क्यानसर सम्बन्धि एक दिने जनचेतनामुलक कार्यक्रम:

पोखरा, ०२ साउन ।
कास्की सेवा हस्पिटल पोखराले क्यानसर सम्बन्धि एक दिने जनचेतनामुलक कार्यक्रम सम्पन्न गरेको छ । शनिबार हस्पिटलको आफ्नै प्रागणमा आयोजीत कार्यक्रममा करिव एक सय जनाको सहभागीता रहेको थीयो । कार्यक्रममा लामो समय देखी अमेरिकामा  रहेर चिकित्सा सेवा प्रदान गरिरहनु भएका डा.प्रकाश थपलियाले क्यान्सर रोगबारे जान्नु पर्ने कुरा र रोग लाग्नुबाट जोगीने उपाय बारे जानकारी गराउनुभएको थीयो । क्यानसर मुख्य तया दुई प्रकारको हुने थपलीयाले बताउनुभयो । ब्लड क्यान्सर र ट्युमर क्यान्सर बाट संसारमा करोडौ मान्छे पिडित रहेको डा.थपलियाले जानकारी दिनुभयो । क्यान्सर रोग मध्य १० प्रतिशत वंशाणुगत र ९० प्रतिशत नसर्ने उहाँले बताउनुभयो । अनावश्यक अनियन्त्रीत कोश वृद्धी हुनाले क्यान्सर हुने गरेको र सुरुको अवस्थामा पहिचान गर्न सके क्यान्सर रोगबाट उन्मुक्ति पाईने उहाँले जानकारी दिनुभयो । कार्यक्रममा कास्की सेवा हस्पिटलका प्रबन्ध निर्देशक डा.पदम खड्काले क्यानसर रोगबारे समाजमा रहेको भ्रम आतँक र यर्थाताको बारेमा प्रष्ट पर्नुभएको थीयो । कार्यक्रममा सचेतना संगै क्यान्सर सम्वधि निशुल्क स्वास्थ्य परिक्षण गरीएको थियो । नेपालमा रहेको बखत जनचेतना र निशुल्क स्वास्थ्य उपचारमा लागीरहने डा. थपलियाले प्रतिवद्धता समेत व्यक्त गर्नुभएको छ ।

मानव मिलन नारी जागरण नेपालको रक्तदान कार्यक्रम सम्पन्न-Pokhara-News-Nepal

साउन २, गते
पोखरा
मनव मिलन नारी जागरण नेपालले शनिवार आफ्नो वार्षिक कार्ययोजना अनुरुप रक्तदान कार्यक्रम सम्पन्न गरेको छ । रक्तदान कार्यक्रमको उद्घाटन गर्दै पोखरा उद्योग वाणिज्य संघका महासचिव रविन्द्रसन प्रजुले संस्थाले सामाजिकमा विभिन्न कार्यक्रम गरेकोमा प्रसंसा गर्नुभयो । कार्यक्रममा नेपाल पत्रकार महासंघका केन्द्रिय सदस्य सुस्मा पौडेलले संस्थाले गरेका गतिविधिहरु अनुकरणीय रहेको बताउनुभयो । त्यस्तै बोडकास्टिङ्ग एशोसियसन अफ नेपाल बानका केन्द्रिय सचिव तथा रेडियो सफलताका प्रवन्ध निर्देशक दुर्गा अधिकारीले संस्था, समाजमा उदाहरणीय संस्थाको रुपमा विकसित हुँदै गएको बताउनुभयो । नागरिक समाज पोखराका संयोजक रामबहादुर पौडेलले संस्थाले सवैलाई समेटेर काम गरेको बताउनुभयो । संस्थाका अध्यक्ष सावित्री शर्माको अध्यक्षतामा भएको कार्यक्रममा रक्तसंचार केन्द्रका प्राविधिक अर्जुन ज्ञवाली, आर्दशसमाज राष्ट्रिय दैनिकका पत्रकार गुप्तप्रसाद शर्मा, टोल विकास संस्था समन्वय समिति पोखरा ७ का अध्यक्ष राममोहन आर्चाय, महिला क्लव पोखराका अध्यक्ष विष्णु पराजुली, रेडक्रस सोसाइटी उपशाखा पोखरा ७ का अध्यक्ष ठाकुर प्रसाद बराल, महिला विकासका लागि आमा समुहका अध्यक्ष मेनुका बराल लगायतले बोल्नुभएको थियो ।  संस्थाका सहसचिव कमला गिरीले संचालन गरेको कार्यक्रममा स्वागत मनतव्य उपाध्यक्ष सविता बराल र कार्यक्रम बारेको जानकारी कार्यक्रम संयोजक मेनुका पोख्ररेलले गर्नुभएको थियो । कार्यक्रममा ७४ युनिट रगत संकलन भएको थियो । संस्थाले शिक्षा, स्वास्थ्य र मानव सेवाको क्षेत्रमा काम गर्दै आएको छ ।

३५ भुकम्प पिडित परिवारलाई राहत वितरण:Pokhara News-Nepal

पोखरा, ०२ साउन
डाँडा गाँउले सोसाईटी हङ्कङ्को सहयोगमा कास्कीको हंसपुर गाविसका ३५ भुकम्प पिडित परिवारलाई राहत वितरण गरिएको छ । गाविसका पुर्व उपाध्यक्ष एंव नेपाली कांग्रेसका नेता चन्द्र बहादुर गुरुङ्ले प्रति परिवार ३ हजारका दरले पिडितहरुलाई राहत वितरण गर्नु भएको गाविसका सामाजिक कार्यकर्ता विमलबाबु न्यौपानेले रेडियो सपलतालाई जानकारी दिनुभयो । डाँडा गाँउले सोसाईटी हंशपुरका अध्यक्ष चिनु गुरुङ्, उपाध्यक्ष प्रविन गुरुङ र सचिव गम बहादुर गुरुङ् लगायतको सक्रियाता र संयोजनमा उक्त कार्यक्रम गरिएको न्यौपाने बताउनुभयो । तर केही सामाजिक संघ संस्थाहरुले राहत स्वरुप सहयोग गरेपनि राज्यका तर्फबाट कुनै सहयोग नपाएको पिडितहरुले गुनासो गरेका छन् ।

विकाश र अनिल आरएमसी पोखरा ओपन टेनिसको उपाधीका लागि भिड्ने-News-Pokhara-Nepal Tennis

जेष्ठ २२, पोखरा

विकाश गुरुङ्ग र अनिल शाहि पोखरा रंगशालामा जारी आरएमसी पोखरा ओपन टेनिस प्रतियोगिताको उपाधीका लागि भिड्ने भएका छन् । शुक्रबार भएको सेमिफाइनलमा विकासले नविन रानामगरलाई तथा अनिलले धरमसिंह लामिछानेलाई पराजित गर्दै उपाधी भिडन्त निश्चित गरेका हुन् । प्रतिस्प्रधात्मक खेलमा विकासले नविनलाई ६–१,६–७ र सुपरटाईमा १०–५ ले पराजित गरेका थिए । त्यसअघि भएको पहिलो सेमिफाइनलमा अनिलले धरमलाई ६–१, ६–४ को सोझो सेटमा पराजित गर्दै फाइनल पुगेका हुन् ।

नौ वर्षदेखि टेनिस खेल्दै गरेका विकासले यसअघि लेकसाइडको गुरुङ्ग भिलेज टेनिस कोर्टमा दशै कपको उपाधी जितेका थिए । सोही कोर्टमा सम्पन्न ओम फ्यामिली कपमा पनि उनी उपविजेता बनेका थिए । गत महिना भुकम्प प्रभावितहरुको सहयोगका लागि पस्र्याङ्गमा सम्पन्न प्रतियोगितामा पनि उनी सेमिफाइनल पुगेका थिए । त्यसैगरि हेटौडामा सम्पन्न सामरि ओपन राष्ट्रिय टेनिस प्रतियोगितामा ३५ वर्ष माथिको एकलमा सेमिफाइनल पुगेका थिए । त्यसैगरि दार्जलिङमा भएको अन्र्तराष्ट्रिय टेनिस प्रतियोगितामा पनि क्वाटरफाइनल सम्म पुगेका थिए । अर्का प्रतिस्पर्धी अनिल शाहिले भने पोखरामा भएका प्रतियोगिताका विभिन्न ११ वटा टाइटल जितिसकेका छन् । उनी हाल पोखराको शिर्ष बरियता खेलाडी हुन् ।

मेन्स सिंगल्सको ‘बि’ क्याटोगोरीतर्फ उपाधीका लागि लोक गुरुङ्ग र प्रदिप खड्का आमने सामने हुनेछन् । स्काइ माउण्ट टेनिस क्लवको आयोजनामा भएको प्रतियोगिता अन्र्तगत मेन्स डबल्सको उपाधी शक्ति शर्मा र शरण गुरुङ्गको जोडिले जितेको छ । धरमसिंह लामिछाने र गोपीबहादुर भट्टराईको जोडिलाई ६–३, ६–२ को सोझो सेटमा पराजित गर्दै शक्ति शरण जोडिले सो उपाधी रक्षा गरेको हो । प्रतियोगितामा दुईवटा उपाधी जित्ने क्रममा शरणले नविन श्रेष्ठसंगको जोडिबाट मेन्स डबल्स ‘बि’ क्याटोगोरीको उपाधीपनि जिते । शरण र नविनको जोडिले पृथ्वीमान गुरुङ्ग र प्रदिप खड्काको जोडिलाई ६–३, ३–६ र १०–५ को सेटमा जित हाँसिल गर्दै उपधीमाथि कब्जा जमाएका हुन् ।

प्रतियोगिताको फाइनल खेल शनिबार बिहान हुने प्रतियोगिता संयोजक राजेन्द्र प्रसाद घिमिरेले जानकारी दिए । प्रतियोगितामा एकलतर्फको विजेताले नगद १० हजार र उपविजेताले ५ हजार सहित ट्रफि पुरस्कार प्राप्त गर्नेछन् भने अन्य इभेण्टका विजेताले नगद ५ हजार र उपविजेताले ३ हजार सहित ट्रफि पुरस्कार प्राप्त गर्नेछन् ।

Let's go Pokhara-Nepal-Pokhara is the most famous tourist place in Nepal

Let's go Nepal-जाउ है नेपाल घुम्नलाई
Let's go Pokhara-जाउ है पोखरा घुम्नलाई
Pokhara is the most famous tourist place in Nepal, and is the 2nd largest city, a valley, after Kathmandu, the capital. Pokhara is the city.
Adventure Sports in Pokhara Nepal-
One of the must visit places during your Holidays
पोखरा किन घुम्नै पर्ने ठाऊ हो
Bungee Jump,Zipflyer,Paragliding,Rafting,Ultralight, and Canoeing

Zipflyer Pokhara Nepal

Bungee Pokhara Nepal

Paragliding Pokhara Nepal

Rafting Pokhara Nepal

Canoeing Pokhara Nepal

Ultralight Pokhara Nepal