फेवाताल संरक्षण समितिका अध्यक्ष हेमराज पहारीकोउपचारका क्रममा काठमाण्डौमा निधन

पोखरा,  १८ फागुन

 हिजो दिउँसो मोटरसाइकल दुर्घटनामा परी घाइते हुनुभएका फेवाताल संरक्षण समितिका अध्यक्ष हेमराज पहारीको उपचारका क्रममा काठमाण्डौमा निधन भएको छ । र्सवदलिय फुट ट्रयाक निर्माण समितिका पनि अध्यक्ष रहनुभएका पहारीलाई हिजो बिजयपुर स्थित सेनाको पश्चिम पृतना अगाडी मोटरसाइकलले ठक्कर दिएको थियो । फुट ट्रयाक निर्माणका लागि लेकसाइडको रत्नमन्दिरको जग्गा पनि प्रयोग गर्ने संबन्धमा पृतना स्थित नेपाली सेनाका अधिकारीहरु सँग छलफल गरेर आउने क्रममा उहाँलाई मोटरसाइकलले ठक्कर दिएको हो । मोटरसाइकलको ठक्करपछि, चरक अस्पताल पुर्‍याइएको थियो । चरक अस्पतालका चिकित्सकले चार घण्टा भित्र अप्रेशन गरेमा, ज्यान जोगिने संभावना रहेको वताएपछि, पहारीलाई तत्काल हेलिकप्टरबाट उपचारका लागि काठमाण्डौ स्थित न्युरो अस्पताल पुर्‍याइएको थियो । टाउकोमा रगत जमेर अवस्था गम्भिर रहेका पहारीको उपचारकै क्रममा आज बिहान दुइ बजे निधन भएको थियो ।