मुस्कान सहितको प्रहरी सेवा तालिम संचालन- Training for Nepal Police to serve with smile

    सेवाग्राही र आम जनता नै प्रहरी सेवाका मुख्य केन्द्रबिन्दु हुन् भन्ने कुरालाई आत्मसात् गर्दै प्रहरी सेवालाई अझ बढि व्यवसायिक, प्रभावकारी एवं सेवाग्राही केन्द्रित बनाउने नेपाल प्रहरीको रणनीतिक कार्ययोजना अनुरुप मिति २०७१/१/७ गते पश्चिम क्षेत्रीय प्रहरी सशस्त्र प्रहरी गणको प्राङ्गणमा “मुस्कान सहितको प्रहरी सेवा” प्रशिक्षणको उद्घाटन कार्यक्रम सम्पन्न भई सोही मितिबाट यस जिल्ला प्रहरी कार्यालय कास्कीले यस कार्यालय तथा मातहत प्रहरी कार्यालयहरुमा कार्यरत ३० जनाको संख्यामा पहिलो चरणमा २ दिने तालिम संचालन गरिएको छ । भने त्यस्तै  साथै यस जिल्लामा कार्यरत ८१० जना प्रहरी कर्मचारीहरुलाई क्रमसस् तालिम प्रदान गरिरहेको छ ।  

District Police Office Kaski

जिल्ला प्रहरी कार्यालय, कास्की

अनन्ता सामुदायिक सेवा समितिमा लागू औषध दूव्र्यसनी विरुद्ध सचेतना कार्यक्रम - Drugs control program held by Ananta Community Service-Pokhara

जेष्ठ १५, पोखरा ।
 अनन्ता सामुदायिक सेवा समितिको आयोजना र जिल्ला प्रहरी कार्यालय कास्की तथा सामुदायिक प्रहरी सेवा जिल्ला समन्वय समिति कास्कीको प्राविधिक सहयोगमा पोखरा २ विन्दबासिनी स्थित अनन्ता सामुदायिक सेवा समितिको सभाहलमा एक दिने लागू औषध दूव्र्यसनी सम्बन्धी प्रशिक्षण विहीबार सम्पन्न भयो ।
अनन्ता सामुदायिक सेवा समितिका अध्यक्ष सीता कुमारी दाहालको अध्यक्षतामा भएको कार्यक्रममा सामुदायिक सेवा एवं सामुदायिक प्रहरी सेवा जिल्ला समन्वय समिति कास्कीका प्रहरी नायव निरीक्षक रेशम पौडेलले  लागू औषधको बारेमा श्रव्य र दृष्यको माध्यमबाट सहजीकरण गरेका थिए भने आयोजक संस्थाका कार्य समिति तथा सदस्यहरु, सल्लाहकारहरु, अर्चलबोट पुन समाज आमा समूह, महिला परोपकार समूह टोल विकास संस्था समेतको सहभागिता रहेको कार्यक्रममा लागू औषधको कुप्रभावको बारेमा तयार पारिएको वृत्तचित्र उन्मुत्ती समेत प्रर्दशनी गरिएको थियो ।
संस्थाका सचिव शर्मिला रेग्मीले संचालन गरेको कार्यक्रममा बोल्दै कार्यक्रम संयोजक पूर्व अध्यक्ष माया सुवेदीले समाजमा विद्यमान लागू औषधको कुप्रभावलाई न्यूनीकरण गर्न यो कार्यक्रम निकै फलदायी रहने बताईन ।
कार्यक्रमको समापन गर्दै अध्यक्ष दहालले लागू औषधले हाल पोखरालाई ग्रस्त बनाउदै गएकोले यस प्रकारका सचेतनामुलक कार्यक्रमहरु प्रत्येक व्यक्तिलाई दिन आवश्यक रहेको बताईन ।  

   

Community Police Kaski

                         

समाज सुरक्षीत बनाउन नागरिकको पहिलो जिम्मेवारी Pokhara -Nepal

       समाज सुरक्षीत बनाउनको लागि नागरिकको पहिलो र अहम जिम्मेवारी हुने एक कार्यक्रमका वक्ताहरुले जोड दिनुभयो । कालिकामा मंगलबार सम्पन्न आम नागरिकमा सुरक्षा सम्बन्धी जानकारी गराउनका साथ प्रहरी कार्यमा आम नागरिकको सहयोग जुटाउने उद्देश्यले “प्रत्येक नागरिक बिना वर्दीका प्रहरी हुन भने प्रत्येक प्रहरी वर्दी सहितका नागरिक हुन” भन्ने नाराका साथ थालिएको नागरिक सुरक्षा सम्बन्धी नागरिक–प्रहरी अन्तरक्रिया कार्यक्रममा वक्ताहरुले नागरिकले सुरक्षा सम्बन्धी चिन्ता लिएमा समाज सुरक्षित हुने बताउनुभयो ।
सामुदायिक सेवा एवं सामुदायिक प्रहरी सेवा जिल्ला समन्वय समिति कास्कीको संयोजन, कालिका गाविसको व्यवस्थापन र सामुदायिक सेवा केन्द्र कालिकाको आयोजनामा सामुदायिक सेवा केन्द्र कालिकाका अध्यक्ष केदारनाथ अधिकारीको अध्यक्षतामा सम्पन्न कार्यक्रमका प्रमुख अतिथि जिल्ला प्रहरी कार्यालय कास्कीका प्रमुख प्रहरी उपरीक्षक बसन्त कुमार लामाले सुरक्षाको विषयमा आम नागरिकले चिन्ता लिएमा प्रहरी कार्य सहज हुनका साथै समाज सुरक्षित हुने बताउनुभयो ।
प्रहरी कार्यमा कसरी नागरिक सहयोग प्राप्त हुन सक्दछ भन्ने मुख्य विषय वस्तुका साथ गाँउ गाँउका समस्या सोही स्थानमा गई बुझ्ने र नागरिक प्रहरी दुवै पक्षले के कस्ता भूमिका निर्वाह गर्दा समाज सुरक्षित  हुन्छ भनी यस प्रकारको सुरक्षा सम्बन्धी अन्तरक्रिया कार्यक्रम लिएर आम नागरिकको बीचमा आएको बताउनुभयो । सो कार्यक्रममा कानून विपरित कार्य गर्ने जो कोहीलाई कानून बमोजिम कारवाही हुने हुदाँ नागरिकले कानून हातमा लिन नहुने तर प्रहरीलाई हरतरहले सहयोग गर्न तयार हुनु पर्ने बताउदै सामुदायिक सेवा केन्द्रलाई क्रियाशिल बनाउनुहोस म सामुदायिक प्रहरी उपलब्ध गराउछु भनि  प्रतिवद्धता समेत व्यक्त गर्नुभयो ।
 कालिका गाविसका सबै वडाहरुबाट उल्लेख्य उपस्थिती भएको सो अन्तरक्रिया कार्यक्रममा नागरिक सुरक्षाको सम्बन्धमा आम नागरिकले जान्नु पर्ने सामान्य कुराहरु, प्रहरी, सामुदायिक प्रहरी, नागरिक प्रहरीको सम्बन्ध, प्रहरी तथा आम नागरिकको जिम्मेवारी तथा कार्यक्षेत्रको बारेमा सामुदायिक सेवा एवं सामुदायिक प्रहरी सेवा जिल्ला समन्वय समिति कास्कीका प्रहरी नायव निरीक्षक रेशम पौडेलले कार्य पत्र प्रस्तुत गरेका थिए ।
सामुदायिक सेवा जिल्ला समन्वय समिति कास्कीका महासचिव बिमलबहादुर कार्कीले संचालन गरेको कार्यक्रममा संस्थाका अध्यक्ष लालबहादुर श्रेष्ठ, निवर्तमान अध्यक्ष सीता गुरुङ, विशेष अतिथिद्धय कृष्ण के.सी. र मान बहादुर जी.सी. समेतले कालिका क्षेत्रमा हाल बढदै गएको विकृति विसंगतिका घटनाहरुमा कुनै न कुनै स्थानबाट स्थानियले सहयोग गरेको हुन सक्ने भन्दै यदी स्थानियको सहयोग नहुने हो र सुरक्षाको लागि आम नागरिकले चिन्ता लिने हो भने समाज शान्त हुने बताउनुभयो । अन्तरक्रियामा उठेका प्रश्नका जवाफ दिदै प्रहरी निरीक्षक गंगाबहादुर थापाले नागरिकको सहयोगले कालिकालाई सुरक्षित गाविस बनाउन आफ्नो तर्फबाट कुनै कसर बाँकी नराख्ने बताउनुभयो । सो कार्यक्रममा एकबहादुर कार्की, निर्मल दियाली सुनार, राजेन्द्र त्रिपाठी, वद्री पौडेल, विरेन्द्र भण्डारी, हुमनाथ अधिकारी, हिमनाथ कुईकेल, समेतका वक्ताहरुले  कालिका क्षेत्रमा हाल भएका विकृति विसंगतिको अवस्था साथै सो स्थानमा सामुदायिक प्रहरीको माग गरेका थिए ।
  कालिका गाविस का सचिव शोभाखर ढकालले कार्यक्रमको बारेमा प्रकास पार्दै स्वागत गरेका थिए ।
मिति:२०७१/२/६ गते ।
जिल्ला प्रहरी कार्यालय कास्की
   

आम सुरक्षा सम्बन्धी लुम्लेमा नागरिक प्रहरी बीच अन्तरक्रिया - Nepal Police discuss for the safety of the mass in Lumle

जेष्ठ ४, पोखरा 

 आम नागरिकमा सुरक्षा सम्बन्धी जानकारी गराउनका साथ प्रहरी कार्यमा आम नागरिकको सहयोग जुटाउने उद्देश्यले “प्रत्येक नागरिक बिना वर्दीका प्रहरी हुन भने प्रत्येक प्रहरी वर्दी सहितका नागरिक हुन” भन्ने नाराका साथ थालिएको नागरिक सुरक्षा सम्बन्धी नागरिक – प्रहरी अन्तरक्रिया कार्यक्रम लुुम्ले गाविसमा आईतबार सम्पन्न भयो ।
सामुदायिक सेवा एवं सामुदायिक प्रहरी सेवा जिल्ला समन्वय समिति कास्कीको संयोजन, सामुदायिक सेवा केन्द्र एवं सामुदायिक प्रहरी सेवा केन्द्र बगरको व्यवस्थापन र लुम्ले गाविसको आयोजनामा लुम्ले गाविसका सचिव हरी प्रसाद अधिकारीको अध्यक्षतामा सम्पन्न कार्यक्रमका प्रमुख अतिथि जिल्ला प्रहरी कार्यालय कास्कीका प्रमुख प्रहरी उपरीक्षक बसन्त कुमार लामाले सुरक्षाको महत्वपूर्ण पक्ष नै होशियारी भएको बताउदै नागरिक र प्रहरी दुवै पक्षमा कमजोरी भएकोले सो कमजोरी हटाई आपसमा मिलेर सहकार्य गर्नको लागि कास्की प्रहरी यहाँहरुको माझ आएको बताउनुभयो । देशको कानूनको पालना गर्दै निस्वार्थ जनताको सेवा गर्नेछौ भनि कसम खाएका प्रहरी संगठनका केही गलत सदस्यका कारण भएको बदनामी मेटाउन प्रहरी संगठन लागि परेको बताउदै वहाँले समाज चनाखो भई सकारात्मक सोचका साथ काम गरेमा प्रहरीको आचरण र व्यवहारमा छिट्टै परिवर्तन हुने समेत बताउनुभयो । अन्तरक्रियामा उठेका प्रश्नको जवाफ दिदै लामाले हरेक सकारात्मक कार्यको लागि नागरिक प्रहरी सहकार्य गर्न जिल्ला प्रहरी कार्यालय कास्की सधै तत्पर रहेको बताउदै आम सुरक्षाको लागि प्रतिवद्धता व्यक्त गर्नुभयो ।
 लुम्ले गाविसका सबै वडाहरुबाट उल्लेख्य प्रतिनिधित्व भएको सो अन्तरक्रिया कार्यक्रममा नागरिक सुरक्षाको सम्बन्धमा आम नागरिकले जान्नु पर्ने सामान्य कुराहरु, प्रहरी, सामुदायिक प्रहरी, नागरिक प्रहरीको सम्बन्ध, प्रहरी तथा आम नागरिकको जिम्मेवारी तथा कार्यक्षेत्रको बारेमा सामुदायिक सेवा एवं सामुदायिक प्रहरी सेवा जिल्ला समन्वय समिति कास्कीका प्रहरी नायव निरीक्षक रेशम पौडेलले कार्य पत्र प्रस्तुत गरेका थिए ।
सामुदायिक सेवा जिल्ला समन्वय समिति कास्कीका महासचिव बिमलबहादुर कार्कीले संचालन गरेको कार्यक्रममा संस्थाका अध्यक्ष लालबहादुर श्रेष्ठ, निवर्तमान अध्यक्ष सीता गुरुङ, भरत देवकोटा, लक्ष्मण देवकोटा, चन्द्र बहादुर गुरुङ, जौमाया देवकोटा, सन्तोष गुरुङ, आसमाया वि.क., जीवन देवकोटा, भक्तिराम देवकोटा, चुणाराम देवकोटा, नारायण बराल समेतका वक्ताहरुले सुरक्षा, प्रहरीको हालको व्यवहार, सुधार गर्नुपर्ने विषय लगागत गाविसका अन्य विषयमा समेत बोलेका थिए ।
कार्यक्रमका संयोजक सामुदायिक सेवा केन्द्र एवं सामुदायिक प्रहरी सेवा केन्द्र बगरका अध्यक्ष पुरुषोत्तम श्रेष्ठले कार्यक्रमको बारेमा प्रकास पार्दै स्वागत गरेका थिए ।                                              

होडिङ्ग वोर्ड राख्ने क्रममा खसी मृत्यु- Man died while placing Hooding Board

   बैशाख २९, पोखरा,जि. कास्की पोखरा उप.म.न.पा. वडा नं. ९ पृथ्वीचोक स्थित नयाँ बन्दै गरेको घरको छतमा होडिङ्ग बोर्ड काटेर हटाउन खोजि रहेको अवस्थामा जि. संखुवासभा घर भई हाल पोखरा ५ बस्ने वर्ष ४२ को पंच बहादुर तामाङ्ग २ तला माथिबाट खस्न गई घाईते भएकोमा तत्काल उपचारको लागि मणिपाल शिक्षण अस्पतालमा लगि उपचार भईरहेको अवस्थामा मृत्यु भएको छ । सो घट्ना सम्बन्धमा अन्य अनुसन्धान भईरहेको छ ।