विभिन्न छ बुदे मागसहित आन्दोलित नेपाल ब्राहृमण समाजले आज देशभरका सम्बन्धित जिल्लाका प्रशासन कार्यालयमा ज्ञापन पत्र बुझाएको छ ।पोखरामा पनि नाराबाजीसहित निस्किएको जुलुसले जिल्ला प्रशासन कार्यालय, कास्कीमा पुगेर सहायक प्रमुख जिल्ला अधिकारी देवराज ढकाललाई मध्यान्ह ज्ञापनपत्र बुझायो ।कार्यक्रममा ब्राम्हमण समाज कास्कीका अध्यक्ष कृष्णप्रसाद पौडेल ज्ञापनपत्रमा उल्लेखित मागहरु प्रस्तुत गर्ने क्रममा एक्कासी अशक्त भएपछि बाँकी बुँदाहरु सचिव भेषराज लम्सालले वाचन गर्नुभएको थियो ।समाजले ब्राम्हण जातिलाई अन्य होइन नेपालको प्रमुख जातिमा सूचीकृत गरिनुपर्ने, आरक्षण जातीय आधारमा नभै वर्गीय आधारमा गरिनुपर्ने, आदिवासी जनजातिका सम्बन्धमा मनपरी परिभाषा गरिन नहुने, जसको राज्य उसको नेतृत्व भन्ने धारणा अन्त्य गरिनुपर्ने लगायतका माग प्रमुखताका साथ उठाएको छ ।ज्ञापन पत्र बुझाउनुअघि पोखराको सिर्जनाचोकबाट निस्किएको जुलुस रत्नचोकहुँदै सहिदचोकस्थित जिल्ला प्रशासन कार्यालय पुगेको थियो । सबै नेपाली दाजुभाइ, चाहिएको छ नेपाललाई, देश साझा घर हो, अंशवण्डा नगर, नयाँ नेपाल बनाऔं लगायतका नाराबाजी गरेका थिए ।ब्राहृमण जाति १०१ जातिमध्ये सबैभन्दा पुरानो जाति हो ।