हामी सबैको पोखरा न्युज अफ पोखरा

Saturday, May 5, 2012

13 dead bodies,over 50 missing in Seti River flood

९:५० बजेको समयमा जिल्ला कास्की माछापुच्छ्रे गा.बि.स.एरीयाबाट अप्रत्यासीत रुपमा सेती नदीमा पानीको बहाव बढ्न गई आएको बाढीको कारण जि.कास्की सार्दीखोला गा.बि.स.वार्ड नं.७ खारापानीमा ढुंगाले छाएका दुईतले दुईवटा घर,१५।१६ वटा टहराहरु बगाई क्षती बनाएको, सोही स्थानबाट घुम्नको लागी गएका निम्न बिबरण भएका बिदेशी नागरीकहरु सोही बाढीमा परी हराईरहेका भन्ने उद्धारको लागी खटीई गएको प्रहरी टोलीद्धारा जानकारी प्राप्त हुन आएको,सो स्थान यस का.बाट अं. डेढ घण्टा (गाडीमा)उत्तरमा पर्ने ।
साथै सो स्थान लगायत सेती नदी किनाराका अन्य स्थानहरुमा यस का.बाट खटीएको प्रहरी टोलीद्धारा उद्धार तथा खोजी कार्य जारी रहेको,हाल सम्म प्राप्त जानकारी अनुसार सो घटनामा परी निम्न अनुसार क्षती भएको, हिम पहीरोको कारण नदीमा एक्कासी बहाव बढेको अनुमान गरीएको भएतापनी यकिन खुली नसकेको ।
                                                                                     निम्नः
(१) सेती नदी किनाराका बिभिन्न स्थानहरुबाट हाल सम्म सनाखत भईनसकेका ५ पुरुष र ३ महीलाहरु गरी जम्मा ८ जनाको लाश फेला परेको ।

(२)   जि.कास्की सार्दीखोला गा.बि.स.को तातोपानी भन्ने स्थान बाट Ckopo Sygell,Ivam Mallkho,Maia Dobinska नाम गरेका ३ जना रसीयन नागरीकहरु बेपत्ता भएका।

(३) ३ वटा ट्र्क र १ टयाक्टर सोही बाढीमा परी हराएका ।

>>>> 14 People killed, over 50 missing in Seti River flood
                                                                                                           जिल्ला प्रहरी कार्यालय, कास्की

साइनिङ्ग स्टारमा वक्तृत्वकला सम्पन्न

पोखराको लेकसाइडस्थित साइनिङ्ग स्टार आवासीय मा.वि.ले साप्ताहिकरुपमा हुने अतिरिक्त क्रियाकलाप अन्तर्गतको कार्यक्रममा शुक्रबार नेपाली वक्तृत्वकला प्रतियोगिता सम्पन्न गरेको छ ।
न्यूटन, आइन्स्टाइन, पाइथागोरस र ग्यालिलियो गरी चारवटा सदनमा विभाजन गरिएका विद्यार्थीहरुको समूहमध्येबाट प्रत्येक सदनबाट प्राथमिक तह (३–५) तथा माध्यमिक तह (६–१०) का चार चारजना विद्यार्थीहरुले भाग लिएको उक्त प्रतियोगिताको सभापति स्कूलका प्राचार्य नारायण प्रसाद पाण्डे रहनुभएको थियो । उहाँले उक्त कार्यक्रममा विद्यार्थिहरुको सर्वाङ्गिण विकासका लागि विद्यालयले यस्ता कार्यक्रम गर्दै आएको त्यसैले सूचारुपताका स्वरुप यो कार्यक्रम गरिएको बताउनुभयो । उक्त कार्यक्रमको संचालन यसै विद्यालयका अतिरिक्त क्रियाकलाप प्रमुख इश्वरी प्रसाद गौतले गर्नुभएको थियो भने प्रा.वि.को कार्यक्रम संचालन पवित्रा न्यौपानेले गर्नुभएको थियो । त्यसैगरी निर्णायकमा कार्यक्रम संयोजक नारायण प्रसाद मरासिनी, बुद्धि प्रसाद सापकोटा, सृजना न्यौपाने र संगीता कुँवर रहनुभएको थियो ।
यसरी भएको अतिरिक्त क्रिायकलाप अन्तरगतको वक्तृत्वकला प्रतियोगितामा प्रा.वि.तर्फको शीर्षक अनुशासन थियो भने मावि तर्फको शीर्षक राष्ट्र निर्माणमा युवाहरुको भूमिका रहेको थियो । प्रतियोगितामा प्रावि तर्फ प्रथम, द्वितीय र तृतीय क्रमशः भावना रसाइली (५), नितिचमा सिंह (४) र प्रीति गुरुङ्ग (५) रहेका थिए भने मावि तर्फ प्रथम, द्वितीय र तृतीय क्रमशः विना पुन (१०), एन्जिला थापा (९) र अस्मिता परियार (१०) रहेका छन् ।

Thursday, May 3, 2012

मृगको छाला सहित मानिस पक्राउ (Crime news)

जिल्ला कास्की ले.न.पा.वडा नं. (११ सुन्दरीडाडा बस्ने सुर्य बहादुर खड्का समेतले मृग मारी मासु
बेचबिखन गरेको भन्ने सुचनाको आधारमा मिति २०६९।१।१९ गते दिन प्रहरी चौकी शिसुवाडाडाकोनाक कास्कीबाट खटिएको प्रहरी टोलीले निजहरुको घरकोठा खानतलासी लिँदा १ किलो बराबरको मृगको सुकुटी र छाला फेला परेको हुंदा बरामद गरी निम्न मानिसहरुलाई आवश्यक कारबाहीको लागी जिल्ला बन कार्यालय कास्कीमा पठाईएको ब्यहोरा गरिएको छ ।

निम्न
जि.कस्की ले.न.पा.वडा नं. (११ सुन्दीडाडा बस्ने बर्ष(३३ की अप्सरा भन्ने शान्तीदेबी खड्का ।
ऐ. ऐ. बस्ने बर्ष(२५ को सुर्य बहादुर खड्का ।

>>>> मृगको छाला सहित मानिस पक्राउ (Crime news)
जिल्ला प्रहरी कार्यालय कास्की ।

अन्तरक्रिया कार्यक्रम सम्पन्न

      सामुदायिक सेवा केन्द्र एवं सामुदायिक प्रहरी सेवा बैदामको आयोजनामा बैदाम क्षेत्रको विकृति विसंगति न्यूनिकरण गर्ने उद्देश्यका साथ अन्तरक्रिया कार्यक्रम तथा नवआयुक्त कास्की जिल्ला प्रहरी कार्यालयका प्रमुख प्रहरी उपरीक्षक शैलेश थापा क्षत्रीको स्वागत कार्यक्रमक सम्पन्न भयो ।
       कार्यक्रममा बैदाम क्षेत्रको शान्ति सुरक्षामा जिल्ला प्रहरी कार्यालयको तर्फबाट शान्ति सुरक्षा तथा विकृति विसंगति न्यूनिकरण गर्नका लागि प्रहरीको तर्फबाट कुनै पनि कसर बाँकी नराख्ने प्रतिवद्धता व्यक्त गर्नुभयो । उक्त अवसरमा पर्यटन परिषद् तथा नेपाल पर्यटन बोर्डका सदस्इ टिकाराम सापकोटा, जिल्ला सामुदायिक समन्वय समितिका अध्यक्ष सीता गुरुङ्ग, संस्थापक अध्यक्ष मंगल नेपाली, सल्लाहकार गोविन्दराज पहारी, रेवानका अध्यक्ष बलराम पहारी, लेकसाइड क्लवका अध्यक्ष धरमसिंह लामिछाने, जगदम्बा आमा समूहका अध्यक्ष दुर्गादेवि पहारी, विष्णु भट्टराई, बुद्धि नेपाली, सुशीला सुवेदी, खिम लामिछाने लगायतले यस क्षेत्रको विसंगति र विसंगतिको बारेमा बोल्नुभएको थियो ।
       सामुदायिक सेवा केन्द्र बैदामका अध्यक्ष एकराज न्यौपानेको अध्यक्षतामा भएको कार्यक्रममा उपाध्यक्ष पम्फा पहारीले स्वागत तथा सचिव भेषराज अधिकारीले कार्यक्रमको संचालन गर्नुभएको थियो ।

Tuesday, May 1, 2012

हेरालो प्रतिष्ठानको पदस्थापन सम्पन्न

   हेरालो प्रतिष्ठान कास्की पोखराको पदस्थापन समारोह सो संस्थाका अध्यक्ष योगेन्द्र शेरचनको सभापतित्वमा पोखरा पर्यटन बोर्डको सभाहल ड्यामसाइड पोखरामा मंगलबार सम्पन्न भयो ।

              कार्यक्रमको उद्घाटन प्रमुख अतिथि जापानका लागि नेपालका पूर्व राजदूत एवं त्रिभुवन विश्वविद्यालयका पूर्व उपकूलपति प्रा.केदारभक्त माथेमाले गर्नुभएको थियो ।

              संस्थाका अध्यक्ष योगेन्द्र शेरचनले नवनिर्वाचित अध्यक्ष रोश गुरुङ्गलाई अध्यक्षीय माला लगाइदिएर र संस्थाका दस्तावेजहरु हस्तान्तरण गरी पदस्थापित गर्नुभएको थियो । नवनिर्वाचित अध्यक्ष रोश गुरुङ्गले संस्थाका भावी कार्यक्रमहरुबारे प्रकाश पार्नुभएको थियो ।

              कार्यक्रममा विशेष अतिथि पोखरा उपमहानगरपालिकाका पूर्व मेयर कृष्ण थापा, प्राज्ञ एवं बरिष्ठ साहित्यकार तीर्थ श्रेष्ठ र हेरालो प्रतिष्ठानका मानार्थ सदस्य एव्ं बुद्ध फाउण्डेशन जापानका अध्यक्ष डा.ताकाजी यामागुचीले आफ्नो मन्तव्य व्यक्त गर्नुभएको थियो ।