नाकाबन्दीका कारण जनजीवन प्रभावित

आफ्ना कार्यकर्ता कुटिएको विरोध गर्दै एकीकृत माओवादीले गरेको अनिश्चितकालीन ओखलढुंगा नाकावन्दीका कारण ओखलढुंगाको जनजीवन प्रभावित भएको छ । शान्ति र संविधानको माग गर्दै एकीकृत माओवादीले गरेको आमहड्ताललाई अवज्ञा गरी स्थानीय बजारबासी र एमाले निकट युथफोर्सले वैशाख २५ गते आफ्ना ११ जना कार्यकर्तालाई कुटपिट गरेको विरोधमा माओवादीले ओखलढुंगा नाकावन्दी गरेको हो । माओवादीले कुटिएका कार्यकर्ताको उपचार र दोषीलाई कारवाहीको माग गर्दै आइतबारदेखि सदरमुकाममा नाकावन्दी गरेपछि बजारवासीहरु मारमा परेका हुन् । माओवादीले सदरमुकामलाई केन्द्रित गरी विभिन्न सडकमा रुख ढालेर सवारीसाधन प्रवेश गर्न दिएका छैनन् । यातायातका साधन नचल्दा सदरमुकाम तथा ग्रामीण भेगमा दैनिक उपभोग्य समाग्रीको अभाव हुँदै गएको छ ।।