रोटरी क्लब अफ पोखरा न्यूरोडद्घारा स्याङ्गजा जिल्लाको खडकेटारी स्थित कालाभैरव उच्च मा.वि मा छात्रा शौचालय निर्माण सम्पन्न गरी यही भाद्र ४ गते मंगलबारको दिन एक विशेष समारोहका विच हस्तान्तरण भएको छ। निर्माण कार्यमा सहयोग गर्ने सँघ सँस्थाहरुमा कम्युनिटी डेभलपमेण्ट एण्ड रिलिफ एजेन्सि¬सेड्रा नेपाल,बाबा फाउण्डेशन नेपाल र कालाभैरव उच्च मा.वि. रहेका छन। उक्त समारोहमा प्रमुख अतिथि रोटरी डिष्ट्रिक्ट ३२९२ का निवर्तमान डिष्ट्रिक्ट गभर्नर रो योगेन्द्रमान प्रधान र रोटरी क्लब अफ पोखरा न्यूरोडका अध्यक्ष रो सुबास सिग्देलले शौचालयको साँचो उच्च मा वि व्यवस्थापन समितिका अध्यक्ष चित्र बहादुर कार्की एवं प्राचार्य खगेन्द्र सुवेदीलाई हस्तान्तरण गर्नु भयो।
प्रमुख अतिथि निवर्तमान डिष्ट्रिक्ट गभर्नर योगेन्द्रमान प्रधान,रोटरी क्लव अफ पोखरा न्यूरोडका अध्यक्ष रो सुवास सिग्देल,रोटरी डिष्ट्रिक्ट ३२९२ का सहायक गभर्नर रो सन्तोष रिजाल, सेड्रा नेपालका निर्देशक अशोक कुमार श्रेष्ठ, प्रस्तावित इनर व्हिल क्लब अफ न्यूरोड पोखरा का सचिव गंगा कुमारी पराजुली पौडेल,गोनेसा पोखराका राम प्रसाद सुवेदी,उच्च मा.वि का विद्यार्थी स्मृति पौडेल,प्राचार्य खगेन्द्र सुवेदी,व्यवस्थापन समितिका अध्यक्ष चित्र बहादुर कार्की ले छात्रा शौचालयको महत्व र यसबाट छात्राहरुको अध्ययन र स्वास्थ्यमा गुणात्मक प्रगति हुने कुरामा आफ्ना भनाईहरु राख्नु भएको थियो। कार्यक्रममा रो किशोर कुमार श्रेष्ठले स्वागत मन्तव्य, निर्माण समितिका संयोजक रो गीता सिवाकोटीले धन्यवाद ज्ञापन र क्लबका सचिब रो पुष्प कमल पौडेलले कार्यक्रमको संचालन गर्नु भएको थियो।
सोही दिन श्री रामकोश फुलबारी मा.वि पुतलीबजार स्याङ्गजा का सम्पूर्ण विद्यार्थी भाई बहिनीहरुलाई हाईजेनिक किट ब्याग पनि वितरण गरीएको थियो।वितरित सामाग्रीहरु खरिदमा रो विन्दु कोइराला सुवेदी,काशी सुवेदी,नेपाल मण्डला बुक सप,नारायण शर्मा,नोबल इस्टिच्युट,मल्ल ईम्पोरियम लगाएतले आर्थिक सहयोग गर्नुभएको थियो।रोटरी क्लब अफ पोखरा न्युरोडको वार्षिक कार्यक्रम अनुसार उक्त सामाग्रीहरु विभिन्न स्कुलहरुमा करिब एक हजार थान वितरण गरिने जानकारी सचिव पुष्प कमल पौडेलले दिनुभयो।
No comments:
Post a Comment
Please, comment about this article.