Showing posts with label Kathmandu. Show all posts
Showing posts with label Kathmandu. Show all posts

Tuesday, May 29, 2018

तनहुँमा सवारी दुर्घटना ३ जना घाईते-Road Accident Nepal

पोखरा १५ गते
 अन्दाजी १०:५५ बजेको समयमा तनहुँको शुक्लागण्डकी नगरपालिका ९ भण्डारीकुना स्थित भित्री कच्ची सडक खण्डमा दुलेगौंडाबाट मान्द्रेतर्फ जाँदै गरेको ग १३ प ६२२५ नं.को मोटरसाईकल र बिपरित दिशाबाट आउँदै गरेको ना ५४ प ६८३३ नं.को मोटरसाईकल एक आपसमा ठक्कर खाँदा दुवै चालक सहित १ जना पछाडी सवार गरी ३ जना घाईते भएका छन । घाईते मध्य ना ५४प ६८३३ नं.को मोटरसाईकलका चालक तनहुँको शुक्ला गण्डकी नगरपालिका १२ प्यूरी दोभान बस्ने वर्ष २१को राजेश गुरुङलाई उपचारका लागी गण्डकी मेडिकल कलेज पोखरा रिफर गरीएको छ । 

११ औं गणतन्त्र दिवस कार्यक्रम सम्पन्न

११ औं गणतन्त्र दिवस कार्यक्रम सम्पन्न 

११ औं गणतन्त्र दिवस कार्यक्रम सम्पन्न 
११ औं गणतन्त्र दिवसको अवसरमा प्रदेश नं. ४ को पोखरामा विभिन्न कार्यक्रमहरु आयोजना गरिएको छ । प्रदेश नं.४ का प्रदेश प्रमुख बाबुराम कुँवर, प्रदेश नं. ४ का मुख्यमन्त्री पृथ्वी सुब्बा गुरुङ लगायत अन्य विशिष्ट व्यक्तित्वहरुले पोखराको सहिद चोक स्थित सहिद स्मृती पार्कमा रहेको सहिदहरुको शालिकमा पुष्पगुच्छा अर्पण गरी शहिदहरुप्रति श्रद्धासुमन अर्पण गर्नुभएको छ ।
त्यसैक्रममा ११ औ गणतन्त्र दिवसको अवसरमा आज ४ न. प्रदेश प्रहरी कार्यालय पोखराको पसीरसरमा वृक्षारोपण समेत गरीएको छ । ४ न. प्रदेश प्रहरी प्रमुख प्रहरी नायब महानिरीक्षक दान सिङ बोहरा र संघिय प्रहरी ईकाई कार्यालय पोखराका प्रमुख  प्रहरी वरिष्ठ उपरीक्षक राजेन्द्र प्रसाद चौधरी लगायत अन्य प्रहरी कर्मचारीहरुको उपस्थितिमा उक्त वृक्षारोपण सम्पन्न गरीएको हो ।

Tuesday, May 22, 2018

सामाजिक कार्यमा फेसबुक ग्रुप,ब्लड क्यान्सर पीडितलाई पोखरामा सहयोग अभियान सुरु-News-Pokhara


७ जेठ,पोखरा
अनुप पौडेल,

पछिल्लो केही समयबाट सामाजिक कार्यमा क्रियाशिल फेसबुक ग्रुप वि आर फ्रेण्डस (We Are Friends)ले ब्लड क्यान्सरबाट पीडित भएका बालकका लागि आर्थिक सङकलन अभियान सुरु गरेको छ ।पर्वतको कुस्मा नगरपालिका(१४ आर्थरका १४ बर्शिय अर्जुन गौतमका लागि सोमबारबाट पोखरामा आर्थिक सङकलन अभियान सुरु गरिएको वि आर फ्रेण्डसका एडमिन अमुल्य अधिकारीले बताए ।
अर्जुन बचाउ अभियानको पहिलो दिन सोमबार पृथ्वीनारायण क्याम्पस हुँदै ट्याक्सी चोक वरिपरि गरेर ९,४५० रुपैया सङकलन भएको अधिकारिले बताए ।ब्लड क्यान्सरबाट पीडित १४ बर्शिय अर्जुन गौतम भरतपुर क्यान्सर अस्पतालमा उपचाररत रहेका छ्न ।आउँदो एकहप्तासम्म उक्त अभियान पोखराका विभिन्न ठाउँमा संचालन गरिने छ ।सुकराज गौतम र खेमकुमारी गौतमका छोरा १४ बर्शिय अर्जुन गौतम बिश्वज्योति मा।वि को कक्षा ९ मा अध्यनरत छन ।

विरेठाँटी मा.वीका विद्यार्थीलाई छात्रवृत्ति वितारण-Education News



पोखरा ७ जेठ ।

कास्कीको अन्नपुर्ण गाँउपालीका वडानम्बर  ८ स्थित विरेठाँटी माध्यमिक विद्यालयका विद्यार्थीलाई छात्रवृत्ति वितारण गरिएको छ । 

सोमबार एक कार्यक्रममा बिच विद्यालयका १ सय ३५ जना विद्यार्थीहरुलाई छात्रवृत्ति वितारण गरिएको हो । जिल्ला शिक्षा कार्यालय कास्कीको सहयोगमा वितारण गरिएको माध्यमिक जेहेन्दार तर्फ ९ जना, दलित तर्फ ३५ जना छात्र र आधारभुत तह तर्फका ६० जना दलित छात्र र ४२ जना छात्राहरुलाई वितारण गरिएको हो । 

विद्यार्थीहरुले जेहेन्दार तर्फ नगद १७ सय, दलित छात्रले ५ सय र आधारभुत तर्फका दलित विद्यार्थी तथा छात्राले नगद ४ सय रुपैयाँका दरले नगद प्राप्त गरेका छन् । कार्यक्रममा चिन बहादुर पियारी गुरुङ प्रतिष्ठान र विरेठाँटी क्यानोनिङ्ग प्रालीले सयुक्त रुपमा करिव ५० हजार बराबरको स्टेशनरी सामान वितारण समेत गरेको छ । वितारण कार्यक्रममा बोल्दै चिन बहादुर पियारी गुरुङ प्रतिष्ठानका अध्यक्ष पुर्ण बहादुर गुरुङले विद्यालयका विद्यार्थीहरुका लागि प्रतिष्ठानले गर्दै आएको सहयोगमा वृद्धि गर्दै लैजाने प्रतिवद्धता जनाउनुभयो । 

त्यसैगरी विद्यालय व्यवस्थापन समितिका सल्लाहकार एवम लोकतान्त्रिक खेलकुद संघका अध्यक्ष देवेन्द्र कुमार शेरचनले विद्यार्थीको भविष्य देश संग जोडिने भन्दै शिक्षा प्रदान गर्न कुनै कन्जुस्याइ गर्न नहुने जिकिर गर्नुभयो । उहाँले विद्यालयको स्तरउन्नतिका लागि आफुँले सक्दो सहयोग गर्ने समेत बताउनुभयो । विद्यालय व्यवस्थापन समितिका अध्यक्ष होसियार सिँह गुरुङको अध्यक्षता सम्पन्न कार्यक्रममा अन्नपुर्ण गाँउपालीका ८ का वडाध्यक्ष विजय गुरुङले विद्यालयमा क्याम्पस संचालन गर्ने अभियानमा आफुँ रहेको भन्दै सबेको सहयोग आवश्यक रहेको औल्याउनुभयो । विद्यालयका प्रध्यानाध्यापक प्रेम बहादुर थापाले स्वागत मन्तव्य राख्नुभएको कार्यक्रममा सहप्रध्यानाध्यापक एकराज पौडेलले संचालन गर्नुभएको थियो । 

Friday, May 18, 2018

संगम सहकारीको स्थापना दिवस-Sangam Cooperative-Pokhara-Nepal

पोखरा, ३ जेठ ।
संगम बचत तथा ऋण सहकारी संस्था लि.रामबजारले आफ्नो १४ औं स्थापना दिवस मनाएको छ । २०६१ साल जेठ २ गते पहिलो भेला भई समिति गठन गरेको दिनको स्मरण गर्दै स्थापना दिवस मनाएको हो । 
पहिलो भेलाले गठन गरेको तदर्थ समितिका अध्यक्ष क्या.हरिकृष्ण कुँवर, सचिव बुद्धिमान थापा, कोषाध्यष मेघ बहादुर थापा तथा सदस्यहरु तिलक थापा र ललित बहादुर कुँवरलाई सम्मानपत्र, नगद, खादा, संस्थाको डायरी प्रदान गरिएको थियो भने पहिलो भेलामा उपस्थित सबैलाई प्रसंसा पत्र, खादा र डायरी प्रदान गरयो । 
यसैगरी स्थापनाकालका विशेष सहयोगी पूर्व अध्यक्ष स्व.योगबहादुर के.सी.लाई मरणोपरान्त सम्मान गर्दै वहाँका धर्मपत्नी लक्ष्मी केसीलाई सम्मानपत्र, नगद,खादा र डायरी प्रदान गरियो । यसैगरी तत्कालिन सहयोगी धन प्रसाद गुरुङ र भुपेन्द्र खड्कालाई पनि सम्मानपत्र, नगद र डायरी सहित सम्मान गरिएको थियो । 
कार्यक्रममा प्रमुख अतिथि नेफ्कुनका संचालक भीम गुरुङले संगम सहकारीका हरेक कार्यक्रममा प्रसंसनीय भएको बताउँदै प्रोवेशनमा सहभागी भई सहकारीलाई स्तरीकरण गर्न लागेकोमा खुसी व्यक्त गरे । सहकारीले आफूलाई जाँच्ने उत्कृष्ट माध्यम नै प्रोवेशन भएकोले प्रोवेशनले जोखिम न्यूनिकरण गर्दै लैजाने बताए । 
यसैगरी विशेष अतिथि कास्की बचत तथा ऋण सहकारी संघका अध्यक्ष सुदीप ढकालले शरीर संचालनमा सबै अंगको भूमिका भए जस्तै सहकारी संचालनमा सबै सदस्यहरुको उत्तिकै महत्वपूर्ण भूमिका हुने बताए । 
संस्थाका अध्यक्ष निरज थापाले १५ वर्ष अगाडि जन्मदा पारिवारिक सहकारी भएर जन्मे पनि समय सँगसँगै सबैको मन जित्न सफल भई सामाजिक सहकारी भएको र संस्थामा हाल २२ सय बढी समय सदस्य र ३२ करोडको कारोवार गरिरहेको बताए ।
जिल्ला सहकारी संघ कास्कीका बरिष्ठ उपाध्यक्ष बलराम गौतम, संस्थाका यम बहादुर रानाभाट, गोविन्द बहादुर थापा, धन प्रसाद गुरुङ्ग, विष्णु कुमारी थापा लगायतले मन्तव्य राखेको उक्त कार्यक्रम सचिव धनराज पुरीको संचालन र निरज थापाको अध्यक्षतामा भएको थियो । 

Tuesday, May 15, 2018

तल्लो सिमलबोट टोलमा यात्रु प्रतिक्षालय निर्माण

पोखरा १ जेठ 

पोखरा लेखनाथ महानगरपालिका वडा नं १५ अन्र्तगत तल्लो सिमलबोट टोलमा यात्रु प्रतिक्षालय निर्माण गरिएको छ ।

    उक्त टोल स्थित निराजन चोकमा निर्मित प्रतिक्षालयको हालै एक समारोहकाबीच उद्घाटन गरिएको ढुङ्गेसाँघु आमा समूहका अध्यक्ष भीमा केसीले जानकारी दिईन् । आमा समूहका निवर्तमान अध्यक्ष जानुका (पार्वती) कार्कीको प्रमुख आतिथ्यतामा कार्यक्रम भएको हो । सो अवसरमा बोल्दै प्रमुख अतिथि कार्कीले प्रतिक्षालयले यात्रुहरुलाई सावरीधानको प्रतिक्षा गर्न सहज हुने बताईन् । कार्यक्रममा विशेष अतिथि एवं सामुदायिक खानेपानी उपभोक्ता संस्थाका अध्यक्ष ललित बहादुर भण्डारी, तल्लो सिमलबोट टोल विकास संस्थाका अध्यक्ष प्रेम बहादुर थापा, श्रृजना तमु समाजका अध्यक्ष हरिबहादुर गुरुङ, गलेश्वर यूवा क्लबका अध्यक्ष आशिष भण्डारी, टोल विकास संस्थाका उपाध्यक्ष गणेश भण्डारी लगायतले मन्तव्य राखेका थिए । 

सो अवसरमा प्रतिक्षालय निर्माणका लागि सहयोग गर्ने तल्लो सिमलबोट टोल विकास संस्थाका उपाध्यक्ष गणेश भण्डारी, स्थानीय भीम बहादुर थापा र केदार केसीलाई सम्मान समेत गरिएको थियो ।

समूहका अध्यक्ष भिमादेवि खत्रीको अध्यक्षतामा भएको कार्यक्रममा उपाध्यक्ष उमा थापाले स्वागत मन्तव्य व्यक्त गरेकी थिईन् भने सचिव सरु अधिकारीले गरेकी थिईन् ।

Monday, May 14, 2018

पोखरामा गुरुङ भाषा लेखन शैली तालिम सुरु- Gurung language writing style starts in Pokhara

बैशाख २९, 
पोखरा । पोखरामा २ दिने गुरुङ भाषा लेखन शैली तालिम सुरु भएको छ । गुरुङ भाषाको संरक्षण गर्ने उद्देश्यले तमु संचारकर्मी संघ, कास्कीको आयोजना, हिमाली आदिवासी समाज नेपालको आर्थिक सहयोग तथा तमु प्ये ल्हु संघ केन्द्रिय महिला समिति, पोखराको बिशेष सहयोगमा सुरु भएको कायक्रमको  एक समारोहको विच शनिवार उद्घाटन गरिएको हो ।
कार्यक्रमको उद्घाटन कार्यक्रमका प्रमुख अतिथि तथा प्रदेह नम्बर ४ का प्रदेशसभा सभासद् माननिय मिना गुरुङले पानसमा दियो प्रज्वलन गरी गरेकी थिईन । २ दिन सम्म चल्ने तालिममा बुद्धी गुरुङले प्रशिक्षण दिनेछन् भने ५० जना प्रशिक्षार्थीको सहभागिता रहको छ । तालिममा गुरुङ भाषाको लिपि सम्बन्धी जानकारी दिईने साथै लेख्न पनि सिकाईने तमु संचारकर्मी संघ, कास्कीका अध्यक्ष शान्ति गुरुङले बताईन । तालिमको उद्घाटन गर्दै प्रमुख अतिथि मिना गुरुङले सिकेका कुरालाई ब्यावहारमा उतार्न सहभागी प्रशिक्षार्थीहरुलाई आग्रह गर्दै गुरुङ भाषाको संरक्षणको लागी आफ्नो तर्फबाट सक्दो पहल गर्ने बताईन् । 
सोही अवसरमा प्रमुख अतिथि तथा प्रदेश नम्वर ४ का सभासद मिना गुरुङलाई सम्मान पनि गरिएको थियो । गुरुङ समुदायबाट प्रदेशसभामा निर्वाचित हुन सफल भएकोमा तमु संचारकर्मी संघ केन्द्र र जिल्लाले संयुक्त रुपमा माननिय गुरुङलाई सम्मानपत्र र दोसल्लाले सम्मान गरेको हो । कार्यक्रममा तमु प्हे ल्हु संघका केन्द्रिय अध्यक्ष हितकाजी गुरुङ, तमु प्हे ल्हु संघ महिला कार्य समितिका केन्द्रिय अध्यक्ष पुष्पा गुरुङ, तमु संचारकर्मी संघका सल्लाकार तथा पूर्वअध्यक्ष हुम गुरुङ लगाएतले शुभकामना मन्तब्य राखेका थिए । 
तमु संचारकर्मी संघ, कास्कीका अध्यक्ष शान्ति गुरुङको सभापतित्वमा भएको कार्यक्रममा स्वागत मन्तव्य कोषाध्यक्ष शिला गुरुङले गरेकी थिईन भने सञ्चालन सचिव सुरज गुरुङले गरेका थिए । 

संघीयता विरुद्धको राष्ट्रिय अभियानको अन्तरक्रिया कार्यक्रम सम्पन्न-Pokhara News Nepal

पोखरा, ३१ बैशाख । 
संघीयता विरुद्धको राष्ट्रिय अभियान केन्द्रीय समितिको आयोजनामा संघीयता, राष्ट्रियता र प्राकृतिक सम्पदा (जलस्रोत) का विषयमा अन्तरक्रिया कार्यक्रम सम्पन्न भयो ।
कार्यक्रममा प्रमुख वक्ता राष्ट्रिय जनमोर्चाका केन्द्रीय अध्यक्ष चित्र बहादुर केसीले संघीयता खारेज नभएर लागू भयो भने संघीयताले नेपाल खारेज गर्ने बताउनुभयो । भारतीय प्रधानमन्त्री नरेन्द्र मोदी धार्मिक भेषमा साम्प्रदायिक दङ्गा मच्चाउन र नेपालको जलस्रोत अरुण तेस्रो लिन आएका हुन्, संविधान जारी गर्न नदिने र जारी भैसकेपछि गर्न लागू गर्न नदिने, भुकम्पले आहाल भएका नेपाली जनताहरुलाई राहत दिनुको सट्टा नाकाबन्दी लगाउने मोदी कसरी धार्मिक हुन्छन् भन्ने टिप्पणी गर्नुभयो । 
उहाँले अरुण तेस्रो चोर बाटोबाट मोदीलाई कन्यादान दिने ओली सरकारको काम राष्ट्रघाती भएको बताउनुभयो । जनतालाई सचेत बनाएर अगाडि बढे नेपाली जनताले राष्ट्रियताको रक्षा गर्न सक्ने भएको हुँदा हामी आउका छौं, त्यसैले यस महान अभियानमा लाग्न सम्पूर्ण देशभक्त जनसमुदायसँग अपिल गर्नुभयो । 
त्यसैगरी राष्ट्रिय अभियानका केन्द्रीय सदस्य जलस्रोत विद् दिपक ज्ञवालीले आफू जनताको अधिकारका लागि विकेन्द्रीकरण होइन बहुराष्ट्रियकरण गर्ने जातीय, क्षेत्रीय विखण्डन ल्याउन सक्ने हुँदा आफू संघीयता विरुद्धको अभियानमा लागेको बताउनुभयो । आजको एक्काइसौं शताब्दीको युगमा पानी वा जलस्रोत नै कसले हात पार्ने भन्ने लडाई चलिरहेको सन्दर्भमा व्रिटिस इण्डियाकालदेखि नै नेपालको जलस्रोत माथि आफ्नो अधिपत्यता कायम राख्ने सिलसिलामा अरुण तेस्रो सम्झौता गरेको दावा गर्नुभयो । उर्जा मन्त्रालयको अधिकार नेपालको संविधानको गैरकानुनी रहेको बताउनुभयो । 
अर्का वक्ता नेपाली काँग्रेस कास्कीका सभापति कृष्ण के.सी.ले पार्टीले संघीयता स्वीकार गरे पनि व्यक्तिगत रुपमा आफूले स्वीकार गर्न नसक्ने र यो असफल हुने बताउनुभयो ।
अभियानका केन्द्रीय सदस्य कृष्ण प्रसाद भट्टराईको अध्यक्षतामा भएको कार्यक्रममा स्वागत केन्द्रीय सदस्य भैरबराज रेग्मी र संचालन प्रदेश नं. ४ का अध्यक्ष शंकर बरालले गर्नुभएको थियो । 



Friday, May 11, 2018

भरतपोखरी विकास मञ्चको उद्घोषक तालिम सम्पन्न


विष्णुहरि पौडेल
लेखनाथ ,२८ वैशाख। पोखरा लेखनाथ ३३ मा रहेका भरतपोखरी विकास मञ्चले संचालन गरेको ३ दिने उद्घोषण तालिम शुक्रवार सम्पन्न भएको छ । महिलाहरुलाई लक्षीत गरी कुनै पनि सभा सम्मेलनमा ढुक्कसँग बोल्ने बानीको विकास गराउने उदेश्यले आयोजना गरिएको उद्घोषक तालिम समापन समारोहमा बोल्दै कोप्स नेपालका महासचिव रामचन्द्र शर्माले मञ्चले भविश्यमा पनि यस प्रकारका तालिमहरु राखेर सामाजिक उत्तरदायित्व बहन गर्नु पर्ने वताएका थिए ।प्रशिक्षक शुष्मा पौडेलले  तालिमबाट  प्रशिक्षार्थीहरुमा ढुक्कसग कार्यक्रमहरु संचालन गर्न सक्ने विश्वास ब्यक्त गरेकी थिईन । कार्यक्रममा सहभागीहरुको तर्फबाट सरिता ढकाल, प्रमिला रानाभाट,कल्पना विक, रुवि वास्तोला,जमुना नेपाली राधा वाग्ले लगाएतले तालिमले आफुहरुलाई भविश्यमा उद्घोषक बन्न प्रेरणा मिलेको बताएका थिए ।  भरतपोखरी विकास मञ्चका अध्यक्ष डिल्लिराम बरालको अध्यक्षतामा सम्पन्न कार्यक्रममा संयोजक विजया भण्डारीले कार्यक्रम सञ्चालन गरेकी थिइन् भने विहानी वचत तथा ऋण सहकारीका सचिव किरण पोखे्रल लेखनाथ पत्रकार मञ्चका सचिव नेशनल एफ  एमका समाचार वाचक विष्णुहरि पौडेल लगाएतले वोलेका थिए  । तालिममा २२ जना महिलाहरुको सहभागीता रहेको थियो ।

एन्फा अध्यक्ष शेर्पालाई शितल ज्याति क्लबद्धारा सम्मान-Sports News




पोखरा २७ बैशाख ।

अखिल नेपाल फुटबल सँघका नबनिर्बाचित केन्द्रीय अध्यक्ष कर्मा छिरिङ शेर्पालाई पोखरा  लेखनाथ महानगरपालिका –१२ मा सक्रिय रहेको शितल ज्याति युवा क्लबले एक औपचारिक कार्यक्रमका बिच सम्मान गरेको छ ।

बिहिबार सम्पन्न परिचय तथा सम्मान कार्यक्रममा क्लबका अध्यक्ष तथा पदाधिकारीहरुद्धारा खादा, फुलकोगुच्छा सहित मायाको चिनोले शेर्पालाई सम्मान गरेको हो ।

सोही अबसरमा बोल्दै शेर्पाले संस्थामा एकात्मक तवरबाट हालीमुहाली रहेको नेतृत्वको शुद्धिकरण गर्न सफल भएको बताए । उनले अब सिङ्गो फुटबल क्षेत्रमा परिबर्तन हुने बताउदै खेलकुद जगतमा बिकासले गति लिने बताए । उनले भने “पोखरा आफैमा स्तरिय खेलाडी उन्पादन गर्न सक्ने ठाउँ हो, तर राम्रा राम्रा एकेडेमीको अभाबका कारण तुलनात्मक रुपमा गुणस्तरिय खेलाडी बाहीर निस्कन सकेका छैनन् ।”

उनले यथाशिघ्र ए डिभिजन लिग तथा ग्रासरुट लेभलका फुटबल प्रतियोगिताहरु छिट्टै आयोजना गर्ने बताउदै पोखरा क्षेत्रमा ५ देखी ७ वटा सम्म फुटबल ट्रेनिङ सेन्टर स्थापनाका लागी केन्द्रबाटै पहलकदमी थाल्ने प्रतिबद्धता समेत जनाएका थिए ।

परिचय तथा सम्मान कार्यक्रममा शितल ज्याति युवा क्लबका पदाधिकारी तथा साधारण सदस्यहरु, एन्फा कास्कीका अध्यक्ष मिलन गुरुङ, उपाध्यक्ष ईश्वर गुरुङ (चन्द्र) सदस्य नर बहादुर गुरुङ, टोल बिकास संस्थाका प्रतिनिधीहरु, आमा समुहका पदाधिकारीहरु, वडाबासीहरु तथा सामुदायिक प्रहरी सेवा केन्द्र माटेपानीका अध्यक्ष लगायतको उपस्थिती रहेको थियो ।

क्लबका अध्यक्ष सन्तोष गुरुङको सभापतित्वमा सम्पन्न सम्मान कार्यक्रमको सञ्चालन सचिब पुर्ण गुरुङले गरेका थिए ।

पोखरामा जारी १०२ हप्ताको सफाइ अभियान वडा नं. ९ स्थित सेती नदी किनारमा-Clean and Green Pokhara Nepal









यसपटकको सफाइ अभियान शान्तिवन बाटिकामा-मिति :२०७५ -०१ -२९ गते शनिबार
पोखरामा जारी १०२ हप्ताको सफाइ अभियान वडा नं. ९ स्थित सेती नदी किनारमा अवस्थित प्राकृतिक सम्पदाले भरिपूर्ण एवं वनभोजस्थलका रुपमा परिचित  शान्तिवन बाटिकामा हुँदैछ। सरसफाइ कार्यक्रम सँगसँगै त्यहाँका विकृति र बिसंगतिको अन्त्यका लागि समेत हामी सबैको उपस्थिति अपरिहार्य छ। तसर्थ सफाइ अभियानमा सहभागी भइ ऐक्यबद्धता जनाइदिनु हुन सबैमा हार्दिक अपिल गर्दछौं।

Saturday, May 5, 2018

१०१औं हप्ताको पोखरा उपत्यका बृहत् सफाई -Clean and Green Pokhara Nepal








१०१औं हप्ताको पोखरा उपत्यका बृहत् सफाई अभियान बिरौटा - १७ राममन्दिर परिसरमा सम्पन्न ।

Friday, May 4, 2018

कास्कीमा ६ यातायात व्यवसायी पक्राउ

est

पोखरा, २१ वैशाख कास्कीमा पृथ्वी राजमार्ग बस सञ्चालक समिति, पोखरा नगर बस समिति र बागलुङ भगवती जिप समितिसँग आवद्ध ६ जना व्यवसायीलाई प्रहरील पक्राउ गरेको छ ।
पोखराबाट रूद्रबहादुर नेपाली, रमेश सुचीकार, सुनील थापा र निर्मल तामाङ पक्राउ गरेको कास्की प्रहरी प्रमुख अशोक सिंहले जानकारी दिए । उनी बस धनी भएको र अन्यलाई पक्राउ गरेर ल्याउदै गरेको सिंहले बताए ।
पोखरामा रहेका समितिका पदाधिकारी भने मोवाइल नै अफ गरेर सम्र्पकमा नआएको प्रहरीको भनाई छ । अन्यलाई पक्राउका लागि खोजी कार्यजारी रहेको प्रहरीको भनाई छ ।
यातायात व्यवसायीको आन्दोलनका कारण पोखरामा बिहानैदेखी लामो तथा छोटो दुरीका सवारीसाधन चल्न सकेको छैन् । जसबाट सर्वसाधारण नागरिकहरु सम्बन्धीत गन्तव्यमा जान समस्यामा परेका छन् ।

विहान देखी नै पोखरामा सार्वजनिक गाडी ठप्प

Sunday, March 30, 2014

SIKKA BABA-POKHARA,NEPAL





 Arpit Gurung 
 30th March

W
andering around the street of Hemja with his unusually, bizarre funny kind of clothes on,  Ram Bahadur Pariyar has a different story unlike ours. He prefers to be called as Sikka Baba. One can see him walking around Tibetan Camp of Hemja with his weird looking dress full of coins, similar looking hat, with his ears pierced like grandmothers’, two flags of Nepal on each side on his arm, some metal bangles, big swag chain on his neck and lastly an old camera hanging around his neck. 
The inspiration behind this was, he had this strange dream one day, where he was wearing clothes with lots of coins sticking onto it. Then he started having the same dream again and again. So, he decided to live his life differently. During his 44 years of lifetime, he spent half of his age travelling all around 68 districts of Nepal. He started collecting coins and started sticking them on his clothes. He first started with his cap, then on his coat and later on his whole clothes. He claims that he has in total of 20 set of such clothes and they were all designed and sewed by himself. All the time, he is seen wearing his uniquely designed costume and he says he feel comfortable on them unlike other colthes. His clothes contain coins of 180 countries so far, mostly from Nepal. He has even got ancient coins of Nepal which we can see only in the museum. 
His further plans are to visit the remaining districts in Bagmati and Karnali. He says that most of his expenses are provided by the local V.D.C. he visits. Because of his clothes and his life stories he tells to people, he doesn't have to worry about his rent and food I guess.
Besides his coin collecting part, he stated that he is deeply concerned about World Peace & Development. And apart from his different life from us, his view on the Nepalese government is similar to ours, not a happy one.

Monday, March 24, 2014

World Water Day- 2014, Talk Program on "Water & Energy"-पानी र उर्जा विषयक छलफल कार्यक्रम सम्पन्न



           “विश्व पानी दिवश –२०१४” को सन्दर्भमा ग्लोबल पीस फाउन्डेसन नेपालको आयोजना, एकीकृत शहरी विकास केन्द्र र नेपाल साइन्स ओलम्पियाडको सहकार्यमा पानी र उर्जा विषयक छलफल कार्यक्रम जी.पी.एफ हल कमलादीमा २०७० चैत्र ९ गते  आइतबार सम्पन्न भयो । उक्त कार्यक्रममा पानी, उर्जा विज्ञ, अनुसन्धानकर्ता, नागरिक समाजका प्रतिनिधि, विद्यार्थी गरेर ६० जनाले भाग लिनु भएको थियो ।
      कार्यक्रममा ग्लोवल पीस फाउन्डेसन नेपालका अध्यक्ष ई. रामरोहन पन्तले स्वागत मन्तव्य व्यक्त गर्दै आफ्नो संस्थाले “दिगो विकास मार्फत शान्ति” को  अबधारणालाई अगाडी वढाउँदै पानी र उर्जाको क्षेत्रमा सस्थाले अगाडी वढाएको कार्यहरुको चर्चा गर्नुहुदै यस क्षेत्रको विकासका लागि राज्य पक्षको मात्र मुख नताकेर सबैले पहल गर्नुपर्ने बताउनु भयो ।
      कार्यक्रममा विश्व बैंकका उर्जा शान्ति सहयोग कार्यक्रमका अनुगमन र मुल्याङ्कन विज्ञ ई. कविन्द्र पुडासैनीले “पानी नेतृत्व” सम्बन्धि कार्यपत्र प्रस्तुत गर्दै नेपालमा पानीको सहि रुपले प्रयोग, वितरण र भविष्यको आवश्यकता पूर्ति र पहिचान, समस्या समाधानलाई सहिरुपले सम्बोधन गर्न “पानी नेतृत्व” सिप राष्ट्रिय, क्षेत्रिय र सामुदायीक क्षेत्रमा प्रतिनिधित्व हुने गरी त्यस सम्बन्धी पानी नेतृत्व कर्ता क्षमता विस्तार गर्नुपर्ने कुरामा जोड दिनु भयो ।
      कार्यक्रममा पुर्व उर्जा सचिव ई. हरिराम कोइरालाले नेपालमा उर्जा क्षेत्रको स्थिती, चुनौती, समस्या र समाधान, विषयमा प्रकाश पार्दै देशको विद्यमान उर्जा संकटलाई समाधान गर्न सरकारले नै उर्जा किनमेल सम्झौता (एएब्) गर्नुपर्ने र साना–ठुला विद्युत आयोजना देश तथा विदेशबाट लगानीको लागि लगानीमैत्री वातावरण सरकारले बनाउन पहल गर्नुपर्ने बताउनु भयो । उहाँले विद्युत प्रसारण लाइनको निर्माण र राजनैतिक नेतृत्व गणमा उर्जा क्षेत्रको समस्या समाधान गर्न त्यस किसीमको प्रतिबद्घता र नितिगत कुरामा सुधार ल्याउनु पर्ने कुरा व्यक्त गर्नु भयो ।
       कार्यक्रममा अर्का वक्ता पानी ईन्जिनियरिङ्ग र तालिम केन्द्रका वैज्ञानिक व्यवस्थापक श्री सुरेन्द्र पराजुलीले उपभोक्ताको गुणस्तरीय पानीको प्रयोगका अधिकारलाई सम्बोधन गर्न उच्च स्तरिय प्रयोगशालाको महत्व र राज्य पक्षबाट अनुगमन र मुल्याङ्कन गर्नुपर्ने कुरामा जोड दिनुभयो ।
     अधिकार सम्पन्न एकिकृत वागमती सभ्यता क्षेत्र विकास समितिका पुर्व अध्यक्ष श्री महेश बहादुर वस्नेतले वागमती सरसफाइ र नदिनाला संरक्षणमा विगतका आफ्ना अनुभव व्यक्त गर्नु भएको थियो ।
संचार संयोजक    
ग्लोबल पीस फाउन्डेसन, नेपाल

Wednesday, October 2, 2013

International Day of Non-Violence-2013 अन्र्तराष्ट्रिय अहिंसा दिवस सम्पन्न



काठमाण्डौ, संयुक्त राष्ट्र संघको आव्हानमा विश्वभर मनाउने अन्तराष्ट्रिय अहिंसा दिवस आज विविध कार्यक्रम गरी सम्पन्न भएको छ । ग्लोबल पीस फाउन्डेसनको सक्रियतामा प्रज्ञा भवनमा आयोजित “शान्तिको संस्कृतिः अहिंसा अभियान मार्फत राष्ट्रको समृद्वि” विषयक प्रवचन कार्यक्रममा मन्तव्य व्यक्त गर्नुहुदै नेपाल प्रज्ञा प्रतिष्ठानका कुलपति वैरागी काइलाले वर्तमान सन्र्दभमा समाज तथा राज्य परिवर्तनको लागी महात्मा गान्धिको अंहिसात्मक आन्दोलनको खाँचो रहेको बताउनु भयो । कार्यक्रममा राष्ट्रिय मानवअधिकार आयोगका पूर्व आयुक्त गौरी प्रधानले स्वतन्त्रता, शान्ति र स्थिरताविनाको समाज अग्रगामी हुन नसक्ने भन्दै त्यसतर्फ सोच्न आग्रह गनुभयो । २० औ शताब्दीका महान् पुरुष गान्धि एक अहिंसा पात्र भएको बताउँदै समता स्कूलका संस्थापक उत्तम सञ्जेलले नेपालमा हिंसाको कालो बादल अझै आकाशमा मडारिरहेकोले अभावको व्यवस्थापन गनुपर्ने बताउनु भयो । कार्यक्रममा पूर्व विज्ञान तथा वातावरण मन्त्री गणेश शाह, इन्दिरा मान्नधर, अधिवक्ता शुष्मा वास्कोटाले शान्तिको लागि जनस्तरबाट पहल कम भएको बताउनु भयो । भारतयि दुताबासका प्रथम सचिब आशिश शिन्हाले गान्धिको अंहिसात्मक आन्दोलन अझै सान्र्दभिक भएको बताउनु भयो । कार्यक्रममा बहुभाषिक कविता वाचन समेत गरिएको थियो ।  कार्यक्रममा स्वागत मन्तव्य व्यक्त गनुहुदै ग्लोबल पीस फाउन्डेसनका अध्यक्ष ई. रामरोहण पन्तले महात्मा गान्धिको अंहिसात्मक कार्यको विश्वभर प्रंशशा भएकोले हिंसा विरुद्धको लागी आवाज उठाउन कार्यक्रम गरिएको बताउनु भयो । कार्यक्रम महाकवी लक्ष्मी प्रसाद देवकोटा प्रतिष्ठानका अध्यक्ष रामहरी जोशीको सभापतित्वमा सम्पन्न भएको थियो । कार्यक्रम महाकवि देवकोटा अध्ययन प्रतिष्ठान, नेपाल रेडक्रस सोसाईटी काठमाण्डौ शाखा, उत्थान, सर्भिस फर पीस, वाइएसपी नेपाल, आयोन, जेसिवासिएन, इएसडिओ, शान्ति मैत्री समाज, जिपिवाइसी नेपाल, क्रोधरहित संसार नेपाल सहकार्यमा भएको थियो ।

Sunday, September 2, 2012

HSEB Grade 12 Results 2069/2012 Published (Management, Humanities, Education Stream ONLY) - updated

Finally, the Higher Secondary Education Board (HSEB) has announced the result of +2  Management, Humanities, Education  stream, and as usual other streams including Management has been delayed. The published results of HSEB grade XII Management, Humanities, Education stream can be viewed online from NTC website at http://hseb.ntc.net.np/ or IVR at 1601.

How to check result of HSEB 2069 (+2Management, Humanities, Education )

1.From Online.

Click here to check result online with mark sheet.

2.From PSTN/CDMA Landline and Mobile

Dial 1601 and follow the instructions clearly.

HSEB Grade 12 Results 2069 Published (Management, Humanities, Education Stream ONLY)

Sunday, July 22, 2012

HSEB Grade 12 Results 2069/2012 Published (+2 Science Stream ONLY) - updated

Finally, the Higher Secondary Education Board (HSEB) has announced the result of +2 Science stream, and as usual other streams including Management has been delayed. The published results of HSEB grade XII science stream can be viewed online from NTC website at http://hseb.ntc.net.np/ or IVR at 1601.


How to check result of HSEB 2069 (+2 Science Stream)

1.From Online.

Click here to check result online with mark sheet.

2.From PSTN/CDMA Landline and Mobile

Dial 1601 and follow the instructions clearly.

HSEB Grade 12 Results 2069 Published (+2 Science Stream ONLY)

Saturday, May 21, 2011

दोषी माओवादी लडाकूमाथि कारबाही गर्न इन्सेकको माग


अनौपचारिक क्षेत्र सेवा केन्द्र (इन्सेक) ले केही समयदेखि माओवादी लडाकूले मुलुकका विभिन्न भागमा शिविरबाट बाहिर निस्केर सर्वसाधारणलाई मरणासन्न हुने गरी कुटपिट गर्ने, सम्पत्तिमा क्षति पुयाउने जस्ता काम गरिआएकामा गम्भीर ध्यानाकर्षण भएको जनाएको छ ।
माओवादी लडाकूले इलामको चुलाचुली गाविस(१ कमलामा जेठ २ गते राति काँग्रेस कार्यकर्तासहित ६ जना स्थानीय बासिन्दालाई निर्घात कुटपिट गरी घाइते बनाउनाका साथै ६ वटा घर र दुईवटा मोटरसाइकलमा क्षति पुयाएको जनाउँदै केन्द्रले घटनाका दोषीलाई प्रचलित कानुनबमोजिम तथाशीघ्र कारबाही गर्न र पीडितको आवश्यक उपचारको प्रबन्ध मिलाउन सरकारसँग माग गरेको छ ।
यसैगरी, विधिको सम्मान गर्न र शान्तिसम्झौताको पालना गर्न पनि केन्द्रले एकीकृत (माओवादी) सँग आग्रह गरेको छ । मुलुकमा व्याप्त दण्डहीनता र यसअघि भएका आपराधिक घटनामा लडाकूलाई कानुनी दायरामा ल्याउन सरकार र एकीकृत नेकपा(माओवादी) अनिच्छुक रहेका कारण यस्ता घटना दोहोरिँदै गएको केन्द्रको निष्कर्ष छ ।