पर्यटकीय सिजन शुरु हुन थालेका कारण सन्चालन गर्न लागेको बताए । उनले दश महिनाको सन्चाल अवधीमा स्वदेशी र विदेशी गरि करिब ५ हजार पर्यटकले जिप फ्लाएरको मजा लिइ सकेका छन् । पर्यटन प्रर्बद्धन संगै व्यापार गर्ने उद्देश्यले नेपालमै पहिलोपटक तीन जना युवा मिलेर एड्भेन्चर मन पराउने पर्यटकहरुलाई लक्षित गर्दै ‘जिप फ्लाएर’ संचालनमा ल्याएको थियो । भरत गोल्छा, शरद गोल्छा र अभिनव तिरुवाल मिलेर करिब १३ करोड रुपैया लागतमा अघिल्लो वर्षको असोजबाट सन्चालमा आएको थियो ।
सराङकोटको टुप्पोबाट हेमजा गाविसको याम्दी सम्म जिप फ्लाएरकै लागी केबल तानिएको छ । सराङकोटको डाँडाबाट २ हजार फिट तल हुईकिँदै करिब १ मिनेट ३० सेकेन्डमा हेम्जासम्म आईपुग्ने गरि बनाईएको जिप फ्लाएर संसारकै सबैभन्दा लामो र अग्लो भएको कम्पनीले दाबी छ । अत्याधुनिक प्रविधिको प्रयोग गरेर निर्माण गरिएको जिप फ्लाएरमा जिपिङको अनुभव लिनका लागी नेपालीहरुले ३ हजार ८ सय ५० रुपैँया तिर्नुपर्छ भने विदेशी पर्यटकहरुले पाँच हजार ८ सय ९० रुपैँया तिर्नुपर्छ ।

म्याग्नेटिक ब्रेकिङ सिस्टम भएको जिप फ्लाएरमा पुर्णतया लक गरिएको केबल प्रयोग भएका कारण कुनै दुर्घटनाको डर भएको कम्पनीको दावी छ । समुद्री सतहबाट पाँच हजार ३२ फिट अग्लो रहेको सराङकोटबाट ३ हजार फिट तल झर्नका लागी जिप फ्लाएरबाट झर्न बढिमा २ मिनेट लाग्ने गर्दछ । यसमा गोल्छा अर्गनाइजेसन र मंगलम समुहको लगानी रहेको छ । नेपाल आउने पर्यटकमध्ये ६० प्रतिशत पर्यटकहरु पोखरा र अन्नपूर्ण पदयात्राका लागि आउने गरेका छन् । पर्यटकको लागि जिप फ्लायर नयाँ गन्तव्य समेत बनेको कम्पनीको दावी छ ।
पोखरमा पनि बन्जीजम्प
पोखरामा जिप फ्लायर सन्चालन गरेको हाईग्राउण्ड एड्भेन्चर्सले कास्कीको हेम्जामा बन्जीजम्प सन्चालन गर्ने भएको छ । जिप फ्लायर सन्चालन भएकै ठाउँमा बन्जीजम्प सन्चालन गर्न लागएको । अग्लो डाडाँ रहेको जिप फ्लायर नजिकैबाट तल खोलामा बन्जीजम्प गर्न मिल्लने गरि काम शुरु गरेको छ । करिब ५५ मिटर अग्लो ठाउँबाट बन्जीजम्प गर्न मिल्ले गरी काम अगाडी बढि रहेको र करिब दुई महिनामा सन्चालमा आउने कम्पनीको दावी छ ।