सुनका गरगहना तथा ल्यापटप कम्प्यूटर चोरी गर्ने पक्राउ - Gold & computer theif caught

   

 पोखरा उप.म.न.पा. वडा नं. १८ बस्ने उषा के.सी. लगायत सपरिवार आफनो घरमा ताला लगाई उपचारको लागि मिति २०७१/१/२१ गते काठमाण्डौ गएकी र मिति २०७१।१।२५ गते घर फर्कि घरमा हेर्दा ताला फोडी घर भित्र कोठमा रहेका सामानहरु लथालिङ्ग पारी कोठमा रहेको सुनका गरगहना, क्यामरा, ल्यापटप, चरेसका थाल, कचौरा, भिडियो क्यामेरा, मोवाईल र रकम समेत चोरी भएको हुँदा आवश्यक कारवाही गरि पाउँ भनि निज उषा के.सी. ले यस कार्यालयमा निवेदन दिनासाथ उक्त घट्नामा संलग्न हुन सक्ने व्यक्तिहरुको खोजतलास एवं अनुसन्धान गर्ने क्रममा यस कार्यालयबाट खटिएको विशेष प्रहरी टोलीले मिति २०७१।०१।२८ गते निम्न ६ जना व्यक्तिहरुलाई चोरी गरेको सुनको मंगल सुत्र १ थान, कानमा लगाउने मुन्द्रा २ थान, भिडियो क्यामेरा थान १, औठी १, डेल ल्यापटप १, चरेशको थाल र कचौरा ६, मोवाईल २ सहित पक्राउ गरी चोरी मुद्धामा अनुसन्धान कारवाही भईरहेको छ ।

पक्राउमा परेका व्यक्तिहरु:
१)    जि. कास्की पोखरा ११ रामघाट बस्ने वर्ष ३४ कि सन्तुमाया सार्की
२)    जि. कास्की पोखरा ५ पश्र्याङ्ग बस्ने वर्ष २४ को सोम पुन
३)    जि. कास्की पोखरा १७ घर भै हाल पोखरा ५ बस्ने धन बहादुर गौतम
४)    जि. कास्की पोखरा ९ बस्ने वर्ष २२ को हल्दार भन्ने बिमल पाण्डे
५)    जि. कास्की पोखरा ९ पृथ्वीचोक बस्ने वर्ष १५ को जिवन नेपाली
६)    जि. कास्की पोखरा १४ चाउथे बस्ने वर्ष १७ को अर्जुन बि.क.

District Police Office Kaski

जिल्ला प्रहरी कार्यालय, कास्की

निर्मल पोखरी गाबिसमा नागरिक प्रहरी अन्तरक्रिय-Nirmal Pokhari V.D.C Kaski

वैशाख १२, पोखरा ।

 कास्की प्रहरीले “प्रत्येक नागरिक बिना वर्दीका प्रहरी हुन र प्रत्येक प्रहरी वर्दी सहितका नागरिक हुन” भन्ने नाराका साथ गाँउ गाँउमा नागरिक सुरक्षा विषयमा स्थानिय नागरिक र प्रहरी बीचमा अन्तरक्रिया कार्यक्रमको अभियान थालेको छ । 

सोही अभियान अन्तरगत शुक्रबार सामुदायिक सेवा एवं सामुदायिक प्रहरी सेवा जिल्ला समन्वय समिति कास्कीको संयोजन र निर्मल पोखरी गाविसको आयोजनामा निर्मलपोखरी गाविसको जनचेतन उमाबिको प्राङ्गणमा गाविसको पाँच सय भन्दा बढी स्थानिय नागरिकको भेलाका बीच अन्तरक्रिया कार्यक्रम सम्पन्न भयो ।

निर्मलपोखरी गाविसका सचिव गंगादत्त पौडेलको अध्यक्षतामा सम्पन्न सो कार्यक्रममा उठेका जिज्ञासाको जवाफ दिदै प्रमुख अतिथि जिल्ला प्रहरी कार्यालय कास्कीका प्रहरी नायव उपरीक्षक राजेशनाथ बास्तोलाले प्रहरी र नागरिक बीच सहकार्य गरी गरिएका कार्यहरु फलदायि हुनुका साथै दुरगामी पनि हुने हुनाले समाजलाई समुन्नत बनाउनको लागि हामी प्रहरी र नागरिक एक अर्कामा होस्टेमा हैसे गर्नुपर्ने कुरा बताउनुभयो । नागरिकहरु सुसूचित भएर नै हाल नेपाल प्रहरीको कार्य उत्कृष्ट भएको उल्लेख गर्दै कानून कार्यान्वयनमा कोही कसैसँग सम्झौता नगरिने हुँदा समाजका अग्रज व्यक्तिहरुले प्रहरीले समातेको व्यक्तिलाई छुटाउन हैन कि समाजमा अपराधिक क्रियाकलाप हुन नदिने भूमिका खेल्न अनुरोध गर्नुभयो । 

कार्यक्रममा जनचेतन उमाविका प्राचार्य निर्मल बहादुर अधिकारी, सामुदायिक सेवा जिल्ला समन्वय समिति कास्कीका अध्यक्ष लालबहादुर श्रेष्ठ, नागरिक समाजका अध्यक्ष उदयबहादुर रायमाझी, नेपाली काग्रेसका प्रतिनिधी रघु पराजुली, एमालेका प्रतिनिधी कृष्णबहादुर थापा, नेकपा एमाओवादीका प्रतिनिधी प्रकाश पौडेल, केशर निर्दोशी, संगिता भण्डारी, केशव आचार्य, गुरुप्रसाद पौडेल, पूर्ण प्रसाद अधिकारी, रमादेवी आचार्य, नारायणदत्त अधिकारी, दिपेन्द्र पौडेल लगायतका व्यक्तिहरुले सुरक्षा सम्बन्धमा प्रहरी तथा स्थानिय नागरिकको भूमिका विषयमा बोलेका थिए ।

सामुदायिक सेवा एवं सामुदायिक प्रहरी सेवा जिल्ला समन्वय समिति कास्कीका महासचिव बिमलबहादुर कार्कीले संचालन गरेको कार्यक्रममा स्वागत तथा कार्यक्रमको बारेमा सोही कार्यालयका ईन्र्चाज प्रहरी नायव निरीक्षक रेशमलाल पौडेलले प्रकास पारेका थिए । उठेका जिज्ञासाको जवाफ दिने क्रममा जिल्ला प्रहरी कार्यालय कास्कीका प्रहरी निरीक्षक चन्द्रा गुरुङले महिला हिंसा, घरेलु हिंसा अझै समाजबाट हटी नसकेको बताउदै महिला सहभागिता र महिला सचेतनाको आवश्यकताको बारेमा बताउनुभयो ।

सामुदायिक प्रहरीको लागू औषध तथा एच.आई.भी.विरुद्धको प्रशिक्षण-Kaski-Police

प्रहरीको सचेतनामुलक क्रियाकलाप अन्तरगत सामुदायिक सेवा केन्द्र एवं सामुदायिक प्रहरी सेवा केन्द्र लेखनाथको आयोजनामा लेखनाथ ४ स्थित स्याङ्गजाली समाजको भवनमा लागू औषध तथा एच.आई.भी. एडस विरुद्ध सचेतना सम्बन्धी एक दिवसिय प्रशिक्षण कार्यक्रम सोमवार सम्पन्न भयो ।
सामुदायिक सेवा केन्द्र एवं सामुदायिक प्रहरी सेवा केन्द्र लेखनाथका अध्यक्ष शेर बहादुर गुरुङको अध्यक्षतामा भएको कार्यक्रममा प्रमुख अतिथि जिल्ला प्रहरी कार्यालय कास्कीका प्रहरी नायव उपरीक्षक राजेशनाथ बास्तोलाले  विकृति विसंगति न्यूनीकरणको लागि घरघरबाट प्रत्येक व्यक्ती जागरुक हुनुपर्ने बताउदै सो को लागि सामुदायिक प्रहरीको अभियानमा सबैले लाग्नुपर्ने बताउनुभयो । हाल नेपालमा सामाजिक रोगको रुपमा रहेको लागू औषध र एच.आई.भि. एक अर्कामा अन्योन्याश्रित सम्बन्ध राख्ने हुनाले हामी समयमानै आफ्ना वालवालिकाको संगत तथा रहनसहनको बारेमा जानकार हुनु जरुरी छ भन्नुभयो । कानूनले दण्ड सजायमा कठोर रुप लिएको लागू औषधको असर बारेमा बताउदै प्रमुख अतिथि बास्तोलाले भविष्यका कर्णधार विद्यार्थिहरु भविष्यमा विभिन्न वृत्ति विकासको लागि विदेश जान तथा विभिन्न संघ संस्था खोल्न या सरकारी नोकरीमा आवश्यक पर्ने प्रहरी रिपोर्टमा समेत लागू औषधको कुरा उल्लेख हुने र त्यस्ता कार्यबाट वञ्चित हुने हुँदा आजैबाट यूवा तथा अभिभावक समेत सचेत हुन सुझाव दिनुभयो ।
सचिव रामजी न्यौपानेले संचालन गरेको कार्यक्रममा स्याङजाली समाजका अध्यक्ष क्या.डिक बहादुर गुरुङ, उपाध्यक्ष प्रेम कुमारी गुरुङ, प्रहरी निरीक्षक गंगाबहादुर थापा, संस्थाका सल्लाहकार सुवेदार अमित गुरुङ, सातताल चेचनशिल युवा क्लवका सदस्य विकास ढुङ्गाना समेतले लागू औषधको कुप्रभावको बारेमा बोलेका थिए । लेखनाथ ४ स्थित तालबेसीमा रहेका यूवा, विद्यार्थी, अभिभावक, यूवा क्लवका सदस्य आमा समूहका प्रतिनिधी तथा सदस्यहरु समेत गरी १ सय ५६ जना व्यक्तिहरुलाई नौलो घुम्तीका रामशरण सेडाई र ओम गुरुङले सहजीकरण गरेका थिए ।
 
मिति : २०७१/१/१५ गते ।

District Police Office Kaski

जिल्ला प्रहरी कार्यालय, कास्की

ठगी गर्ने पक्राउ-Pokhara-Nepal News

      जिल्ला लम्जुङ भोर्लेटार ४ स्थायी घर भई हाल पोखरा न्यूरोड डेरा गरी बस्ने बिकल पौडेलले जिल्ला कास्की पोखरा ४ रामकृष्णटोल बस्ने बर्ष ३७ को ईश्वर लिगललाई ब्यापार ब्यवसायमा सामान थपी कारोवार बढाउनको लागि भनी सापटी स्वरुप १७,२२,०००।( ९सत्र लाख बाईस हजार० दिएकोमा निज बिकल पौडेलले आफले  दिएको सापटी रकम निज ईश्वर लिगलसंग बारम्बार फिर्ता दिन अनुरोध गर्दा नदिई केही लामो समय पछि सनराईज बैंक पोखराको खातामा रकम छ चेक मार्फत उक्त रकम भुक्तानी लिनु भनि दिएकोमा रकम लिन गई चेक साटन लाग्दा उक्त बैंकमा निज ब्यक्तिको खातामा रकम नै नभएकोले रकम नभएको चेक दिई ठगी गरेको हुंदा निज ईश्वर लिगललाई मिति २०७१/१/१० गते पक्राउ गरी आबश्यक अनुसन्धान कारवाही भईरहेको छ ।

 District Police Office Kaski

जिल्ला प्रहरी कार्यालय, कास्की

लागू औषध सहित मानिस पक्राउ-Pokhara Nepal

जिल्ला नवलपरासी पिठौली गा.वि.स. वडा नं.७ लोकाहा बस्ने बर्ष २१ को सुमन थनेतले भारतबाट अवैध लागू औषध खरिद गरी पोखरा नगर क्षेत्रमा बिक्री बितरण गर्दछन भन्ने बिशेष सूचना आधारमा लागू औषध नियन्त्रणको कार्यमा खटिएको बिशेष प्रहरी टोलीले निज सुमन थनेतलाई पोखरा ( ९ नयांबजारमा निजको शरिरमा लुकाई छिपाई राखेको नर्फिन ईन्जेक्सन ४, डाईजापाम ईन्जेक्सन ५ थान, फेनरागन ईन्जेक्सन ५ थान सहित पक्राउ गरी ला.औ. मुद्दामा अनुसन्धान कारवाही भईरहेको छ । 

District Police Office Kaskiजिल्ला प्रहरी कार्यालय, कास्की

लागू औषध सहित मानिस पक्राउ-Pokhara

    जिल्ला कास्की पोखरा उप.म.न.पा. वडा नं. ४ सिदार्थचोक बस्ने बर्ष ४५ को बिनोद श्रेष्ठले भारतबाट अवैध लागू औषध खरिद गरी ल्याई पोखरा नगर क्षेत्रमा बिक्री बितरण गर्छ भन्ने बिशेष सूचनाको आधारमा लागू औषध नियन्त्रणको कार्यमा खटिएको बिशेष प्रहरी टोलीले निज बिनोद श्रेष्ठले निज बस्ने स्थानमा खानतलासी गर्दा लुकाई छिपाई राखेको अवस्थामा नर्फिन ईन्जेक्सन ४, डाईजापाम ईन्जेक्सन ५, फेनरागन ईन्जेक्सन ५ सहित पक्राउ गरी ला.औ. मुद्दामा अनुसन्धान कारवाही भईरहेको   छ ।

वानका उपाध्यक्ष पौडेललाई बधाई-Ramesh Poudel Pokhara

पोखरा, बैशाख ५ गते 

शुभकामना वचत तथा ऋण सहकारी संस्थाका सल्लाहाकार रमेश पौडेल स्वतन्त्र रेडियोहरुको संगठन बोर्डकास्टिङ एशोसिएशन अफ नेपालको पश्चिमाञ्चल उपाध्यक्षमा निविरोध रुपमा चयन हुनु भएकोमा सो सहकारीले बधाई एव्म शुभकामना कार्यक्रम आयोजना ग¥यो । पौडेल रेडियो बाराहीका कार्यकारी निर्देशक एव्म नेपाल प्रेश युनियनका पश्चिमाञ्चल संयोजक समेत हुनुहुन्छ ।
२०७१ सालको पूर्व सन्ध्यामा आयोजित सो कार्यक्रममा संस्थाका अध्यक्ष नर बहादुर कार्कीले नयाँ वर्षको शुभकामनाका साथ पौडेललाई बधाई ज्ञापन गर्नुभएको थियो । कार्यक्रममा वानका उपाध्यक्ष पौडेलले सहकारीलाई गाँउ–गाँउमा पु¥याउन मिडियाको भुमिका रहेको बताउनु भयो ।
 कार्यक्रममा सल्लाहाकार क्या. शिव बहादुर कार्की, यम बहादुर क्षेत्री, उपाध्यक्ष चेत नारायण सापकोटा, सचिव गोकर्ण बरुवाल, कोषाध्यक्ष बल बहादुर जि.सी., प्रेम शर्मा बरुवाल, ठाकुर प्रसाद सापकोटा, आशा गुरुङ, बसन्त गौचन, ईन्द्र बहादुर कार्की लगायतले पौडेललाई बधाई दिदै सम्पूर्ण शेयर धनी एवम् अन्य महानुभावहरुमा

ठगी गर्ने पक्राउ-Pokhara News Nepal

जिल्ला स्याङजा सेतीदोभान घर भई हाल पोखरा १७ ड्यामसाईटमा डेरा कोठा गरी बस्ने बिष्णु पौडेलले जि। कास्की पोखरा ९ पृथ्वीचोकमा अव्दुल मोवाईल रिपेयरिङ पसल संचालन गरी बस्ने अव्दुल ईनाम मियालाई सापटी स्वरुप रु। १० लाख दिएको, केही महिना पश्चात निज बिष्णु पौडेलले उक्त सापटी दिएको रकम फिर्ता माग्दा निज अव्दुल मियाले अपी फाईनान्स र आमा मिलन बचत तथा ऋण सहकारी संस्थाको चेक दिएकोमा उक्त बैंकमा रकम लिन जांदा खातामा रकम नै नभएको हुंदा बिष्णु पौडेलले यस कार्यालयमा निवेदन दिएको हुंदा अव्दुल मियालाई मिति २०७१।०१।५ गते पक्राउ गरी आबश्यक अनुसन्धान अगाडि बढाईएको छ ।

मिति : २०७१/१/५ गते ।
प्र.ना.उ. राजेशनाथ बास्तोला
जिल्ला प्रहरी कार्यालय कास्की

 

आई फोन मोवाईल चोरी गर्ने पक्राउ

मिति २०७०/१२/१३ गते दिनको १३स्०० बजेको समयमा जि.कास्की ले.न.पा. ७ स्थित तालचोक बस्ने मिलन चौरेली रानाभाटको मुल्य रु.५२ हजार पर्ने आई फोन मोवाईल थान १ चोरी भएको घटनामा अनुसन्धान एवं खोजतलासको क्रममा उक्त मोवाईल चोरी गर्ने जि. कास्की पोखरा १७ घारीपाटन बस्ने बर्ष २३ को सन्तोष नेपाली र जि. कास्की निर्मलपोखरी ५ बस्ने बर्ष २२ को नरेन्द्र आचार्यलाई उक्त चोरी गरेको  मोवाईल सहित मिति २०७०/१२/१८ गते पक्राउ गरी अनुसन्धान कारवाही भईरहेको छ । 

District Police Office Kaski 
जिल्ला प्रहरी कार्यालय कास्की 

SIKKA BABA-POKHARA,NEPAL

 Arpit Gurung 

 30th March

W

andering around the street of Hemja with his unusually, bizarre funny kind of clothes on,  Ram Bahadur Pariyar has a different story unlike ours. He prefers to be called as Sikka Baba. One can see him walking around Tibetan Camp of Hemja with his weird looking dress full of coins, similar looking hat, with his ears pierced like grandmothers’, two flags of Nepal on each side on his arm, some metal bangles, big swag chain on his neck and lastly an old camera hanging around his neck. 

The inspiration behind this was, he had this strange dream one day, where he was wearing clothes with lots of coins sticking onto it. Then he started having the same dream again and again. So, he decided to live his life differently. During his 44 years of lifetime, he spent half of his age travelling all around 68 districts of Nepal. He started collecting coins and started sticking them on his clothes. He first started with his cap, then on his coat and later on his whole clothes. He claims that he has in total of 20 set of such clothes and they were all designed and sewed by himself. All the time, he is seen wearing his uniquely designed costume and he says he feel comfortable on them unlike other colthes. His clothes contain coins of 180 countries so far, mostly from Nepal. He has even got ancient coins of Nepal which we can see only in the museum. 

His further plans are to visit the remaining districts in Bagmati and Karnali. He says that most of his expenses are provided by the local V.D.C. he visits. Because of his clothes and his life stories he tells to people, he doesn't have to worry about his rent and food I guess.

Besides his coin collecting part, he stated that he is deeply concerned about World Peace & Development. And apart from his different life from us, his view on the Nepalese government is similar to ours, not a happy one.

नक्कली प्रहरी पक्राउ -Pokhara

पोखरा, १३ चैत /आफूलाई प्रहरी बताउदै धम्की दिई रकम असुल गर्ने एक व्यक्तिलाई कास्की प्रहरीले पक्राउ गरेको छ । पोखरा १० रामघाट स्थित लमजुङ्ग होटलका सञ्चालक कृष्ण गिरिलाई आफू महानगरिय प्रहरी परिसर हनुमान ढोका काठमाण्डौँको CID भएको र गिरि विरुद्ध केस परेको भन्दै धम्की दिइ रकम असुल गर्ने २१ वर्षिय सुवासचन्द्र पौडेललाई प्रहरीले पक्राउ गरेको हो ।धम्की दिई रकम माग गरेको भन्ने सुचना प्राप्त हुना साथ खटिएको प्रहरी टोलीले ग ८ प १००२ नम्बरको मोटरसाइकल चढी फरार रहेका पौडेललाई पिछा गर्दै जाँदा पश्चिमाञ्चल क्षेत्रीय अस्पताल पछाडिबाट पक्राउ गरेको जिल्ला प्रहरी कार्यालय कास्कीका प्रवक्ता प्रहरी नायव उपरीक्षक राजेशनाथ बास्तोलाले जानकारी दिए ।
कास्की धिताल ३ घर भई हाल पोखरा ५ पस्र्याङ बस्ने पौडल विरुद्ध म्याद थप गरि थप अनुसन्धान भैरहेको प्रहरीले जनाएको छ ।

World Water Day- 2014, Talk Program on "Water & Energy"-पानी र उर्जा विषयक छलफल कार्यक्रम सम्पन्न

           “विश्व पानी दिवश –२०१४” को सन्दर्भमा ग्लोबल पीस फाउन्डेसन नेपालको आयोजना, एकीकृत शहरी विकास केन्द्र र नेपाल साइन्स ओलम्पियाडको सहकार्यमा पानी र उर्जा विषयक छलफल कार्यक्रम जी.पी.एफ हल कमलादीमा २०७० चैत्र ९ गते  आइतबार सम्पन्न भयो । उक्त कार्यक्रममा पानी, उर्जा विज्ञ, अनुसन्धानकर्ता, नागरिक समाजका प्रतिनिधि, विद्यार्थी गरेर ६० जनाले भाग लिनु भएको थियो ।
      कार्यक्रममा ग्लोवल पीस फाउन्डेसन नेपालका अध्यक्ष ई. रामरोहन पन्तले स्वागत मन्तव्य व्यक्त गर्दै आफ्नो संस्थाले “दिगो विकास मार्फत शान्ति” को  अबधारणालाई अगाडी वढाउँदै पानी र उर्जाको क्षेत्रमा सस्थाले अगाडी वढाएको कार्यहरुको चर्चा गर्नुहुदै यस क्षेत्रको विकासका लागि राज्य पक्षको मात्र मुख नताकेर सबैले पहल गर्नुपर्ने बताउनु भयो ।
      कार्यक्रममा विश्व बैंकका उर्जा शान्ति सहयोग कार्यक्रमका अनुगमन र मुल्याङ्कन विज्ञ ई. कविन्द्र पुडासैनीले “पानी नेतृत्व” सम्बन्धि कार्यपत्र प्रस्तुत गर्दै नेपालमा पानीको सहि रुपले प्रयोग, वितरण र भविष्यको आवश्यकता पूर्ति र पहिचान, समस्या समाधानलाई सहिरुपले सम्बोधन गर्न “पानी नेतृत्व” सिप राष्ट्रिय, क्षेत्रिय र सामुदायीक क्षेत्रमा प्रतिनिधित्व हुने गरी त्यस सम्बन्धी पानी नेतृत्व कर्ता क्षमता विस्तार गर्नुपर्ने कुरामा जोड दिनु भयो ।
      कार्यक्रममा पुर्व उर्जा सचिव ई. हरिराम कोइरालाले नेपालमा उर्जा क्षेत्रको स्थिती, चुनौती, समस्या र समाधान, विषयमा प्रकाश पार्दै देशको विद्यमान उर्जा संकटलाई समाधान गर्न सरकारले नै उर्जा किनमेल सम्झौता (एएब्) गर्नुपर्ने र साना–ठुला विद्युत आयोजना देश तथा विदेशबाट लगानीको लागि लगानीमैत्री वातावरण सरकारले बनाउन पहल गर्नुपर्ने बताउनु भयो । उहाँले विद्युत प्रसारण लाइनको निर्माण र राजनैतिक नेतृत्व गणमा उर्जा क्षेत्रको समस्या समाधान गर्न त्यस किसीमको प्रतिबद्घता र नितिगत कुरामा सुधार ल्याउनु पर्ने कुरा व्यक्त गर्नु भयो ।
       कार्यक्रममा अर्का वक्ता पानी ईन्जिनियरिङ्ग र तालिम केन्द्रका वैज्ञानिक व्यवस्थापक श्री सुरेन्द्र पराजुलीले उपभोक्ताको गुणस्तरीय पानीको प्रयोगका अधिकारलाई सम्बोधन गर्न उच्च स्तरिय प्रयोगशालाको महत्व र राज्य पक्षबाट अनुगमन र मुल्याङ्कन गर्नुपर्ने कुरामा जोड दिनुभयो ।
     अधिकार सम्पन्न एकिकृत वागमती सभ्यता क्षेत्र विकास समितिका पुर्व अध्यक्ष श्री महेश बहादुर वस्नेतले वागमती सरसफाइ र नदिनाला संरक्षणमा विगतका आफ्ना अनुभव व्यक्त गर्नु भएको थियो ।
संचार संयोजक    
ग्लोबल पीस फाउन्डेसन, नेपाल

सेति खोचबाट दुईजनाको उद्धार Pokhara

१) मिति २०७०।१२।८ गते ०९:४५ बजेको समयमा जिल्ला कास्की पोखरा उप.म.न.पा. वडा नं. ९ चोरसाँघुको पुुल मुनि खोंचमा अं. २०० मिटर तल नामथर वतन नखुलेको वर्ष अं. ३०/३५ कि महिला खसेको छ भन्ने खवर प्राप्त हुनासाथ यस कार्यालयबाट प्रहरी नायव उपरीक्षक सन्तोष खड्का सहितको टोली र नेपाल प्रहरीको पश्चिम क्षेत्रीय सशस्त्र प्रहरी गणबाट ९ सदस्यीय उद्धार टोली  तत्काल घट्नास्थलमा पुगि २ घण्टाको उद्धारकर्मीहरुको अविरल प्रयास पश्चात निज महिलालाई सेती नदीको सतहबाट सकुशल उद्धार गरी बाहिर निकाली उपचारको लागि प.क्षे. अस्पतालमा पु¥याईएको छ । निज महिलाले तत्कालै उपचार पाएको कारण स्वास्थ्यमा समेत सुधार भईरहेको छ । हाल उपचारमा निज महिलाको श्रीमान उपचारमा संलग्न छन । उनका अनुसार खोंचमा खस्ने उक्त महिलाको नाम आशा क्षेत्री, वर्ष ३०, स्थायी घर दोलखा भई हाल पोखरामा बस्दै आएको । निज महिलाले हामफाल्ने कारणका बिषयमा प्रहरीले अनुसन्धान गरिरहेको छ ।

२)    मिति २०७०/१२/८ गते ०८:५० बजेको समयमा जि. कास्की पोखरा १० रामघाट सुकुम्वासी टोल बस्ने वर्ष ४५ को कुमार नेपाली अत्यधिक मादक पदार्थ सेवन गरी नजिकैको भिरबाट सेती नदिको किनारामा खसेको भन्ने खवर प्राप्त हुनासाथ यस कार्यालयबाट खटिएको प्रहरी टोली र निजको आफन्तले उद्धार गरी उद्धार गरी उपचारको लागि गण्डकी अस्पतालमा पु¥याएको ।

मिति २०७०/१२/८ गते ।  

District Police Office Kaski
जिल्ला प्रहरी कार्यालय कास्की

झगडा मिलाउन जाने प्रहरीलाई कुटपिट गर्ने पक्राउ-Pokhara

    मिति २०७०/१२/५ गते राती कास्की जिल्ला सिल्दजुरे गा.वि.स. वडा नं. ६ छाचोक स्थित पावरहास नजिकै रहेको बिष्णु बहादुर रानाको खाजा घरमा झैझगडा तथा खुकुरी प्रहार भएको छ भन्ने खवर प्रहरी पोष्ट सिल्दजुरे चासुमा प्राप्त हुनासाथ तत्काल प्र.ना.नि. ओम प्रसाद पौडेल सहितको प्रहरी टोली उक्त घट्नास्थलमा पुग्दा उक्त स्थानमा सोही स्थानमा बस्ने गंगा ब. राना, कृष्ण गुरुङ्ग र दल बहादुर गुरुङ्गलाई २५/३० जनाको समूहमा आएका  व्यक्तिहरुले खुकुरी, रड प्रहार गरी घाईते बनाएको र प्रहरीले उक्त व्यक्तिहरुलाई नियन्त्रणमा लिन खोज्दा उल्टै प्रहरीलाई खुकुरी, रड प्रहार गर्दा प्र.ना.नि. ओम प्रसाद पौडेलको बायाँ आँखामा गहिरो चोट लागी घाईते भएका । उक्त घट्नामा संलग्न निम्न २ जना व्यक्तिलाई पक्राउ गरी आवश्यक कारवाही अनुस्न्धान भईरहेको छ संलग्न अन्य व्यक्तिहरुको खोजतलास कार्य भईरहेको छ ।

पक्राउमा परेका व्यक्तिहरु:
१)    जिल्ला कास्की सिल्दजुरे ४ बस्ने वर्ष ३३ को पस बहादुर बास्तोला
२)    जि. कास्की आर्वाविजय २ बस्ने वर्ष ३० को दर्शन लामा भन्ने लेख बहादुर तामाङ्ग

District Police Office Kaski
जिल्ला प्रहरी कार्यालय कास्की

कुटपिट गरी घाईते बनाई धनमाल लुटपाट गर्ने पक्राउ

  ९:०० बजको समयमा जिल्ला कास्की ले.न.पा. ८ शिसुवा बस्ने असोक गुरुङ्गलाई एक्कासी आई फलामको रड, तरवार सहितले कुटपिट गरी घाइते तुल्याई निज सँग भएको आईफोन, सुनको औठी समेतका सामानहरु लुटि फरार रहेको अवस्थामा निम्न ७ जना व्यक्तिहरुलाई मिति २०७०/१२/५ गते पक्राउ गरी आवश्यक अनुसन्धान कारवाही भईरहेको छ ।
पक्राउमा परेका व्यक्तिहरु:
१.    जि. कास्की ले.न.पा. ७ बस्ने वर्ष ३७ को सहि बहादुर भन्ने सय बहादुर दुरा ।
२.    जि. कास्की ले.न.पा. ७ बस्ने वर्ष ३० को मेख बहादुर तामाङ्ग
३.    जि. कास्की ले.न.पा. ७ बस्ने वर्ष २८ को नविन मल्ल ठकुरी
४.    जि. कास्की ले.न.पा. २ बस्ने वर्ष ३३ को बुद्ध कुमार गुरुङ्ग
५.    जि. कास्की ले.न.पा. ३ बस्ने वर्ष ३७ को मान्की भन्ने कृष्ण बहादुर भण्डारी
६.    जि. कास्की ले.न.पा. ७ बस्ने वर्ष २५ को सुशिल लामा भन्ने सुशिल तामाङ्ग (गुरुङ्ग
७.    जि. कास्की ले.न.पा. १२ बस्ने वर्ष २६ को किरण गुरुङ्ग

   District Police Office Kaski
  जिल्ला प्रहरी कार्यालय कास्की

उपदेश-Bhojraj Baral- Pokhara-Nepal

                                                    उपदेश

                             

 भोजराज बराल

पोखरा-७ नुवर्थोक

News Of Pokhara         

                          ( सुखंतु जगतामेव  काधेण धर्मजायते )

हामीले केही नलिई आयौ,जादा पनि केही नलिई जान्छौ . आउदा दश महिना गर्भमा कष्ठ भोग बस्छौं .

बाहिर निकलन नपाएसम्म कर्म धर्म गर्ने थिए दुई हातजोरी भन्थे . तिनले पछि कहाँ भन्दै भुल्छ तर नभुलम नभुलुम मरेर जादा धर्म गरे धर्म लान पाइन्छ . पाप गरे पाप पछि लागि जान्छ पापले छोड्दैन . यो धुर्ब सत्य कुरा हो .

                      ( तिर्थ विनाप्रवाणच परदेश परित्यजेत )

भन्छ हिड्ने पाए जथाभावी नहिड्ने खान पाए जथाभावी नखाने बोल्ने इन्द्रिय बसमा पार्ने काम कोर्ध लोभ  दमास काम हराउने सम्पूर्ण जीवन अह : भय: दान गर्ने

                                  उं नम: शिवाय

सशस्त्र प्रहरी बलको सवारी साधन दुर्घट्ना

सशस्त्र प्रहरी बल भानु गणको बा.१.ग. १८२१ नम्बरको टुटन सवारी साधनमा सोही कार्यालयका तालिमरत ३३ जना सशस्त्र प्रहरी बलका जवानहरुलाई पोखरामा लिई आउँदै गर्दा जिल्ला तनहुँ दुलेगौडा ३ हल्लेदी भन्ने स्थानमा पल्टिन गई दुर्घटना हुँदा उक्त गाडीमा सवार ३३ जना घाईते भएकोमा तत्काल पोखराको प.क्षे. अस्पतालमा ल्याई उपचार गराउने क्रममा २ जना जवानको मृत्यु भएको ( मृत्यु हुनेमा महेश श्रेष्ठ र केशव राना) ४ सिरियस घाईते मणिपाल शिक्षण अस्पतालमा उपचार भएको र बाँकी २७ जनाको पश्चिम क्षेत्रीय अस्पताल पोखरामा उपचार भईरहेको छ ।
मिति २०७०/१२/२ गते ।
प्रहरी नायव उपरीक्षक
( राजेशनाथ बास्तोला )

District Police Office Kaski
जिल्ला प्रहरी कार्यालय कास्की

होलीको समयमा होहल्ला गर्ने पक्राउ Pokhara Holi 2014

होलिका दिन पोखरा तथा लेखनाथ नगर क्षेत्रमा होलीको नाममा अनावश्यक मानिसहरुलाई जवरजस्ती रंग छ्याप्ने, समाती रंग लगाई दिने, मादक पदार्थ सेवन गरी हो-हल्ला गरी अशान्ति मच्चाउँदै हिडने, हुलहुज्त गर्ने, मादक पदार्थ सेवन गरी सवारी साधन चलाउने ४८ जना पुरुष र ८ जना महिला गरी जम्मा ५६ जनालाई नियन्त्रणमा लिई आवश्यक कारवाही अनुसन्धान भईरहेको छ । होलीको समयमा ओभर स्पीडमा चलाउने, लाईसेन्स साथमा नलिई चलाउने, ३ जना मोटरसाईकलमा चढि होहल्ला गर्दै हिडने र सवारी दुर्घटना गराउने जम्मा ४८ वटा सवारी साधनलाई नियन्त्रणमा लिई कारवाही गरिएको छ ।

District Police Office Kaski
जिल्ला प्रहरी कार्यालय कास्की

जबरजस्ती रङ हान्दै हुनुहुन्छ ? होशियार प्रहरी कारवाहीमा पर्नुहोला - Pokhara-2014

 चैत्र १, पोखरा ।
फागूपूर्णिमा (होली) को अवसरमा कुनै अप्रिय घटना नघटोस र विकृति तथा विसंगति जन्य क्रियाकलापमा कोही संलग्न नहोस भनि कास्की प्रहरीले आम जनतालाई सुसूचित गराएको छ ।
जिल्ला प्रहरी कार्यालय कास्की, वडा प्रहरी कार्यालयहरु, सामुदायिक सेवा एवं सामुदायिक प्रहरी सेवा जिल्ला समन्वय समिति, कास्की जिल्लामा क्रियाशिल सामुदायिक प्रहरी सेवा केन्द्रहरु पृथ्वीचोक, बैदाम, बगर, माटेपानी र लेखनाथ समेतले होली पर्वमा हुने विकृति विसंगति न्यून गर्न, जवरजस्ती रङ्ग तथा लोलाहरु नहान्न, पर्वको नाममा लागू पदार्थ तथा उत्तेजनात्मक पदार्थ सेवन नगर्न, घरको छत माथीबाट तथा सवारी साधनबाट रङ छयाप्ने काम नगर्न, ट्राफिक नियमको उल्लघंन नगर्न, छालामा हुने रोगहरु निम्ताउने केमिकलयुक्त रङ्ग प्रयोग नगर्न अनुरोध गरेका छन ।
 हजारौ थान यस्ता सचेतनामूलक पर्चाहरु छपाई कास्की जिल्लाका पोखरा, लेखनाथ नगरपालिका र आसपासका गाविसहरुमा वितरण गर्दै माईकिङ गरिएको छ ।
अवान्छिथ क्रियाकलापमा सहभागि नहुन र सहभागि भएको पाईएमा कडा कारवाही हुने व्यहोराको सूचना सहित माईकिङ गरिएको हो । जबरजस्ती रङ्ग तथा लोलाहरु हान्ने कामलाई दुरुत्साहन गर्न, पर्वको नाममा महिला, वालिका तथा पर्यटन माथि हुने अवान्छित क्रियाकलापहरु रोक्न यस खालका कार्यक्रम गरेको र सो को उल्लंघन गरेको पाईएमा कडा कारवाही गरिने सम्बन्धित श्रोतले बताएको छ ।
यस खालको सचेतनामूलक सूचना प्रवाहका कारण यस पालिको होलीमा कुनै अप्रिय घटना नघटने होली पर्वको समयमा कुनै दूर्घटना नहुने सम्बन्धीत श्रोतले जानकारी दिएको छ ।

        सचिव
चक्रपाणी सुवेदी

होलीलाई सुरक्षित बनाउन कास्की प्रहरीको अभियान- Happy Holi 2014

 फाल्गुन ३०, पोखरा ।
आसन्न फागूपूर्णिमा (होली) २०७० को अवसरमा कुनै अप्रिय घटना नघटोस र विकृति तथा विसंगति जन्य क्रियाकलापमा कोही संलग्न नहोस भनि कास्की प्रहरीले विशेष अभियान थालेको छ ।
जिल्ला प्रहरी कार्यालय कास्कीको अभियान, सामुदायिक सेवा एवं सामुदायिक प्रहरी सेवा जिल्ला समन्वय समिति कास्कीको संयोजन र कास्की जिल्लामा क्रियाशिल सामुदायिक सेवा केन्द्र एवं सामुदायिक प्रहरी सेवा केन्द्रहरु पृथ्वीचोक, बैदाम, बगर, माटेपानी र लेखनाथ समेतको सहयोगमा कास्की जिल्लाका पोखरा, लेखनाथ नगरपालिका र आसपासका गाविसहरुमा होली पर्वमा हुने विकृति विसंगति न्यून गर्न, जवरजस्ती रङ्ग तथा लोलाहरु नहान्न, पर्वको नाममा लागू पदार्थ तथा उत्तेजनात्मक पदार्थ सेवन नगर्न, घरको छत माथीबाट तथा सवारी साधनबाट रङ छयाप्ने काम नगर्न, ट्राफिक नियमको उल्लघंन नगर्न, छालामा हुने रोगहरु निम्ताउने केमिकलयुक्त रङ्ग प्रयोग नगर्न अनुरोध गरीएका पर्चा वितरण सहित माईकिङ गरिएको छ । सो अभियानलाई चैत्र १ र २ गते समेत जारी राखिनेछ ।
त्यस्ता क्रियाकलापमा सहभागि नहुन र सहभागि भएको पाईएमा कडा कारवाही हुने व्यहोराको सूचना सहित माईकिङ गरिएको हो । जबरजस्ती रङ्ग तथा लोलाहरु हान्ने कामलाई दुरुत्साहन गर्न, पर्वको नाममा महिला तथा पर्यटन माथि हुने अवान्छित क्रियाकलापहरु रोक्न यस खालका कार्यक्रम गरेको सामुदायिक प्रहरी सेवा जिल्ला समन्वय समिति कास्कीका प्रहरी नायव निरीक्षक रेशम पौडेले बताए । वाल लालिकाले त्यस्ता क्रियाकलाप गरेको पाईएमा अभिभावकलाई समेत कारवाही हुने कुरा समेत सो पर्चामा उल्लेख छ ।
जिल्ला प्रहरी कार्यालय कास्की तथा वडा प्रहरी कार्यालयहरु बैदाम, बगर, रामबजार र शिसुवाबाट समेत सो कार्यमा विशेष समय दिई ४ वटा सवारी साधन प्रयोग गरी सूचना प्रवाह गरिएको छ जसको कारण यस पालिको होलीमा कुनै अप्रिय घटना नघटने होली पर्वको समयमा कुनै दूर्घटना नहुने सम्बन्धीत श्रोतले जानकारी दिएको छ ।