हेरालो प्रतिष्ठानको पदस्थापन सम्पन्न

       हेरालो प्रतिष्ठान कास्की पोखराको पदस्थापन समारोह सो संस्थाका अध्यक्ष योगेन्द्र शेरचनको सभापतित्वमा पोखरा पर्यटन बोर्डको सभाहल ड्यामसाइड पोखरामा मंगलबार सम्पन्न भयो ।

              कार्यक्रमको उद्घाटन प्रमुख अतिथि जापानका लागि नेपालका पूर्व राजदूत एवं त्रिभुवन विश्वविद्यालयका पूर्व उपकूलपति प्रा.केदारभक्त माथेमाले गर्नुभएको थियो ।

              संस्थाका अध्यक्ष योगेन्द्र शेरचनले नवनिर्वाचित अध्यक्ष रोश गुरुङ्गलाई अध्यक्षीय माला लगाइदिएर र संस्थाका दस्तावेजहरु हस्तान्तरण गरी पदस्थापित गर्नुभएको थियो । नवनिर्वाचित अध्यक्ष रोश गुरुङ्गले संस्थाका भावी कार्यक्रमहरुबारे प्रकाश पार्नुभएको थियो ।

              कार्यक्रममा विशेष अतिथि पोखरा उपमहानगरपालिकाका पूर्व मेयर कृष्ण थापा, प्राज्ञ एवं बरिष्ठ साहित्यकार तीर्थ श्रेष्ठ र हेरालो प्रतिष्ठानका मानार्थ सदस्य एव्ं बुद्ध फाउण्डेशन जापानका अध्यक्ष डा.ताकाजी यामागुचीले आफ्नो मन्तव्य व्यक्त गर्नुभएको थियो ।

विश्वकर्मा समाज नेपालको वनभोज कार्यक्रम

     विश्वकर्मा समाज नेपाल लेखनाथ १२ को आयोजनामा नववर्ष २०६९ सालको शुभकामना आदानप्रदान तथा पारिवारिक वनभोज कार्यक्रम लेखनाथ संयोजक गोविन्द घतानेको संयोजकत्व तथा केन्द्रीय अध्यक्ष गणेश बराइलीको प्रमुख आतिथ्यतामा सम्पन्न भयो ।
       भेलामा शुभकामना व्यक्त गर्दै केन्द्रीय सचिव चन्द्रकिशोर गौतमले बहुआयामिक जाति, श्रमजीवी शिल्पकारी विश्वकर्मा यस देशमा रही आएको र देश एकीकरणसँगै जातीय पहिचाना शिल्पकारीको रुपमा देशैभरी रहेको छ भन्दै विगतमा परिश्रमी भएकै कारण धनीमानी थिए र आज विभिन्न कारणले पछाडि पारिएको एवं राज्यले दलितको कोटामा राखी अपमान गरेको छ भन्नुभयो । उहाँले सम्पूर्ण सीप सृजनामा दक्ष मानिस कसरी दलित हुन सक्दछ भन्दै सबै विश्वकर्माहरुले एकपटक सोच्नुपर्ने बेला आएको बताउनुभयो ।
       केन्द्रीय सहसचिव शाकमान सदाशंकरले हिमाल चढ्नेले जस्तो इच्छाशक्ति राखी एक ढिक्का भई अगाडि बढेमा सफल हुने बताउँदै केन्द्रीय योजना अनुसार समाजमा रहेका पेशा, व्यवसायी, शिक्षक, विद्यार्थी, कर्मचारी, महिला एवम् बुद्धिजीवीहरुलाई समेटेर अगाडि बढ्ने बताउनुभयो ।
       केन्द्रीय उपाध्यक्ष डिलबहादुर खड्काले छुवाछुत प्रथा हटाउन २०२९ सालदेखि लागिपरेको उल्लेख गर्दै राज्यले नै यसलाई उन्मूलन गर्न चासो नदेखाएको बताउनुभयो ।
       कार्यक्रममा डिलबहादुर श्रीपाली, गंगाबहादुर श्रीपाली, कृष्णकुमारी वि.क., इन्द्रबहादुर खड्का, लेखबहादुर सुनार लगायतले बोल्नुभएको थियो ।
       प्रमुख अतिथि केन्द्रीय अध्यक्ष गणेश बराइलीले यसरी नै ल्याई हामी मिलेर समाजलाई देशव्यापी बनाउने हो, राजनैतिकभन्दा सामाजिक रुपमा पिछडिएका विश्वकर्माहरुको हक अधिकार स्थापित गर्दै यस जातिको पहिचान पुनः राष्ट्र सामु प्रकट गर्ने कर्यामा समाज सदैव अग्रस हुने, सम्पूर्ण विश्वकर्माहरुलाई समेट्दै पोखरामा समाजघरको लागि जग्गा खरिद गर्न लागिएको हुँदा सबैले सक्दो सहयोग गर्नु आग्रह गर्नुभयो ।

बसको ठक्करबाट मृत्यु

          मिति २०६९।०१।१७ गते २:५० बजेको समयमा पोखरा उप.म.न.पा. वडा नं. १० रंगशाला अगाडि ना.४.ख. २१०८ नं. को माईक्रोबसले जिल्ला लम्जुङ्ग वाझाखेत गा.वि.स. वडा नं. ८ बस्ने वर्ष ८४ को टिकाराम तामाङ्गलाई ठक्कर दिएकोमा तत्काल घाईते भई चरक अस्पतालमा उपचारको लगिएकोमा चरक अस्पतालमा सामान्य उपचार पश्चात मणिपाल शिक्षण अस्पतालमा रिफर भएको  मणिपाल शिक्षण अस्पतालमा उपचार हुँदा हुँदै ४:३० बजेको समयमा मृत्यु भएको । उक्त बस चालक र सवारी साधन प्रहरीको नियन्त्रणमा रहेका ।

Red cross रेडक्रस कार्यटोली कास्कीको पुनःगठन

नेपाल रेडक्रस सोसाइटी जिल्ला शाखा कास्की अन्तर्गतको रेडक्रस कार्यटोलीको भेला मंगलबार टोली नेता विवेक घिमिरेको सभापतित्वमा सम्पन्न भयो ।
       नेपाल रेडक्रस सोसाइटी जिल्ला शाखा कास्कीका उपसभापति शिवप्रसाद कोइरालाको प्रमुख आतिथ्यतामा सम्पन्न सो भेलामा कास्कीका मन्त्री बामदेव ढुङ्गाना, कार्यसमिति सदस्य सुरेन्द्र गुरुङ्ग, शाखाका बरिष्ठ अधिकृत खेमराज सापकोटा, कर्मचारी देवनारायण पौडेल, शुक्रराज सुवेदीे लगायतको उपस्थितिमा टोली नेता विवेक घिमिरेले प्रस्तुत गर्नुभएको प्रगति प्रतिवेदन सर्वसम्मतिले पारित गरिएको थियो । उक्त अवसरमा उत्कृष्ट सेवा गरेवापत रेडक्रस कार्यटोली रक्तदाता समूह नेता नवराज त्रिपाठीलाई सम्मान गरिएको थियो ।
       भेलाले सुमेरु त्रिपाठीको नेतृत्वमा नयाँ कमिटी चयन गरेको छ । जसमा उपनेता नानु अधिकारी तथा समूह नेताहरुमा रजनी भट्टराई, नवराज त्रिपाठी, विरेन्द्र अर्याल, केशव सुवेदी र समूह सदस्यहरुमा मुक्तिराम बराल, भोजराज बराल, शिवहरि तिमिल्सिना, तारामाया वि.क., देवका तिमिल्सिना, संजय पौडेल, लक्ष्मी पराजुली, दीपकनाथ भण्डारी, जया पराजुली, अनुप थापा रहनुभएको छ ।
       कार्यक्रममा नयाँ कार्यसमितिलाई कास्की शाखाका मन्त्री बामदेव ढुङ्गाना र निवर्तमान कार्यटोली नेता विवेक घिमिरेले बधाई तथा शुभकामना व्यक्त गर्नुभएको थियो भने नवनिर्वाचित टोलीनेता सुमेरु त्रिपाठीले प्रतिवद्धता व्यक्त गर्नुभएको थियो ।

Everyone ... Happy New Year!!!!2069 ..नयाँ वर्षमा बृद्धबृद्धाहरुलाई फलफूल वितरण

नववर्ष २०६९ को अवसरमा सुविधा बचत तथा ऋण को–अपरेटिभ संस्था लि.द्वारा पोखरा बृद्धाश्रममा रहेका बृद्धबृद्धाहरुलाई फलफूल वितरण गर्दै शुभकामना आदानप्रदान कार्यक्रम गरेको  छ ।
कार्यक्रममा पोखरा बृद्धाश्रमका अध्यक्ष बसन्त केशव पराजुलीले पोखरा बृद्धाश्रमलाई पश्चिममाञ्चल स्तरको रुपमा विकास गरिन लागिएकोले यस कार्यमा पोखराका संघसंस्थाहरुले पु¥याएको योगदानले जेष्ठ नागरिकहरुको संरक्षण भएको बताउनुभयो ।
सामाजिक उत्तरदायित्व अन्तर्गत मुनाफा मात्र नहेरी सेवामूलक काम गर्नु सहकारीको पनि कर्तव्य भएकोले बृद्धाश्रममा कार्यक्रम गरिएको र आगामी दिनमा बृद्धाश्रमको भौतिक निर्माणको लागि सहकारीले सहयोग पु¥याउने कार्यक्रम संयोजक कृष्ण थापाले बताउनुभयो ।
सहकारी संस्थाका कार्यवाहक अध्यक्ष रुद्रनाथ बरालको अध्यक्षतामा भएको कार्यक्रममा जाल्पादेवि टोलसुधार समितिका अध्यक्ष मिनप्रसाद भट्टराई, सुविधा सहकारीका सचिव अशोक श्रेष्ठ, संचालक समिति सदस्य कमला गिरी लागयतले शुभकामना व्यक्त गरेका थिए ।
नववर्षकै अवसरमा जाल्पादेवि टोलसुधार समितिद्वारा चियापान समारोह गरेको छ । कार्यक्रममा संस्थाका संस्थापक अध्यक्ष गणेशबहादुर अधिकारी, पूर्व वडा अध्यक्ष विरेन्द्रनारायण विजुक्छे, सृजना विकास केन्द्रका अध्यक्ष रुद्रनाथ बराल, सल्लाकार सोभियत बहादुर अधिकारी, पूर्व अध्यक्ष निलबहादुर के.सी., अशोक श्रेष्ठ, जयनारायण श्रेष्ठ लगायतले शुभकामना व्यक्त गरेका  थिए ।
समितिका अध्यक्ष मिनप्रसाद भट्टराईको अध्यक्षतामा भएको कार्यक्रममा संयोजक बुद्धमान जोशी, अध्यक्ष कृष्णमान ठुसाजु, सचिव देवराज गिरी लगायतले आ–आफ्नो धारण राखेका थिए ।