Crime News Report ,Pokhara

                                                       अपहरणमा परेका भन्ने व्यक्तिको उद्दार

 मिति २०६७/३/१५ गतेदेखि अपहरणमा परेका भन्ने लुम्बिनि अञ्चल, नवलपरासी जिल्ला, नारायणी गाविस–९, दाउनबारी बस्ने बर्ष २३ को ठाकुर भण्डारीलाई कास्की प्रहरीले उद्दार गरेको छ । असार १५ गतेदेखि घरबाट बेपत्ता भएका भण्डारीले घरमा पटक पटक आफू अपहरणमा परेको र अपहरणबाट मुक्त गर्न भनी क्ःक् पठाएका थिए । निजले ९८४७०२४१८६ नम्बरको मोबाइलबाट आफ्नो दाजु सुन्दर भण्डारीको ९७४७००९१७३ नम्बरको मोबाइलमा त्यस्तो क्ःक् पठाएका थिए । सो पश्चात आत्तिएका भण्डारीको परिवार निजको खोजीको क्रममा जिप्रका कास्कीमा आएपछि जिप्रका कास्कीका प्रहरी निरीक्षक रविन्द्रमान गुरुङको नेतृत्वमा खटिएको टोलीले निजलाई आज अन्दाजी दिनको १३:३० बजे पोखरा ११, फूलबारीबाट उद्दार गरेको हो । “ठाकुर भण्डारीले क्ःक् पठाउन प्रयोग गरेको मोबाइल नम्बरको टावर परीक्षण गर्दा फूलबारी र रानीपौवा एरिया देखिएपछि सोही एरियामा व्यापक रुपमा हामीहरु परिचालित भयौं र निजलाई उद्दार गर्न सफल भयौं” प्रहरी निरीक्षक गुरुङले भन्नुभयो । “निज भण्डारी असार १५ गते घरबाट बुटवल जान्छु भनि हिडेकोमा त्यता नगई सिधैं पोखरा आएको र फूलबारीमा रहेको निजको साथीहरु विशाल ढकाल, योगेश मगर र गणेश देवकोटाको कोठामा बसेको अवस्थामा पाइयो । निजलाई प्रारम्भिक अनुसन्धान गर्दा उक्त क्ःक् आफैले पठाएको भन्ने खुल्न आएको, तर के कति कारणले आफैले आफु अपहरणमा परेको क्ःक् पठाएको हो सो सम्बन्धमा थप अनुसन्धान भइरहेको छ ।”– प्रहरी निरीक्षक गुरुङले थप्नुभयो । त्यस्तै निजका तीनजना साथीहरुलाई पनि सोधपुछको लागि प्रहरीले नियन्त्रणमा लिई आवश्यक अनुसन्धान गरिरहेको छ । निज ठाकुर भण्डारी बुटवल स्थित लिटस् क्याम्पसमा ऋःब् मा अध्ययनरत छन् ।

पाँच दिने उद्घोषण तथा बैठक सञ्चालन तालिम सम्पन्न

टोल विकास संस्था वडा समन्वय समिति पोखरा १० को आयोजनामा जनप्रिय समाज वातावरण सुधार समिति जनप्रियटोल पोखरा १० मा संस्थाका अध्यक्ष सम्मरबहादुर श्रेष्ठको सभापतित्वमा पाँच दिने उद्घोषण तथा बैठक सञ्चालन तालिम सम्पन्न भयो । वडा समन्वय समिति अन्तगत रहेका बीस वटा टोलमा रहेका आमासमुहका पदाधिकारीहरु ४८ जना महिलाहरुको सहभागिता रहेको उक्त तालिममा बैठक कसरी

सञ्चालन, व्यवस्थापन गर्ने र कार्यक्रम कसरी बनाउने भन्ने बारेमा रेडियो सराङ्कोटका कार्यकारी निर्देशक कृष्णथापा स्टेशन मेनेजर लक्ष्मीनारायण देवकोटा महिला सामाजिक कार्यकर्ता सामुदायीक सेवा केन्द्र जिल्ल समन्वय समितिका अध्यक्ष सिता गुरुङ्, गाउँनगर विकास साझेदारी कार्यक्रमका शाखा अधिकृत श्री दुर्गा न्यौपाने लगाएतले प्रशिक्षण दिनुभएको थियो । तालिम समापन समारोहका प्रमुख अतिथि पोखरा पोउमनपाका सामाजिक विकास समितिका कार्यक्रम अधिकृत ओमराज पौडेलले सहभागीहरुलाई प्रमाण–पत्र प्रदान गर्नुहुर्दै महिलाहरु नेतृत्वमा आउन यस्ता तालिमले महत्वपूर्ण भूमिका खेल्ने बताउनु हुदैँ कसैले आफूलाई बोक्सी मन्त्र सिकाए रु एक लाख पुरस्कार दिने बताउँदै समाजमा कोही महिला बोक्सी हुदैन भनि प्रष्ट पार्नुभयो । उक्त कार्यक्रममा प्रशिक्षक सिता गुरुङ्, दुर्गा न्यौपाने, लक्ष्मीनारायण देवकोटा, जनप्रिय आमासमुहका भु.पु. अध्यक्ष पवित्रा गुरुङ लगाएत किरणप्रसाद भट्टचनले आ–आफ्नो भनाई राख्दै सिकेका अनुभवहरु सिकीयो भन्दै बसेर मात्र त्यसबाट व्यक्तित्व विकास नहुने भएका कारण भए गरेका र हुने जानकारी पाएका कार्यक्रमहरुमा आफ्नो उपस्थिीति देखाई अग्रसर हुन सकेको खण्डमा मात्र सिकाईको अर्थ रहने कुरा बताउँदै अगाडि बढ्न आग्रह गर्नुभयो । संस्थाका उपाध्यक्ष किसोर घिमीरले स्वागत मन्तव्य राख्नुभएको थियो भने रेखीमाया गुरुङ र उमा मुल्मीले आफूहरुले पाँच दिनमा सिकेका कुराहरुको अनुभव वताउदै यस्ता कार्यक्रमले महिलाहरुको व्यक्तित्व र नेतृत्व विकास गर्न हौसाएको अनुभव सुनाउनु भयो । कार्यक्रमको सञ्चालन नव उत्पादीत उद्घोषक आरती गुरुङ र गोमा रायमाझीले गर्नुभएको कार्यक्रममा चन्दकिसोर गौतमलेपनि सञ्चालनमा सहयोग पु¥याउनु भएको थियो ।

CRIME NEWS,POKHARA

विगत १ महिनामा यस कार्यालयमा चोरीमा संलग्न १२ जनालाई चोरी मुद्धामा , लागू औषध बेचविखन तथा सेवनमा संलग्न रहेका ३७ जनालाई लागू औषध मुद्धामा, सार्वजनिक स्थानमा शान्ति सुरक्षामा प्रभाव पार्ने ९६ जनालाई सार्वजनिक मुद्धामा , विभिन्न स्थानमा ठगी गर्ने ६ जनालाई ठगी मुद्धामा, विभिन्न यौन पेशामा संलग्न होटल मालिक तथा यौनकर्मी ६२ जनालाई कारवाही गरिएको, जुवातास खेल्ने ३५ जनालाई पक्राउ गरि अव आईन्दा नखेल्ने शर्तमा सम्झाई बुझाई छाडिएको ।

साथै हालसम्म जुवातास खेल्ने १६६ जनालाई पक्राउ गरिएको जसमध्ये ३२ जनालाई कानूनी कारवाही गरिएको र १३४ जनालाई सम्झाई बुझाई छाडिएको ।

मुख्य मुख्य घट्नाहरुको संक्षिप्त बिवरण :

जवरजस्ती करणी :

मिति २०६७।०३।२३ गते अं. १७:०० बजेको समयमा पोखरा उप.म.न.पा. वडा नं. ६ बैदाम बसुन्धारा पार्क नजिककै को खाली घरमा धर्म ईन होटलमा काम गर्ने धादिङ्ग जिल्ला ज्यामरुङ्ग गा.वि.स. वडा नं. ७ बस्ने अं. वर्ष २६ को सुमन भन्ने केदार बहादुर इटनीले पोखरा उप.म.न.पा. वडा नं. ६ बैदाम बस्ने वर्ष १५ कि नाम परिवर्तन :ड (द्दण्ण्ठ बालिकालाई जवरजस्ती करणी गरेकोले निजलाई पक्राउ गरी अनुसन्धान भै रहेको साथै होटल संचालक शारदा पौडेल उपर अनुसन्धान भैरहेको ।

लागु औषध वुप्रिनर्फिन मुद्धाका प्रतिवादी ज्योती गुरुङ्ग, संजय के.सी . र खोम बहादुर गुरुङ्ग :

भारत रक्सौलबाट लागू औषध खरिद गरि पोखरामा विक्री वितरण गर्न ल्याएको छ भन्ने सूचना प्राप्त भए पश्चात मिति २०६७।०३।३२ गते पृथ्वीचोकमा संकित व्यक्तिहरुलाई चेकजाँच गर्ने क्रममा कास्की जिल्ला पोखरा उ.म.न.पा. ९ पृथ्वीचोक कास्की जिल्ला ,पोखरा उ.म.न.पा. वडा नं .१६ दिप बस्ने वर्ष ४३ को खोम बहादुर गुरुङ्ग , ऐ .ऐ . बस्ने वर्ष ३३ की ज्योती गुरुङ्ग र ऐ .९ नयांवजार बस्ने वर्ष १९ को संजय के.सी को साथबाट लागु औषध नर्फिन थान –१८८ , डाईजापाम थान –१८८ र नाईट्रोसन भ्याट –११५ ट्याब्लेट वरामद भएकोले निजहरु उपर लागु औषध वुप्रिनर्फिन मुद्धामा अनुसन्धान भै रहेको, निजहरुले उल्लेखित लागु औषध भारत , रक्सौलवाट खरीद गरी ल्याएको भन्ने समेत बुझीएको ।

पृथ्वीचोकमा मोवाईल चोरी भएको सम्बन्धमा :

मिति २०६७।०३।१७ गते राती कास्की जिल्ला पोखरा उ.म.न.पा. ९ प्थ्वीचोक स्थित केदार मोवाईल रिपेरीङ्ग सेन्टरवाट मर्मतार्थको लागी राखीएको मोवाईल ,रिचार्ज कार्ड तथा व्याट्री समेत प्रकाश गुप्ता समेतले जम्मा रु २,८४,५०० ( अक्षरुपी दुई लाख, चौरासी हजार, पांच सय ) बरावरको धनमाल चोरी सम्बन्धमा आवश्यक अनुसन्धान पश्चात कास्की जिल्ला पोखरा उ.म.न.पा . ९ शिवटोल बस्ने वर्ष १९ को प्रकाश गुप्तालाई थान –७ र ऐ . बस्ने वर्ष १८ को सुभम गुरुङ्गलाई थान –८ मोवाईल सहीत पक्राउ गरी निजहरु उपर चोरी मुद्धामा अनुसन्धान भै रहेको ।


पोखरा १ याम्दीपुलमा कारमा क्षती भएको सम्बन्धमा :

मिति २०६७।०४।०१ गते राती २२:०० बजेको समयमा अपरिचित व्यक्तिहरुले कास्की जिल्ला पोखरा उ.म.न.पा. वडा नं . १ याम्दीपुल स्थितमा पोखरा ३ नदीपुर बस्ने प्रेम शेरचनको ग १ च ५४०६ नं .को प्राईवेट कारमा ढुङ्गाले हानी सिसा तथा साईडलाईट फुटाई फरार रहेका व्यक्तिको सम्बन्धमा खोजतलास तथा आवश्यक अनुसन्धान पश्चात कास्की जिल्ला, हेम्जा १ बस्ने वर्ष १८ को रमेश राई ,ऐ . बस्ने वर्ष १९ को विक्की गुरुङ्ग र ऐ . बस्ने वर्ष २१ को गणेश गुरुङ्ग समेतलाई पक्राउ गरी केही सार्वजनिक अपराध मुद्धामा अनुसन्धान भै रहेको ।

वेश्यावृर्ती तथा यौनकमींहरु लाई पक्राउ गरी केही सार्वजनिक अपराध मुद्धा चलाईएको संख्या :–

यौनकर्मी होटल संचालक जम्मा
पुरुष महीला पुरुष महीला
२५ ३० ३ ४ ६२




जुवातासमा पक्राउ गरि छाडिएको तथा कारवाही संख्या :

जुवामा मुद्धा चलाईएको सार्वजनिक मुद्धा चलाइएको सम्झाई बुझाई छाडीएको कूल जम्मा
महीला पुरुष महीला पुरुष पुरुष महीला
– १३ ८ ११ १२० १४ १६६ जना


मदरल्यान्ड होटलमा अन्जु फुयालको मृत्यु सम्बन्धमा :


मिति २०६७।०४।०३ गते राती अन्दाजी ०१:३० बजेको समयमा कास्की जिल्ला,पोखरा उ.म.न.पा . वडा नं .७ स्थित डिगोपाटनमा रहेको राम बहादुर त्रिपाठीको मदरल्यान्ड नामको होटलको २०८ नं. कोठामा वर्ष १८ की अन्जु फुयाल नाम गरेकी महिला मृत अवस्थामा छ भन्ने सुचना प्राप्त हुना साथ यस कार्यालयबाट अनुसन्धान टोली खटिई गई उक्त हत्यामा संलग्न सरोज फुयाल हत्या पश्चात काठमाण्डौ फरार भएको भन्ने सूचनाको आधारमा काठमाण्डौ प्रहरी सँग समन्वय राखी काठमाण्डौ जिल्ला, काभ्रेस्थली – ०४ वस्ने वर्ष १९ को सरोज फुयाल र निजको प्रेमीका काठमाण्डौ जिल्ला, गोल्ढुङ्गा – ८ बस्ने वर्ष १७ की कोपीला फुयाललाई पक्राउ गरि यस कार्यालयमा ल्याई आवश्यक अनुसन्धान भईरहेको, प्रारम्भिक अनुसन्धानबाट निजले करीव १ (एक) महीना अगाडी मृतक संग विवाह गरेको र विवाह पुर्व कोपीला फुयाल संग प्रेम सम्बन्ध रहेकोले मृतक अन्जु फुयाललाई कर्तव्य गरी मारेको भन्ने बुझिन आएको ।

तनहुँमा कम्प्युटरबाट लालपुर्जा वितरण

मालपोत कार्यालय तनहुँमा हस्त लिखित र पाण्डुलिपी प्रणालीबाट लालपुर्जा वितरण हुँदै आएकोमा अबदेखि कम्प्युटर प्रणालीबाट लालपुर्जा वितरण हुन थालेको छ । मालपोत कार्यालयका कागजपत्र कम्प्यूटरमा राख्न थालेपछि सेवग्राहीले काम छिटो भएको महसुस गर्न थालेका छन् । पुरानो प्रणालीबाट वितरण गरिएको लालपुर्जाको तथ्याङ्क नष्ट हुने र सेवाग्राहीलाई पनि झन्झट हुने भएकाले मालपोत कार्यालयले कम्प्युटर प्रणालीको माध्यमबाट लालपुर्जा वितरण गरेको हो । पहिले पहिले सेवाग्राहीको लामो लाईन रहने कार्यालयमा हाल केही समयमा नै सेवाग्राहीले विना लाईन सेवा पाउने गरेका छन् । कार्यालयका प्रमुख खगेन्द्रराज घिमिरेले कम्प्युटर पद्धतिबाट सेवा सुरु भएपछि पहिला जस्तो लाईन लाग्ने अवस्था नरहेको र तथ्यांक पनि सुरक्षित रहने भएकाले सजिलो भएको बताउनुभयो ।

Hemraj ghital was killed in Dang by gun

दाङका सञ्चार उद्यमी देवीप्रसाद धिताल हेमराजको बिहिबार साँझ गोलि हानी हत्या भएको छ । दाङको रेडियो तुलसीपुर एफएमका अध्यक्ष समेत रहेका धितालको अज्ञात समुहले गोली हानी हत्या गरेको हो । धिताललाई बिहिबार साँझ पौने ८ वजे तिर अज्ञात समुहले उरहरी गाविसको जसपुर भन्ने स्थानमा गोली प्रहार गरेको थियो । धितालको छातीमा गोली लागेको चिकित्सकहरुले वताएका छन् । गोली प्रहारवाट घाईते भएका संचार उद्यमी धितालको राप्ती अञ्चल अस्पताल तुलसीपुरमा उपचारका क्रममा मृत्यु भएको हो । हत्या कसले र किन गरेको भन्ने वारे थाहा हुन सकेको छैन । प्रहरीले घटनावारे अनुसन्धान सुरु गरिसकेको जनाएको छ ।