अवैध घरेलु मदिरा नष्ट गरिएको - Local Alcohol Seized

 मदिरा सेवन गरेको कारणबाट समाजमा झै–झगडा,  घरायसी विवाद, कुटपिट, घरेलु हिंसा, सवारी दुर्घटना जस्ता घट्नाहरु घट्न जानुको साथै सेवनकर्ताहरु विभिन्न किसिमका अपराधहरुमा समेत संलग्न हुने गरेको पाईएकोले यस कार्यालयबाट सामाजिक विकृत्तिहरु नियन्त्रण गर्ने क्रममा अभियानको रुपमा नै संचालन गरिएको घरेलु मदिरा नष्ट गर्ने अभियान अन्र्तगत आज मिति २०७०।१।४ गते निम्न स्थानहरुबाट निम्न परिणाममा अवैध घरेलु मदिरा बरामद गरी आवश्यक अनुसन्धान भईरहेको र थप कारवाहीको लागि आन्तरिक राजस्व कार्यालयमा पठाईने । 

: निम्न:

१) पोखरा ८ जाल्पारोड स्थित विभिन्न स्थानबाट घरेलु रक्सी बनाउने कच्चा पदार्थ ५३ ड्रम, १२० लिटर घरेलु   रक्सी, रक्सी बनाउने भाडा १ सेट र २ जना पुरुष र १ महिलालाई पक्राउ गरिएको । 

२) पोखरा १० र ११ स्थितका विभिन्न स्थानबाट घरेलु रक्सी बनाउने कच्चा पदार्थ३१०० लिटर, घरेलु रक्सी २६० लिटर र ९ जना मानिसलाई पक्राउ गरिएको । 

३) पोखरा १७ सिमलटुडा बाट घरेलु मदिरा बनाउने कच्चा पदार्थ १० ड्रम । 

४) पोखरा १ कसेरीमार्गबाट घरेलु मदिरा बनाउने कच्चा पदार्थ ३० ड्रम सहित ३ जनालाई पक्राउ गरिएको । 

District Police Office Kaski, Pokhara.

चन्द्राको स्मृतिमा प्रेस युनियनलाई सहयोग

  

 नेपाली काँग्रेस कास्की जिल्ला कमिटीका सदस्य तथा सुरथेश्वर सिवालय मन्दिर व्यवस्थापन समिती लामाचौरका अध्यक्ष मदन बहादुर केसीले प्रेस युनियन कास्की पत्रकारिता पुरस्कार तथा कल्याणकारी कोषका लागि २५हजार एकसय ५५ रुपैयाँ सहयोग गरेका छन् । केसीले आफ्नी स्वर्गीय धर्मपत्नी चन्द्रा केसीको स्मृतिमा उनको १३ औं दिनको पूण्य तिथीमा आयोजित शोकसभामा प्रेस युनियन कास्कीका उपाध्यक्ष यदुनाथ बञ्जारालाई उक्त सहयोग रकम हस्तान्तरण गरेका हुन् ।
 स्व.चन्द्रा केसीको मेरुदण्डको क्यान्सर रोगका कारण चैत १८ गते निधन भएको थियो । सहयोग हस्तान्तरण तथा शोकसभामा नेपाली काँग्रेसका आमन्त्रित केन्द्रीय सदस्य शुक्रराज शर्मा, कास्की सभापति यज्ञबहादुर थापा सचिवद्वय कृष्ण केसी र युवराज कुँवरका साथै नेपाली काँग्रेस कास्कीका नेताहरु माधब बाँस्तोला, मुकुन्द ज्वाला, देवेन्द्र शेरचन, आईबहादुर गुरुङ, लक्ष्मी पाण्डे, पुस्पेन्द्र पाण्डे र विश्वरमण अधिकारी लगायत ठूलो संख्यामा कार्यकर्ताहरुको उपस्थिति रहेको थियो । लामाचौर गाविसका नेपाली काँग्रेसका कार्यवाहक सभापति महेश्वर प्रसाद पौडेलको सभापतित्वमा भएको कार्यक्रमको सञ्चालन कोषाध्यक्ष बलबहादुर श्रेष्ठले गरेका थिए ।
 प जानकारीका लागिः यदुनाथ बञ्जारा, ९८५६०३३३९१

हतियार प्रयोग गरी घाईते बनाउने पक्राउ र जुवातासमा संलग्न पक्राउ

हतियार प्रयोग गरी घाईते बनाउने पक्राउ:

१)    मिति २०६९।१२।३१ गते पोखरा १० उत्तमचोकमा सेभेन ए साईड फुटवल महासंघका सचिव शेर काजी गुरुङ्गलाई हतियार प्रयोग गरी घाईते बनाउने जि. कास्की पोखरा १० ईजीटोल बस्ने वर्ष १७ को असिम गुरुङ्ग र पोखरा १५ स्यानीपाटन बस्ने वर्ष १७ को राजु पौडेललाई प्रहरी टोलीले पक्राउ गरी आवश्यक अनुसन्धान कारवाही अगाडि बढाईएको ।
जुवातासमा संलग्न पक्राउ :
–    मिति २०६९पोखरा १३ कमलपोखरीमा जुवातास खेलिरहेको अवस्थामा प्रहरी     टोलीले तास खेल्दा खेल्दै ११ जनालाई नगद र तास सहित पक्राउ गरि     आवश्यक अनुसन्धान कार्य भईरहेको छ ।
    साथै विगतका वर्षहरुमा नयाँ वर्ष मनाउने क्रममा विभिन्न किसिमका अपराधिक तथा सवारी दुर्घटना समेतका घट्नाहरु हुने गरेकोमा यसपटक शान्ति सुरक्षालाई मजवुत तुल्याउनको लागि योजनावद्ध र सक्रियताका साथ प्रहरी परिचालन गरिनुका साथै सर्वसाधरणहरुबाट यथेष्ट सहयोग समेत प्राप्त भएकोले कुनै पनि अपराधिक तथा सवारी दुर्घटना समेतका अप्रिय घट्नाहरु नभएको । यसरी शान्ति सुव्यवस्था कायम राख्न संचार जगत,  नागरिक समाज र समस्त कास्कीवासी सर्वसाधारणहरुबाट प्राप्त सहयोगको लागि कास्की प्रहरी आभार प्रकट गर्दै आगामी दिनहरुमा पनि शान्ति सुरक्षा कायम गर्ने कार्यमा यस्तै सहयोगको लागि हार्दिक अनुरोध गर्दछ ।

मिति:२०७०/१/१ गते । 
जिल्ला प्रहरी कार्यालय, कास्की

जवरजस्ती करणी गर्ने अभियूक्त पूर्पक्षको लागि थुनामा

मिति २०६९/१२/०३ गते वर्ष १६ कि परिवर्तित नाम 2069/070 (8) R लाई ललाई फकाई घुम्न जाउँ भनि पोखरा ल्याई पोखरा ८ स्थित होटल सन्तोषीमा राखी धाकधम्की देखाई डर त्रासमा पारी जवरजस्ती करणी गर्ने जिल्ला तनहुँ व्यास नगरपालिका वडा नं. १ बस्ने वर्ष ३२ को जिवन लम्साललाई मिति २०६९/१२/४ गते पक्राउ गरी जवरजस्ती करणी मुद्धामा म्याद थप लिई सम्पूर्ण अनुसन्धान कार्य पश्चात मिति २०६९/१२/३० गते सम्मानित कास्की जिल्ला अदालतमा पेश गरिएकोमा ऐ. कार्यालयको आदेशले आजैका मिति देखि पूर्पक्षको लागि थुनामा गएको ।
मिति: २०६९/१२/३० गते ।

District Police Office Kaski.
जिल्ला प्रहरी कार्यालय, कास्की

जलकुम्भी र फेवा अप्रेशन तथा सामाजिक अपराध नियन्त्रणको क्रममा पक्राउ

जलकुम्भी र फेवा अप्रेशन तथा सामाजिक अपराध नियन्त्रणको क्रममा पक्राउ परेका व्यक्तिहरुको बिवरण

       जिल्ला प्रहरी कार्यालय कास्कीद्धारा विगत २ महिना देखि संचालित विभिन्न अप्रेशनको क्रममा मिति २०६९/१२/२२ देखि २०६९/१२/२९ गते सम्म निम्नानुसारका व्यक्तिहरु पक्राउ परी अनुसन्धान भईरहेको छ । यस कार्यालयद्धारा संचालित अभियानहरुलाई आगामी दिनहरुमा थप प्रभावकारी बनाईने व्यहोरा समेत जानकारी गराईएको छ ।

गुण्डागर्दीमा संलग्न पक्राउ:

१) मिति २०६९/१२/२८ गते दिनको अन्दाजी ३:०० बजेको समयमा पोखरा उपमहानगरपालिका वडा नं. १२ पुरानो धारा स्थित रविन पौडेल र सन्जिव गुरुङमाथि सांघातिक रुपले खुकुरी लगायतका हतियारले प्रहार गरेको घटनामा संलग्न २ जनालाई खुकुरी सहित वडा प्रहरी कार्यालय रामबजारद्धारा पक्राउ गरिएको थियो । पक्राउ पर्नेमा जिल्ला गोर्खा, मानबू स्थायी घर भै हाल पोखरा ११, फुलबारी बस्ने इन्द्र बहादुर कार्कीको छोरा वर्ष १६ को इश्वर कार्की र काहुँडाँडा २ बस्ने रमेश बहादुर बस्नेतको छोरा वर्ष १७ को कुमार बस्नेत रहेका छन । उक्त घटनामा संलग्न रही फरार भएका थप ३ जनाको खोजतलासको कार्य भईरहेको छ ।

२) यसै गरी मिति २०६९/१२/२७ गतेको राती ८:४५ बजे पोखरा ८ सृजनाचोकमा बोत्तल प्रहार गर्ने जि. भक्तपुर सल्लाघारी १ घर भई पोखरा ८ सृजनाचोक डेरा गरी बस्ने वर्ष १९ को सोनाम श्रेष्ठलाई सृजनाचोकबाट अ.प्र.पोष्ट सृजनाचोकले पक्राउ गरि कारवाहीको लागि वडा प्रहरी कार्यालय बैदाममा बुझाएको थियो । 

यौन विकृत्तीमा संलग्न :

– विभिन्न मितिमा पृथ्वीचोक, बाग्लुङ्गबसपार्क लगायतका ठाउँहरुबाट ५ जना महिला र १२ पुरुषलाई पक्राउ गरी केही सार्वजनिक अपराध मुद्धामा कारवाही चलाईएको ।

जुवातासमा संलग्न :

–        विभिन्न मितिमा ५ खालबाट २० जनालाई पक्राउ गरी कारवाही चलाईएको ।

 लागू औषध :

–मिति २०६९/१२/२२ गते १२:०० बजेको समयमा जि. कास्की पोखरा ९ महेन्द्रपुलबाट जि. तनहुँ व्यास न.पा. वडा नं. २ घर भई पोखरा ९ बस्ने वर्ष २१ को कृष्ण गुरुङ्गलाई ला.औ.  बुप्रिनर्फिन थान १०, फेनेरागन १० थान, डाईजापाम १० र नाईट्रोसन १० थान सहित पक्राउ गरी ला.औ. मुद्धामा कारवाही चलाईएको छ ।

मिति :२०६९/१२/२९ गते ।

District Police Office Kaski, Pokhara. 

जिल्ला प्रहरी कार्यालय, कास्की