Zipflyer Nepal Pokhara डेड महिना पछि जिप फ्लाएर सन्चालनमा, पोखरामा पनि बन्जीजम्प

 

सागर राज तिमिल्सिना
Ganthan.com
पोखरा, १४ भाद्र /अफ्सिजन लागेर बन्द भएको पोखरामा जिप फ्लाएर आइतबारबाट सन्चालनमा आउने भएको छ । स्वदेशि तथा विदेशी पर्यटकलाई लक्ष्ति गरेर हाईग्राउण्ड एड्भेन्चर्सले पोखरामा सन्चालनमा ल्याएको जिप फ्लाएर आइतबारबाट सन्चालनमा आउन लागेको कम्पनीका अप्रेसन प्रमुख दिनेश मर्हजनले जानकरी दिए । साउनबाट अफ्सिजन र कर्मचारीको विदाका लागी बन्द गरेको मर्हजनले बताए । मर्हजनले भने चार्ड पर्व र अन्य समयमा कुनै पनि बेला कर्मचारीलाई विदा नहुने हुदा विदाका लागी पनि बन्द गरेको हो ।

उनले पर्यटकीय सिजन शुरु हुन थालेका कारण सन्चालन गर्न लागेको बताए । उनले दश महिनाको सन्चाल अवधीमा स्वदेशी र विदेशी गरि करिब ५ हजार पर्यटकले जिप फ्लाएरको मजा लिइ सकेका छन् । पर्यटन प्रर्बद्धन संगै व्यापार गर्ने उद्देश्यले नेपालमै पहिलोपटक तीन जना युवा मिलेर एड्भेन्चर मन पराउने पर्यटकहरुलाई लक्षित गर्दै ‘जिप फ्लाएर’ संचालनमा ल्याएको थियो । भरत गोल्छा, शरद गोल्छा र अभिनव तिरुवाल मिलेर करिब १३ करोड रुपैया लागतमा अघिल्लो वर्षको असोजबाट सन्चालमा आएको थियो ।
सराङकोटको टुप्पोबाट हेमजा गाविसको याम्दी सम्म जिप फ्लाएरकै लागी केबल तानिएको छ । सराङकोटको डाँडाबाट २ हजार फिट तल हुईकिँदै करिब १ मिनेट ३० सेकेन्डमा हेम्जासम्म आईपुग्ने गरि बनाईएको जिप फ्लाएर संसारकै सबैभन्दा लामो र अग्लो भएको कम्पनीले दाबी छ । अत्याधुनिक प्रविधिको प्रयोग गरेर निर्माण गरिएको जिप फ्लाएरमा जिपिङको अनुभव लिनका लागी नेपालीहरुले ३ हजार ८ सय ५० रुपैँया तिर्नुपर्छ भने विदेशी पर्यटकहरुले पाँच हजार ८ सय ९० रुपैँया तिर्नुपर्छ ।

म्याग्नेटिक ब्रेकिङ सिस्टम भएको जिप फ्लाएरमा पुर्णतया लक गरिएको केबल प्रयोग भएका कारण कुनै दुर्घटनाको डर भएको कम्पनीको दावी छ । समुद्री सतहबाट पाँच हजार ३२ फिट अग्लो रहेको सराङकोटबाट ३ हजार फिट तल झर्नका लागी जिप फ्लाएरबाट झर्न बढिमा २ मिनेट लाग्ने गर्दछ । यसमा गोल्छा अर्गनाइजेसन र मंगलम समुहको लगानी रहेको छ । नेपाल आउने पर्यटकमध्ये ६० प्रतिशत पर्यटकहरु पोखरा र अन्नपूर्ण पदयात्राका लागि आउने गरेका छन् । पर्यटकको लागि जिप फ्लायर नयाँ गन्तव्य समेत बनेको कम्पनीको दावी छ ।
पोखरमा पनि बन्जीजम्प
पोखरामा जिप फ्लायर सन्चालन गरेको हाईग्राउण्ड एड्भेन्चर्सले कास्कीको हेम्जामा बन्जीजम्प सन्चालन गर्ने भएको छ । जिप फ्लायर सन्चालन भएकै ठाउँमा बन्जीजम्प सन्चालन गर्न लागएको । अग्लो डाडाँ रहेको जिप फ्लायर नजिकैबाट तल खोलामा बन्जीजम्प गर्न मिल्लने गरि काम शुरु गरेको छ । करिब ५५ मिटर अग्लो ठाउँबाट बन्जीजम्प गर्न मिल्ले गरी काम अगाडी बढि रहेको र करिब दुई महिनामा सन्चालमा आउने कम्पनीको दावी छ ।

मृत शव फेला परेको- Dead bodies Found

उपरोक्त सम्बन्धमा मिति २०७०।०५।०९ गते दिन जि।कास्की पोखरा उ।म।न।पा।वडा नं।(१७ महतगौडा स्थितमा रहेको सेतीको नहरमा नामथर वतन नखुलेको अ।३५।४० बर्षको अ। ५।५ फिट उचाई भएको शरिरमा कपडा नभएको शरिर सबै फुल्लिई नचिन्निने अवस्थामा रहेको दाहिने हातको माझी औलामा निलो पत्थर भएको पित्तल जस्तो देखिने पंहेलो रङको औठी लगाएको शव फेला पारी घट्नाको प्रारम्भिक अनुसन्धान प्रकृया पुरा गरी पोष्टमार्टमको लागी पश्चिम क्षेत्रीय अस्पतालमा रहेको छ । मृत शवको पहिचानको लागी मिडिया द्वारा प्रचार प्रशारण गरी दिनु हुन अनुरोध गरिन्छ ।
मिति २०७०।०५।१२ गते ।                     
जिल्ला प्रहरी कार्यालय कास्की ।

District Police Office Kaski, Pokhara.

पोखरामा गौरा पर्व-Pokhara News-Nepal

पोखरा समाचारदाता

पोखरा, भदौ १२ गते । सुदुर पश्चिम सम्पर्क एव्म विकास समाज पोखराले आज विशेष कार्यक्रमका साथ गौरा पर्व मनाएको छ । सुदुर पश्चिमबाट पोखरा आई  विभिन्न पेशा व्यवसायमा रहेका सुदुर पश्चिम बासीहरुले साँस्कृतिक एव्म धार्मिक पर्वको रुपमा यसलाई विगतको वर्षहरुदेखि पोखरामा पनि मनाउदै आएका छन् ।
महिला आमा, दिदीबहिनद्धारा पार्वतीको पुजा गरी कार्यक्रम उद्घाटन गरिएको थियो । पञ्चमीको दिनमा ५ थरीका गेडागुडी बिझाए पछि यो पर्व सुरु भएको मानिन्छ । विशेष त पार्वती र महेश्वरको पुजा हुने यो पर्वमा महिलाहरुले आफ्नो पतिको दीघायुको कामना गर्ने र अन्य परिवार जनको सुख शान्ति एवम् दीघायुको साथै उन्नति र प्रगतिको कामना गर्ने चलन छ र गौरा पर्वले सबैको चाहना पुरा गर्ने धार्मिक विश्वास छ । विशेष त भखरै विवाह भएका महिलाहरुले गौरा पर्वलाई महत्वका साथ लिने गर्दछन् ।
पोखरा विश्वविद्यालयका उपकुलपति प्रध्यापक खगेन्द्र भट्टराईले उद्घाटन गर्दै सस्कृतिमा विकृत आउन नहुने बताउनु भयो । उहाँले देश भुगोलमा मात्र सिमित हुने होइन कला, साहित्य, धर्म संस्कृति नै राष्ट्रको मेरोदण्ड भएको बताउनु भयो ।  उपकुलपति भट्टराईले हरेक चाँड पर्वले हामी नेपालीहरुलाई भातृत्वको विकास गराउने उल्लेख गराउनु भयो । कार्यक्रममा कास्कीका साहयक प्रमुख जिल्ला अधिकारी अर्जुन कुमार शर्माले पर्वका नाममा विकृति जन्मिएको बताउदै देउडा गीतमा त्यस्तो विकृति नपाएको उल्लेख गर्नु भयो ।
समाजका अध्यक्ष राजेश कुमार ठकुराठीको अध्यक्षतामा सम्पन्न सो कार्यक्रममा अन्तर समाज संजालका अध्यक्ष निलकण्ठ शर्मा, त्यसै गरी आयोजक संस्थाका सल्लाहाकार जयदेव विष्ठ लगायतले सुदुर पश्चिमको कला र संस्कृतिको बारेमा बोल्नुभएको थियो । रेडियो बाराही अफिसियल मिडियाका रुपमा रहेको थियो । नेपाल पर्यटन बोर्डको सवालमा सम्पन्न सो कार्यक्रममा डेउडा गायकगायिकाहरु महेश कुमार औजी, पुष्प बोहोरा लगायतले सुदुर पश्चिम छ स्वर्ग सरी भन्ने गीत लगायत अन्य डेउडा गीतहरु प्रस्तुत गर्नु भएको थियो । सहभागी अधिकाम्स युवायुवतीहरु देउडाको धुनमा समुहवद्ध भएर नाचेका थिए ।

चोरी गरी लगेको मोटरसाईकल फेला परेको / फरार रहेका अभियूक्तहरु पक्राउ

१)    २०६९।१२।२७गते राती ९:४५ बजेको समयमाजि. कास्कीपोखरा ६ लेकसाईड ओजन डिस्को अगाडि पोखरा ८ नयाँबजार बस्ने हिमाल गुरुङ्गलाई बियरको बोतलले टाउकोमा प्रहार गरी सख्त घाईते तुल्याई फरार रहेकाजि. कास्कीपोखरा ३ नदीपुर बस्ने वर्ष २१ को भाई कुन्जे भन्ने विश्वास गुरुङ्गलाई खोजतलास गर्दै जाँदा मिति २०७०।५।७ गते लेकसाईडबाट पक्राउ गरि अनुसन्धान कारवाही भईरहेको छ ।
२)    पोखराको लेकसाईडमा खुकुरी प्रहार गरी फरार रहेका पोखरा १५ नयाँगाउँ बस्ने वर्ष १६ को सक्षम गुरुङ्गलाई मिति २०७०।५।८ गते घले चोकबाट पक्राउ गरी कारवाही अनुसन्धान भईरहेको छ ।

चोरी गरी लगेको मोटरसाईकल फेला परेको

१)    मिति २०७०।५।८ गते २२:३० बजेको समयमा ग.५.प. ५१७३ नं. को १२५ सिसि को होण्डा साईन मोटरसाईकल आदर्श समाज राष्ट्रिय दैनिकको कार्यालयबाट हराएकोमा खोजतलास गर्दै जाँदामिति २०७०।५।९ गते बिहान विरौटा स्थित शिसु निकेतन स्कूलको चौरमा वेवारिसे अवस्थामा फेला परेको छ । मोटरसाईकल चोर्ने मानिसको सम्बन्धमा खोजतलास एवं अनुसन्धान भईरहेको छ ।

२)    मिति २०७०।५।६गते बेलुका जि. कास्की पोखरा १५ स्यानी पाटनमा आफनै घर कम्पाउण्डको तालाफोरी ग.८.प.३०८२ नं.को डिपो स्कुटर हराएको भनि जिल्ला ट्राफिक प्रहरी कार्यालयमा जानकारी प्राप्त हुनासाथ प्रहरीको सक्रियताको साथ खोजतलास गर्दै जाँदा मिति २०७०।५।८ गते पोखरा महतगौडा भन्ने स्थानमा फेलापारी सम्बन्धित स्कूटर धनी रामबहादुर मल्ललाई बुझाईएको । स्कूरटर चोरी गर्ने व्यक्तिको खोजतलास एवं अनुसन्धान कार्य भईरहेको छ ।

मिति : २०७०।५।९गते ।
जिल्लाप्रहरी कार्यालय, कास्की । 

District Police Office Kaski, Pokhara

Hearing of Shanti Path Road Construction-शान्तिपथ उपभोक्ता समितिको सार्बजनिक सुनुवाई सम्मन्न

भाद्र ३ गते सोमबारका दिन पोखरा उप महा नगरपालिका वडा नं १० स्थित शान्तिपथ सडक निर्माण उपभोक्ता समितिले सडकको दायां बायां २०६/२०६ मिटर गरी जम्मा ४१२ मिटर नाला निर्माण को काम सम्पन्न गरी सार्बजनिक सुनुवाई गरेको छ।निर्माण कार्य पो. उ.म. न. पा.को ६० प्रतिशत र उपभोक्तहरुको जनसहभागिता को ४० प्रतिशत गरी सम्पन्न भएको थियो।नगरपालिकाको लगत ईस्टिमेट अनुसार जम्मा १४०३४००/चौध लाख तिन हजार चार सय मात्र भएको कार्य प्रतिकुल मौसम र कार्य प्रकृतिका कारण उक्त नाला निर्र्माण कार्य रु १५०५३२८/पन्ध्र लाख पांच हजार तिन सय अठ्ठाईस मा सम्पन्न भएको व्यहोरा सार्बजनिक सुनुवाईमा जानकारी गराईएको थियो।      
उक्त सुनुवाईमा नगरपालिकाको प्रतिनिधि को रुपमा वडा नं १० का सचिव नवराज थापा,प्रा.डा. कृष्ण के.सी,अमरसिंह उ मा वि व्यवस्थापन समितिका अध्यक्ष विश्व प्रकाश लामिछाने, पूर्व वडाध्यक्ष फत्त बहादुर गुरुङ्ग,पूर्व क्षेत्रिय शिक्षा निर्देशक योगेन्द्र बहादुर बस्नेत लगायत सरोकार वाला महानुभावहरुको उपस्थिति थियो।
सरोकारवालाहरुको आम भेलामा उपभोत्ता समितिका कोषाध्यक्ष कमला थापाले अर्थिक प्रतिवेदन र अध्यक्ष हितराज शर्माले सम्पूर्ण कार्यको विवरण प्रस्तुत गर्नुभएको थियो भनि समितिका सह सचिव पुष्प कमल पौडेलले जानकारी दिनुभयो।