समाज कल्याण समिति कास्कीद्वारा ‘गणेश बचाउ अभियान’को प्रारम्भ

Ganesh Bhujel गणेश बचाउ अभियान’को प्रारम्भ

       समाज कल्याण समिति कास्की पोखराको विशेष साधारणसभा समितिका अध्यक्ष बालाकृष्ण शर्माको अध्यक्षतामा सम्पन्न भयो । सो सभामा पोखरा उपमहानगरपालिका वडा नं.१० बसोबास गर्ने समितिका सदस्य एवम् ट्याक्सी व्यवसायी समिति पोखराका सचिव तथा भुजेल सेवा समितिका सदस्य गणेश बहादुर भुजेलको मुटु एवम् दुवै किड्नी विग्रन गई जीवन र मरणको दोसाँधमा रहेको अवस्थामा निजको जीवनरक्षाको निमित्त विशेष साधारणसभाको आयोजना गरिएको थियो ।
       सो सभामा लायन्स क्लव अफ पोखरा युनाइटेड चौतारी, भुजेल सेवा समिति, युनाइटेड क्लव अमरसिंहचोक एवम् विभिन्न टोल विकास संस्था तथा आमा समूहहरुको पहलमा “गणेश बचाउ अभियान” सहयोग समिति डा.कृष्ण के.सी.को संयोजकत्वमा गठन गरियो । सो समितिको सदस्य सचिव पुष्पकमल पौडेल एवम् सदस्यहरुमा रामजी कार्की, शान्ता थापा, परशुराम पौडेल, सूर्यबहादुर बानिया र अम्मरबहादुर थापा रहनुभएको छ ।

Dead Body Found in Different places in Pokhara (मृत शवहरु फेला)

                                                            मृत शवहरु फेला परेको

१)              मिति २०६९।३।८ गते ३:३० बजेको समयमा जि. कास्की पोखरा उ.म.न.पा. वडा नं. १२ माछापोखरीमा पौडी खेल्ने क्रममा जि. स्याङजा रामबाच्छा घर भई हाल उक्त स्थानमा बस्ने तेज बहादुर नेपालीको छोरा वर्ष ६/७ को विवेक नेपाली पानीमा डुवी मृत्यु भएको, लास गण्डकी अस्पतालमा पोष्टमार्टमको लागि राखिएको ।

२)              पोखरा उ.म.न.पा. वडा नं. १७ रातोपैह म्युजियम अगाडि अं. ४०/४५ जतिको पुरुष व्यक्ति पानीमा तैरिएको अवस्थामा छ भन्ने ३:१५ बजेको समयमा यस कार्यालयमा खवर प्राप्त हुनासाथ यस कार्यालय तथा वडा प्रहरी कार्यालय बैदामबाट अनुसन्धान टोली र प्रहरीको Rescue सहितको टोली खटिई गई शव निकाल्ने कार्य भईरहेको ।

मोटरसाईकल चोरी गर्ने पक्राउ

 १) पोखरा उप.म.न.पा. वडा नं. ६  लेकसाईडबाट मिति २०६९।२।२८ गते १ दिनको लागि  भाडामा भनी मोटरसाईकल लिई हाल सम्म फरार रहेको अवस्थामा खोजतलासको  क्रममा  निम्न नं.का मोटरसाईकलहरु र मानिसलाई मिति २०६९।३।५ गते काठमाण्डौबाट पक्राउ  गरिएको र निजहरुको सम्बन्धमा अनुसन्धान कार्य भईरहेको ।

(क) ईन्जिन नं.DJWBTG-72272 च्यासिस नं.MD2DHDJLTCG-32036 भएको रातो रंगको १८०  सि. सि. को बजाज नं. को ग.६.प. १६३२ नं. उल्लेख भएको पल्सर मोटरसाईकल ।

(ख) ईन्जिन नं.DGG3PM.23098, च्यासिस नं.MD2DMDJZZPCM-16453 भएको कालो रंगको, १८० सि.सि.  को बजाज कम्पनीको ग.४.प. २६१६ नं. उल्लेख भएको पल्सर मोटरसाईकल ।

पक्राउमा परेका व्यक्ति :
१) जि. कास्की चापाकोट गा.वि.स. वडा नं. ६ बस्ने वर्ष २८ को एम भन्ने राज कुमार थापा ।

•  ट्रक दुर्घटना:

१) पोखरा उप.म.न.पा. वडा नं. १५ फलेपाटन घुम्तीमा १४ः४५ बजेको समयमा ग.१.ख. १५१३  नं. को ट्रक घुम्तीबाट १४।१५ मिटर तल खस्न जाँदा सोही ट्रक चालक  र हेल्पर घाईते भई  गण्डकी अस्पतालमा उपचार भईरहेको ।

(क) चालक: जि. खोटाङ्ग बोपुन ८ घर भई पोखरा ९ न्यूरोड बस्ने वर्ष ३९ को किशोर बस्नेत

(ख) हेल्पर : जि. पर्वत ठापाठान ७ घर भई पोखरा ७ रत्नचोक बस्ने वर्ष १७ को सुरज थापा ।

• फरार प्रतिवादीहरु पक्राउ:

१) लागू औषध बुप्रिनर्फिन र ब्राउन सुगर  मुद्धामा फरार रहेका  प्रतिवादी जि. कास्की निर्मलपोखरी बस्ने  वर्ष २५ को प्रताप राना मगरलाई मिति २०६९।३।४ गते र जि. कास्की पोखरा उ.म.न.पा. – १७ रातो पैरो बस्ने वर्ष ३५ को कृष्ण थापालाई मिति २०६९।३।५ गते वडा प्रहरी कार्यालय बैदामबाट खटिएको प्रहरी टोलीले पक्राउ गरी कास्की जिल्ला अदालत बुझाईएको ।
 

National Resources public right Conservation Committee of Nepal Vital eye on (राष्ट्रिय सम्पदा तथा जनअधिकार संरक्षण समिति नेपालको गम्भीर ध्यानाकर्षण)

      फेरिपनि आएको वर्षे बाढीले सेती नदीको धार परिवर्तनका कारण हेमजामा ९ घर परिवार विस्थापित भई पोखरा–बाग्लुङ राजमार्ग (भूपि शेरचन राजमार्ग) समेत जोखिममा पर्न गएकोमा राष्ट्रिय सम्पदा तथा जनअधिकार संरक्षण समिति नेपालको गम्भीर ध्यानाकर्षण भएको एक प्रेस विज्ञप्ति मार्फत जनाएको छ ।
      महासचिव रामबहादुर पौडेलद्वारा हस्ताक्षरित उक्त विज्ञप्तिमा सेती नदीको पश्चिमी धार परिवर्तनलाई पुनः पूर्वतर्फ फर्काइ (गिट्टी–बालुवा उत्खनन् गरी बिक्री गर्न थुपारी राखिएको पूर्वी भाग) थप जनधन र भुपि शेरचन राजमार्गलाई जोखिमबाट रोक्न एवं पीडित परिवारलाई सुरक्षित बसोबासको तत्काल व्यवस्था गर्न प्रशासनिक निकायको ध्यान जाओस् भनि जोडदार माग गरिएको जनाइएको छ ।

Kefs Parents Day Pokhara-1(करुणानिधिको वार्षिकोत्सव सम्पन्न)

Kefs Parents Day Pokhara-1(करुणानिधिको वार्षिकोत्सव सम्पन्न)

       पोखराको बगरस्थित केफ उच्च माध्यमिक विद्यालयमा उच्च मा.वि.तहको अभिभावक दिवस तथा कक्षा १२ को विदाई कार्यक्रम एक समारोह बीच मंगलबार सम्पन्न भयो ।
राष्ट्रिय पहिचान बोकेको राष्ट्रिय गानबाट सुरु भएको कार्यक्रमको उद्घाटन प्रमुख अतिथि जिल्ला शिक्षा अधिकारी चोलाकान्त भुषालबाट भएको थियो । कक्षा ११ र १२ का विद्यार्थीहरुले कार्यक्रममा विभिन्न नृत्यहरु प्रस्तुत गरिएका थिए । कार्यक्रमका मुख्य आकर्षणका रुपमा अ केस स्टडी अन इन्ड्रस्टियल डिभलवमेन्ट एन्ड इम्प्याक्ट अन सोसाइटी शीर्षकमा प्रोजेक्ट प्रस्तुतीकरण गरिएको थियो । यसमा प्रिस्का गुरुङ, हरिकृष्ण सुनार, लक्ष्मी पौडेल, अन्जु सुवेदी, प्रविना त्रिपाठी र आश्विन अधिकारी रहेका थिए ।
कार्यक्रममा १०+२ का विविध गतिविधिहरु सहितको प्रतिवेदन प्राचार्य डिल्लीराम अधिकारीले प्रस्तुत गरे पछि कार्यक्रमलाई मनोरन्जनात्मक बनाउने उद्देश्यले सह–प्राचार्य भानुभक्त पोख्रेलको लेखन तथा डुकप्रसाद पौडेलको निर्देशनमा ‘कर्मको फल’ एकाङ्की मञ्चन गरिएको थियो । एकाङ्कीका पात्रहरुमा उज्ज्वल अधिकारी प्रकाश नेपाली, थमन गुरुङ, आशिष सुवेदी, कानुन लामिछाने, पत्रिका सुवेदी, सङ्कर कुँवर र सुनिल पोख्रेल रहेका थिए ।
यसै अवसरमा कक्षा १२ उत्तीर्ण गरेका विद्यार्थीहरुलाई मायाको चिनोले सम्मान गरिएको थियो । कार्यक्रममा अभिभावक प्रतिनिधि नवराज भण्डारी, शिक्षक अभिभावक संघ प्रतिनिधि वसन्त गौतम, सल्लाहकार समितिका तर्फबाट पूर्णबहादुर श्रेष्ठ, सम्मानित अतिथिज्यूहरुबाट नेपाल राष्ट्रिय शिक्षक युनियन कास्कीका अध्यक्ष जगन्नाथ अधिकारी र प्रमुख अतिथिले आफ्नो मन्तव्य राखेका थिए । प्रमुख अतिथि जिल्ला शिक्षा अधिकारीले विद्यालयका विविध क्रियाकलापको प्रसंसा गर्दै विद्यालय, अभिभावक व्यवस्थापन समितिको समन्वयमा अगाडि बढ्नु पर्ने धारणा व्यक्त गरेका थिए ।
सहायक प्राचार्य भानुभक्त पोख्रेल छात्रा प्रिस्का गुरुङ, वृन्दा गुरुङ, छात्र अदिप गुरुङ र शङ्कर कुँवरको सञ्चालनमा कार्यक्रममा पूर्णबहादुर राना र शशीधर बराल प्रविधिमा रहेको जानकारी सह–क्रियाकलाप संयोजक रेशमप्रसाद ढकालले दिए ।